如題, 兩廠的李小龍Body 簡報...
左邊TTM17, 右邊RM-X
兩款BODY都係無頭鬼....
HT的附件, 只有一對後備的手腕JOINT...
EB的, 因為原意係比已購入死亡遊戲導演版的玩家作擴充之用...
所以附件有一對波鞋,一對黑襪,同一個手額(手鐲),令購買者可同時組裝到兩隻小龍FIGURE...
身形方面,HT肩膊比較橫...大腿較粗...
EB的肩膊較窄及微斜,即俗稱的A字膊...
兩款BODY高度相約...肌肉方面...HT的比較生硬....像全身在發勁的狀態....
配合打鬥POSE時會較合適...但擺平常POSE時...感覺很不自然...
而EB的肌肉線條上,就表現得比較自然....
側身, EB的較厚身....兩者皆造到了李小龍的輕微駝背狀態...
背部,HT的明顯是倒三角身形....造到了李小龍那"蝙蝠翼"肌肉的特徵...
EB的背影相比之下...線條沒有HT的那般強烈...
其實早在玩DX04時...我已經發現一個問題....
當時沒有深入研究...只是覺得FIGURE的小腿形狀有點奇怪....
現在再看清楚TTM17的雙腿...就更加覺得小腿是左右掉換了...
早前SIDESHOW FORUM都有外國玩家提及此事...
我在圖片上加了兩條黑線指示...方便大家觀看問題的所在....
如果想更正,可先用風筒, 將小腿加熱...令膠料軟化...
然後用螺絲批小心慢慢地撬出小腿...
組裝的工人沒有裝錯...的確係跟足L,R的方向去組合....
問題應該就係出於這兩個字母...相信係做模時,決定L,R部件時對掉錯了...
下圖為修改前後對比....
更正後,即刻舒服晒~!
如果你睇完都係睇唔出個分別...恭喜你...
即係對於你黎講,呢個唔係問題...你可以無視上面呢PART...
其實著功夫褲或西褲等...真係可以唔理佢...
不過著緊身褲,例如DX04夜行衣或者死亡遊戲黃色戰衣呢類...小腿向外曉的情況就會比較明顯....
好...繼續測試...可動方面...
兩款可動情況大致相約...
HT的手爭可掘曲多過90度...
而EB的可動不足90度,勉強可以再掘的...但會回彈...最重要係有另一個問題...之後再講...
EB大腿可以上提得更接近身體...因為於三角褲位置的空隙較多...
但同時在著貼身褲時...會不太美觀...布料容易攝入此空隙...若可著多條打底褲...相信情況應該可以改善...
腹部皆可向前彎曲...
作此動作時, EB的比較美觀(注膠式包膠BODY所致)...
HT的腹部因為會脹起(穿衣式包膠BODY所致),脹起部份會成為小肚腩...
註:何謂(注膠式包膠BODY)[我為方便稱呼而作的名稱....相信行內不是這樣稱讚的吧...haha~]
先生產好內骨架後...將骨架再放入另一模具中...注入橡膠, 開模後骨架和橡膠(肌肉)會成為一體
骨架與肌肉之中基本上沒有空隙...兩者會緊貼著的
何謂(穿衣式包膠BODY)[同樣是我為了方便稱呼而作的名稱...Wakaka~]
內骨架和外層肌肉獨立生產好...組裝時像穿衣服般把肌肉套在骨架外...骨架與肌肉之中會有空隙的
向後拗腰測試...不相伯仲...
上身可左右轉動...兩者幅度相約
但EB的BODY是腰和臀部一體的... 外觀上比較美觀...
頸除可前後擺動之外,亦可左右擺動....
但HT的比較"硬頸"....
手臂....EB的製作人員放了不少心機....
前臂向上提時...老鼠仔同時會脹起...
並且,前臂模仿了真人的雙骨轉動情況....
不是一般的FIGURE..只有手掌在轉而手臂不會轉的...
另一個角度....效果更明顯吧...
我很欣賞這個仿真活動的構思...充分利用了包膠的特性...製作人的心思值得一讚...
上臂當然可以向內或向外的轉動....可惜向內的轉向幅度未達理想...
肩關節...除了基本的前後旋轉和向橫提昇之外....
HT的更可以向前推..即俗稱的夾胸...EB的不可以...
HT的可以向後推...模擬擴胸....EB的亦不可以...
HT的可以聳肩和垂肩...EB的都不可以...
不要小看這個少少幅度的關節...可以令POSE擺得更自然和像真...
其實EB的只要在肩和身的接駁位造成BALL JOINT...
不是現在的圓柱狀插位...就同樣可以達到一樣效果的了~~可惜...
腳踝...HT使用一貫的雙BALL JOINT設計...可動性自由度大...
EB的...與腳板接合的都是BALL JOINT的...但幅度較細...
在BALL JOINT上面有一個 L JOINT...可以加大腳板的可動幅度...
可能玩慣HT BODY的...對EB的這種設計, 玩上手時...會覺得唔順手...
不過只要了解個結構同原理...都可以擺出各種動作...原理類似山口REVOLTECH...
例如大字馬...腳板著地性良好...
咁樣都得~!
兩款BODY配件兼容性...
HT的頸部BALL JOINT, 可以直接裝到EB的頸上...
拳頭手掌等...都可以互換...但HT的手掌裝到EB時...會比較緊....
試下兩間廠的小龍配件黎個CROSS OVER~!
HT 笑樣龍,
EB BODY...
HT 龍褲及龍鞋....
鞋直接裝上EB腳的BALL JOINT就可以...不過先要用風筒向EB腳板加熱...
拆下腳板後裝上HT龍鞋就OK~!
配DX04 CHOK樣龍一樣OK~!
EB BODY配上身赤膊LOOK就最FIT~!
包膠BODY就係要露肉先發揮到作用....著衫包實晒就冇意思~!
所以去著原本死亡遊戲套衫度就浪費晒...
之前講過手爭唔好掘曲多過90度...點解呢...?
呢個BODY最失敗之處...因為會爆手爭皮呀~~!!!
又試下用HT TTM17 BODY配EB頭同EB黃色戰衣...
可能呢個BODY肩膊夠橫...配EB頭...大頭仔病症有改善...
EB頭配TTM17要做手腳加工先得....
EB頭的BALL JOINT較大...要自行磨或削細粒BALL先可以接合到...
EB的衫黑色部份同黑襪...會染色落BODY度...介意的就唔好著....
我預左呢個BODY永遠著住呢套衫...所以我由得佢染到夠....
頭髮都係太高太大舊...導致大頭症原因之一....
EB笑樣龍...又有另一種感覺..笑得好含蓄?...定係傻笑...?
HT個笑樣...原本官圖就笑得好親切....但大貨就變左陰笑? 定奸笑...?
無可否認...HT TTM17擺POSE同活動性會比較自由...
但就露出唔少關節位....
而EB的包膠RM-X就美觀...但擺POSE相對會較生硬....
唔通包膠同可動...真係唔可以兩全奇美~??:no:
其實EB戰損龍...某D角度個神態幾正...
不過...眼眶都係開得太大....
今次寫呢個報告...並唔係要講邊個BODY好過邊個BODY...
而係想講下, 兩個BODY都各自有優點同缺點...
等大家可以更了解...邊個BODY會更適合自己所需....
希望可以幫到大家~~
圓寂....謝謝觀看~~~請呀~~~!
|