【只要有唉瘋，人人都係拉打！！】Kids Logic Keman Rider iPhone Case

老文

昨日啐之睇左實物...同埋昨日扮black果位ching...:67:

飛鷹俠

好, 同各位師兄分享下先~ (申報: 我唔係打手, 只係一個對印刷識小小既拉打fans)

講真我係為左呢個哎瘋case入動漫節既, 之前一直係度睇相都已經覺得唔錯, 不過點都要入場睇左實物先可以決定買唔買既~

言歸正轉: 呢個case係我見咁多"拉神"貨黎講最有heart既一個, 先講包裝, 開窗紙盒有design, 裡面吸索裝住個case可以及住個哎瘋, 再穿條皮帶就可以變做變身腰帶, 非常有創意。

再講呢隻我用左160蚊買返黎既case (會場價, 送多一條 bumber), 佢係先上好左條bumber再"熨"塊底上去既, 位置幾 fit, 冇拏位。

到戲肉了, 亦係我最想講既部份, 變身器既設計跟足原註, 連細微位都做到好足, 線位仲可以摸到有凹凸感, 好應真, 一d都唔馬夫。

另外, 為左要做到風車位個反光效果, 佢地用左塊2mm厚既透明”亞加力”片做底, 再兩面噴上圖案: 正面噴變身器, 中間偷穿個風車窿, 再o係背面個窿位噴上風車圖, 咁樣就可以見到一個”令立立”既風車, 真係非常聰明。不過要做呢個過程一d都唔簡單, 我睇到圖案都係dinkjet點, 所以我判斷佢係用噴墨打印, 仲要用一部定位好準既平版UV 噴墨機打印機先做到雙面套準, 先噴白噴幾層做成凹凸效果, 最後再噴四色上面, 真係唔易做, 甚至制作過程會印衰好多貨。

不過, 講左咁多好野都要講下d瑕疵位, 首先我發現個白墨位有打印痕(Banding),估計可能個白色噴頭塞塞地所以先會咁。 仲有既係呢塊”亞加力”片條邊, 有好多位置有d白墨噴左落去, 睇起上黎好似有漬咁, 唔係咁靚。

以上係小弟有感而發, 內容如果有錯或者得罪左Kidslogic既話請多多包函及更正。

點都好, 整體黎講, 我都已經好滿意呢個case,雖然我只係買左隻Black, 但係睇過呢隻之後我會再買多一兩隻唔同既備用, 話晒我都係一個拉打fans嘛~ ^^