原文章由 penny24hk 於 9-4-2007 09:10 PM 發表
小弟只想問一句樓主 何謂公平??
以下為小弟之愚見:
小弟打高達vs系列由最初版打到seed d
依樓主既睇法
"挑機者就一定要選用被挑機者用級機體方可(即不是屈機)"
但小弟就覺得 大機走去打細 ...
唔通真係無人明我意思? 正如street fighter, 你用緊四大天王果個拳手, 人地用ken挑你, 只係用波波你, 守又死攻又死你有咩感想? 一場只有輸或者只有贏o既比賽真係有意思嗎? 曾經我試過玩緊capcom vs SNK2用四大天王果個拳手, 有人就用豪鬼來挑, 佢好勁呀, 係咁前翻出波後翻出波幾咁瀟灑, 於是我問佢「好玩咩?」佢話:「玩下o者」, 咁我應該點做? 繼續比佢魚肉? 下一round用豪鬼挑反佢? 定還是同佢出門口過兩招呢? 咁係咪以後唔比打細機? 如果無得揀只有一條line就無得講, gundam好多時已經有兩條line一樣要咁挑, 我覺得好無意思囉, 大大講得o岩現實係無公平, 比賽都會攻擊弱點, 但是電腦遊戲始終沒有平衡點, 設定一定有強有弱, 但係玩者無得改變嘛, 如果好似winning11咁育成就話o者, 正如現實乞衣都可以變李嘉誠, 但SEED D 大大覺得試作型ginn有無可能戰勝strike freedom? 呢個係電腦遊戲同現實o既分別, 如果講同現實比, 我反而覺得咁樣玩game 做人處事一定唔慌好, 有人強過你就閃, 弱過你就盡情「勝利」, 「鶴立雞群」隻鶴走入雞群裡度高真係咁值得自豪嗎???
用返ginn同Strike freedom呢個例子, 以劇中情節當作現實咁睇丫, 劇中SF 的確輕易以一揪十, 但係咪人人都可以駕駛有SF? zaft 士兵, 係咪可以返基地渣返十架八架SF, 打返kira SF? 但打機只要付出港幣$3就人人都可以用SF, 呢個亦係現實o既公平同遊戲o既公平分別所在
又講高達vs渣古, 高達三槍就可了結渣古, 渣古打中晒五飛子彈都未必擊倒高達(紅渣還可以), 閃避能力兩者又相差一大截, 講速度高達一飛走, 渣古追都追唔到, 彈速又追唔到高達, 仲要係子彈即使打中一兩粒高達都當R痕, 高達創幾追又多連招硬直又小, 渣古小追但無得連招咁滯, 咁高達贏渣古難度有幾高? 當然我自己都贏過高達、雙mark2, 唔係完全無機會, 但係用高達贏左開心嗎? 我只覺得贏係應該, 既然係咁我做咩仲要玩高達?
回大大一d point啦:shy:
大機走去打細機就要叫屈機??
< 本人無咁o既意思, 不過有d招數大機的確屈細機但仍大把人用, 例如紅勇高達擊倒紅渣綠渣, 企o係側邊等渣古企起身時再打, 渣古無論點做都無得避, 我覺得係小人所為
高達vs系列 一向係講求 戰術 同拍擋合作性
咁真實打仗都係向敵人既弱點攻擊啦
< 的確係2vs2講求合作性, 不過唔係我呢個topic想講o既野
如果 2vs2 既情況
唔係大挑細 玩2夾1駁槍
樓主到時又係到話人屈機
走去追新機 又叫屈
< 呢個情況原則上我無話係屈, 不過好多人利用機體優勢屈機係事實, 例如雙加布蘭vs雙渣, 加布蘭用「飛行一擊即離方法」, 當然呢招唔係"屈招", 係加布蘭攻擊模式之一, 但係要挑戰雙渣, 揀呢種機體跟本贏出百份比我相信起碼95%, 呢樣先係我呢個topic想講o既野, 贏硬咁滯o既挑機, 係挑戰定挑釁呢? 呢個情況係o係有條line情況仍時有發生的,
唔想被挑(屈)最簡單方法 唔玩羅
<係咪即係我要玩就要揀最大果隻機玩? 一係就唔玩? 咁唔怪得今時今日都係最大果幾隻挑香挑去啦, 六七年都咁好悶o者
希望大大你明我意思, 我唔介意無左果幾蚊, 不過人地用幾蚊就可以玩弄人, 我諗被玩果個無人會舒服囉, 我亦體會唔到咁玩人會有咩值得自豪, 最近有人用老虎挑我高達雷射槍, 我都只係同佢格劍, 炮都唔用(包括空中+b呢d勁追o既斬招都唔用), 結果我輸左但輸得開心, 至少佢用實力贏我
:DD
[ 本文章最後由 特級豉油 於 10-4-2007 01:13 AM 編輯 ] |
樓主: 特級豉油
樓主
發表於 9-4-2007 21:10:58
