《蘋果》直擊吉林殺狗製醬料 狗肉即食麪 震驚國際 舉世譴責

Squall

食狗同食其他動物咪一樣...

櫻島一號

係咁正義咪食素0羅

~^~^~

食狗同食其他動物咪一樣...
Squall 發表於 28-4-2012 03:49 PM

http://www.youtube.com/verify_ag ... o&feature=share

口岩,其實生命平等 狗是可愛但係雞牛羊豬都一樣係生命 一班肉食者去"遣責"人食狗是五十步笑百步 笑

玩具

WELL... 又係食狗肉的爭論 ?

雖然我完全唔認為食狗有任何問題...
但我明白亦同意狗因為做得人類寵物多 ,
所以普遍人都會對食狗比較抗拒 ,
所以有人接受唔到好正常

但係絕對無必要將食狗o既人講做殘忍甚至無道德吧
報導入面殺狗的方式亦只係同一貫殺雞方式差唔多
唔見得有幾 "殘殺" 隻狗
不過我知而家好多人都唔知架喇
尤其好多自命道德判官 , 買一包包現成雞肉的所謂先進國家人民

先唔講有冇資格批評啦
但既然殺雞都係以同樣手法去處理
咁點解被殺o既係雞就無問題 , 狗就有問題呢 ?

咁講到尾究竟報導入面
除左食狗可能觸犯法律有錯之外
仲有咩任何法理或者道德之錯呢 ?
我真係搵唔到

太歲

咁呢個post 睇黎得我係可以名正言順去叫人唔好食狗，

大家一齊食素啦~~

穆•拉•布拉加

食魚翅就話驚鯊魚絕種, 唔知尐狗會唔會食到絕種?
養狗既人多, 純粹係少數服從多數既遊戲...........
殘忍? 血腥? 唔人道? 大家幾時去投訴屠宰豬牛羊, 鷄鴨鵝, 魚蝦蚧時殘忍血腥?
飲食節目時時生劏尐海產冇人鬧, 尐主持仲狂話好正好正...........屠房街市人員為方便生劏動物冇人理...............
唔係眾生皆平等咩?? 其他動物被劏時唔會痛?
我自己都冇食狗, 但也不想做道德L:45:

FANGJOKER

歐洲野兔多 超市原隻賣

在意大利、西班牙及法國等地，都有食用兔肉的習慣，尤其踏入秋冬，野味最肥美的季節，以打獵得來的野兔入饌，十分家常。在法國的超級市場，很容易買到雪藏的原隻兔肉，而在西班牙的露天市場甚至可見到還未去毛的新鮮野兔。相比其他野味如黃麖肉和鹿肉，野兔價廉量多，甚至多到滋擾日常生活。2007年中，意大利米蘭的利納德機場受野兔問題困擾多月，成群野兔在停機坪、機庫甚至跑道上又跑又跳，直接干擾地面雷達，最後要關閉機場捕兔清場。
兔仔都好可愛好多人養架, 但歐洲人食兔肉只係家常便飯, 大家嬲唔嬲? :73:

SuperBus

雖然我唔食狗, 喺第二個壇見到蘋果有段片講上面 "湯" 狗我都覺得殘忍,
不過我呢隻食肉獸就冇乜資格講人啦...
冇錯, 或者因為狗喺依家大家數人心目中係視作寵物看待,
所以見到片段入面D狗咁比人 "湯" 覺得殘忍亦不無道理,
但係食豬牛雞鴨呢D其實一樣都係咁殘忍, 始終都係殺生,
唔理用乜野方法去屠宰都好,
只係因為呢D係我地日常食用嘅肉類所以就少人出聲,
如果咁講嘅睇嚟我地真係要轉行食素啦...

太歲

雖然我唔食狗, 喺第二個壇見到蘋果有段片講上面 "湯" 狗我都覺得殘忍,
不過我呢隻食肉獸就冇乜資格 ...
SuperBus 發表於 30-4-2012 12:42 AM

我明白大家會以唔好五十步笑百步既原則下的確唔係好多人可以企出黎話食狗呢件事好殘忍！
所以我企出黎講！
我覺得好殘忍呀~~~~~~~！
見到殺狗時D狗係好驚，
見到佢地好無助.....情景亦好恐怖~
個心好難過呀.........
佢地咁信任人類但人類就將佢地殺，
因為信任返而受傷害，
我自己感覺佢地一定好傷心.........
大家如果可以既就漫漫試下食素！
我明白有D人唔可以突然轉晒，
咁樣如果大家都覺得殘忍既就試下漫漫去轉，
你食一餐素可能就有一條生命唔駛死！
你地盡量食多D素唔好食肉啦~~