|
本帖最後由 L-U 於 3-10-2011 02:30 PM 編輯
慶祝美系玩具版成立!
來個小專題~ 介紹一下好另類又重口味既MU 收藏先!~~
MARVEL UNIVERSE入面既4小強!!
最強蛋散組合 - WRECKING CREW!~~
呢個一定要寫多D 介紹, 事關實在太騎呢~
WRECKING CREW係一個4人罪犯組織
主腦及成立人為WRECKER
WRECKER 原名Dirk Garthwaite
拆樓地盤工人一名, 失業後變裝為罪犯, 自稱WRECKER, 並以鐵筆為犯罪既記號
本身並無異能, 但陰差陽錯下遇上LOKI, 仲打暈左佢搶左佢個頭盔, 就咁俾LOKI既盟友NORN QUEEN KARNILLA 認錯而俾左能力佢
自此佢就得到超越一般人既身體同能力
重點係, 佢因此為到神力附體既鐵筆一支!! 地上最強之鐵筆從此誕生!!
此鐵筆非同少可, 可以吸收, 發射能量, 地震, 力牆, 幻象, 乜都得!
而且仲同雷神之槌一樣! 掉去邊都可以接返上手! 而且永不磨損!
太強了!! 唔知樓下五金鋪有冇得賣?:66:
自此WRECKER就成為超級罪犯之一, 不斷重複犯事--->俾英雄打敗-->入冊--->逃獄--->犯事
既輪迴, 而主要對手, 都係THOR
WRECKER本身係幾出色既MU FIGURE, 亦因為買左佢同BULLDOZER, 搞到我想返齊人
雕工非常好, 而且細位亦好足(特別係支鐵筆, 上色幾好), 可動亦係呢隻MU既賣點之一
頭部, 股位都係MU黎講好好既一隻, 但腳跟始終少左個關節, 要自己加
介紹完WRECKER, 到介紹佢TEAM人了
話說某次WRECKER入左冊, 一個叫Eliot Franklin既科學家搵上門, 想搵佢幫手搶gamma bomb, 於事安排佢同埋兩個同倉一齊逃獄
WRECKER逃獄中途搵返自己支鐵筆, 時值雷雨交加,
佢心生一計, 叫大家(包括DR. Eliot Franklin)同時拎住支鐵筆
一個落雷打中支鐵筆, 就齊齊共享左神力了!!
(原來支鐵筆唔止力量強大, 仲有資源共享功能........)
好倉友! 有好野當然要共享!
WRECKING CREW就此誕生!! 不過, 好快又俾DEFENDERS同LUKE CAGE打敗
跟住又不斷重複犯事--->俾英雄打敗-->入冊--->逃獄--->犯事既輪迴....
BULLDOZER
Henry Camp, 前軍官, WRECKER 倉友...前半生無乜特別...
變成BULLDOZER後, 人如其名, 主要係用個頭黎撞人
即係鐵頭功, 睇造型...都睇得出..
FIGURE黎講又係一個驚喜, 雕得好唔錯, 尤其是非常有特色既頭部都做得好仔細
銀色亦上得好靚
THUNDERBALL
DR. Eliot Franklin, 即係促成WRECKING CREW既科學家
主要用大鐵球一個
我好老實招認, 我係買散貨的, 個鐵球都係問ABSORBING MAN 借來的, 反正..都係一樣..
另外搵唔到黃色RT, 所以只係改左大脾就算了~
PILEDRIVER
Brian Philip Calusky....好無趣既前半生, 唔題了
特徵係一對大過沙煲既拳頭!! 所以有人肉打樁機之稱(無誤, 請自行查看 PILE DRIVER)
可惜玩具無做到一對大拳頭, 結果非常平凡...
WRECKING CREW其中一個壯舉就係打敗THOR
當時THOR俾ODIN減左神力, 結果不敵呢班蛋散
當然, 其後次次都係敗起雷神之槌之下...
最後係一D 近年既登場畫, 其實....都OK有型架
後話:
MARVEL其實好多奸角都幾有特色, 好似WRECKER, 一支鐵筆可以寫到咁多野出黎, 真係要好好想像力先得
呢套MU 其實都算出得幾好, 大佬WRECKER同BULLDOZER都雕得好好
不過唔好睇佢地頹頹地, 要齊人都唔係易事, 因為只有WRECKER係單裝
另外3隻都係2-PACK, 而且而家都唔易搵到了
其中BULLDOZER係夾THE THING
PILEDRIVER夾HAWK EYE
兩PACK都已經難搵. 希望遲下HASBRO整返個4-PACK, 等用家一次過買得返齊就好了
最後係WRECKING CREW 起ANIMATED入面登場既造型
當然, 都係幾下就俾THOR收服:34: |
發表於 3-10-2011 14:22:49
