上網拍賣買玩具與行街睇野買玩具心態與分別

宇宙之王者

唔知各位大大有無上網bid玩具的習慣?我就間中都有,因為可以搵番舊野同埋間中買到平野,但我發覺最近好多價都唔係咁合理,所以想討論下大家係網上買野的心態,舉些例: 最近大熱的宇宙大帝,係人都知街賣十七有找,但總係有人bid到一千六百幾,咁大盒野出黎咁辛苦..又唔係平好多,為嘜?另一例子,全城話題,EX 雙子,我無買無玩開都知,街明明係賣五百中,但網到個個都係bid到呢個價,真係更唔明!其實大家如果真係上網買玩具,覺得要同有幾多折讓,先價買?我自己就約10%左右(貨品一千元計),唔係我覺得唔吸引囉...而且行街買玩具,都係一種的開心娛樂,錢買唔到的!:43:


8/9/2011
另外~突然諗到有拍賣的另一現象,有D賣家明係拍賣公司收一元,佢就自己講明收十元,我本身都反感收我地買家錢,仲要收多我地買家,有D就咩好遠出黎,要加多幾蚊,大佬!我地都係要出黎,邊個比番車錢我地?(我寧願佢加係個拍賣品到,即$ 50貨咪自己SET$55囉,好簡單!,願者落BID),所以我宜家都多數街買,除非差好遠價錢.

ckc882000

1：吾係個個甘得閒走去行街，重要睇玩具，單身者除外！
2：我試過找過sdx 舊款，睇到頭都暈都找吾到
3：EX 我未見過5 中有得賣，x88見過，一星期後冇啦！但我只行mk 因近我
4：大帝個個預炒,但結果大家知道，甘都要走架！
5：網上賣家，都係係度推動緊玩具業！有好有吾好！
6：正常網上價平過街價小小，當炒都會，但當街都冇，網上價會好貴！但有時網上賣家互鬥價又會跌番落黎

lcm44bb

其實我唔會去bid新出貨品~講真價錢唔會差好多又周圍都見到~又唔洗約人交收~
但有時舊野就真係要去bid先搵得到~真係唔係周圍有~

tdpl2620

可能唔係個個都咁得閒出街行呱...
我都認同樓主...有時平得果幾十蚊...
又無得揀又唔係即刻到手...

咁我不如俾多幾十蚊~又有得自己親手揀~
又可以即見即到手...種感覺爽好多好多~

rockcham

其實有時係拍賣場bid係想撞手神bid到平野,不過近期bid野發現有in's 點老闆用多個acc在自己個拍賣品叫價,中左一次比多一百,之後就無再點係拍賣場bid野啦,
最攪笑係我賣返d二手玩具出去,個老闆又用其他ass買,之後放返係佢店出售,貴2百幾....
真係平玩具永遠都去唔到玩家手

熊貓仔

樓上師兄, 咁樣唔算恐怖了
我覺得最恐怖係"你想討論區"個d拍賣板, 直頭有成班老闆定唔知什麼人係24小時守住
有人一放平野, 唔洗5分鐘可以有幾個人pm你留電話, 死未....

正常玩家? 出街買貴野啦~

samsung

"你想討論區"個d拍賣板 係垃圾, 賣既想貴賣, 買既想平買, 一個月都成唔到一兩單, 唔駛理佢

大家掃

去拍賣場都係想彌補年青時所犯下的錯:31:

joasun

話我多數都會BID可以嚮自己住果區交收果D 慳返車錢同時間

老文

自己有頭家.而家放工就要返屋企..的確少左行街..想玩玩具就多數網上bid野(隨緣bid),大多數一定平過係街買..在我來就咁算係慳左時間同金錢..當然自己行玩具鋪會更開心,但唔一定要買到野..不過真係無咩時間偷到出來行:67:

toysng

拍賣網勁多 in's point 商家.
1個人可以用3,4 個acc 放.
用意何在 ?

anson@yeung

我係買舊野或平出面好多先會上去bid~~

ckc882000

自己有頭家.而家放工就要返屋企..的確少左行街..想玩玩具就多數網上bid野(隨緣bid),大多數一定平過係街買.. ...
老文 發表於 8-9-2011 09:16 AM

    I agree with you
Me too so sad

老文

回復 13# ckc882000


    其實我自己住葵青區,當葵涌廣場d玩具鋪都執淨2.3間時..其實想行都無乜得好行..而家九龍區玩具鋪都集中晒係深水埗,旺角同油麻地:67:

宇宙之王者

1：吾係個個甘得閒走去行街，重要睇玩具，單身者除外！
2：我試過找過sdx 舊款，睇到頭都暈都找吾到
3：E ...
ckc882000 發表於 8-9-2011 10:27 AM

我尋日行灣仔,仲見有EX 雙子五百中,不過唔講啦~唔想賣廣告.