勇氣之魂!!!!—超合金 勇者王 GAOGAIGAR 完全玩評報告

kkkiii0079

除左ROBOT魂之外，小弟間中都會買下「合理價」又「靚仔」既超合金公仔，不過一直好少做玩評報告。今次，呢隻勇者王，由佢話出開始，小弟就一直留意佢。出個陣，小弟為免夜長夢多，立即入手，一開盒.........都係慣用個句—有悲有喜﹗好多大大都讚得佢好犀利，誠然，佢有最得非常好既地方，不過，佢都有做得不太好，尚有改善既地方。唔講咁多，去報告﹗:handshake:


一直以來，超合金ROBOT都有一個問題，就係佢唔可以「驗屍」，有時睇清楚D先買都係合理啦，點知依家咁搞法，真係用幾條魚抽大蛋，感覺唔多踏實。ANYWAY，無法啦，想玩，就要接受呢個現實﹗



順手先影埋個黃金鎚先~~GAOGAIGAR咁多武器，都真係唔知出到幾時先完~~哈哈~~


連埋個EFFECT都影埋佢先~~


  
超合金ROBOT不嬲都唔係玩多配件，所以少D件，感覺無咩受到影響。講真，最緊要係QC好，咁就買得開心好多~~



講番隻本體先，先討論外型，當然係無得彈啦，簡單而言—夠DETAIL，上色精準，拋光又做得靚，D位做得好仔細，比例又唔錯﹗我地可以再細心D睇下各個部位啦~~

頭同埋隻心口獅子都做得好正﹗


手唔駛講，都係正~~

膝頭既鑽頭真係整得好尖好靚﹗





背部個三個G都整得好好﹗

好，我地睇下個可動性。基本上，超級系既機械人，好多時都係郁手，而唔多郁腳，大家睇下隻腳就明，至於隻手，睇落去真係幾好，不過，待會就會講，佢既問題。


先來一點POSE相﹗

一來當然會玩手，不過，一玩就出事。佢既關節係整得好緊，事關有好多配件要加下去，同埋手腕個連接位同以前既BALL JOINT唔同，算係有D新意。不過，佢手臀連住身體個個位，係好緊，係好實，但我調整一下手臂個角度既時候，佢突然成隻手甩左，原來佢D件係好實淨，之但係個連接位整得兒嬉左D﹗呢個問題一直纏繞住我，尤其我鍾意擺POSE，甩手既問題，一直困擾住我。儘管外型係好好，但係隻手個關節，點解就係唔可以整得再好少少﹗:$



好，到想玩膝撞個陣，之前都講過佢既可動度麻麻地，於是我都係求求其整一整。點知一拿起隻野，FING下佢，佢隻左腳居然係度##FING，我O左咀，再CHECK下，又真係爆件，乜問題都無，就係鬆到FING FING下，好無奈，呢個問題又係令我擺唔到POSE既其中一個原因之一。


講左手腳既問題之後，係時候又去番D正路D既相。飛拳個EFFECT出得唔錯﹗





PROTECTION SHIELD﹗我唔知點解，之前睇官圖，以為個SHIELD都厚厚地咁，點知實物畢竟係一張薄膠紙.......




玩GAOGAIGAR，點可以唔整下佢個HELL AND HEAVEN，講真，我唔多鍾意港譯既風起雲動拳，都無將個原意展現出來。簡簡單單，就用「天與地」可能簡單D~~以下我將成個過程都整左一次﹗


先張開手，然後就話天與地啦~~~~


兩隻手慢慢合埋，點解唔整多隻有色既手........



合埋左﹗之後就係時候向前衝﹗



係時候要整個EFFECT出來﹗

拿左個核心出來﹗

記得個時D核心係有人係入面，之後護會出來淨化佢地﹗


依家先來第一件隨機附上既武器，螺絲批﹗


其實呢件野真係無咩「玩」既空間，純粹係一支野，放佢同GAOGAIGAR一齊出真係明智﹗




整體而言，就隻本體而言，佢係做得幾好既，大家睇相都會睇得到。不過，佢手、腳既設計，的確係有待改進。如果佢真係想整好D，直接將隻手同身連埋一齊，唔好俾佢分得開，咁樣的話，甩手的次數應該可以大大減少。

kkkiii0079

依家係時候去GOLDEN HAMMAR部分，大家有眼得見，佢既配件係幾多下架，而且整體係做得幾靚仔。不過，如果支野識得變型做番人型，咁就真係抵啦~~ANYWAY，依家咁都算係唔錯﹗


呢度順手SHOW埋個今日去魂展拿到既一個超合金STAGE，的確係好重手﹗




一來個下，通常係用右手去接住隻手先既~~我記得一開始用GOLDEN HAMMAR係得鎚無手既，結果用自己隻手出GOLDEN HAMMAR，當然係重創自己啦﹗


插左入去﹗OK﹗其實你見D野大大舊，就明白笨大要整到佢D關節咁實既用意係邊度啦~~因為GAOGAIGAR好多既武器都係大大舊架啦~~:71:


張開手，準備拿鎚。

拿到鎚﹗講番呢度，又係有段辛酸。事關支野真係好重，要擺到佢可以出POSE都有D難度。我知道佢係送左個STAND過來，但係舊黑色野唔多靚仔啦~~同埋由於成個件係哂一隻手度，真係太重了，於是，個肩膀真係出左無數咁多次事啦.....



係個手度拔出一支大釘﹗




最後當然係一野整落去啦。由於太累，所以無再影拔出核心個D鏡頭了~~


總評：
就個人而言，這隻公仔做得好正，真的真的很好玩，問題係有，不過只係好個別既，唔多影響我對佢既觀感﹗
喜：
1. 上色靚，拋光位一流
2. QC真係唔錯
3. 加埋武器，幾可真正重現當年既戰鬥鏡頭
4. 關節實淨，的確係可以托得起D大件武器﹗(但係悲都關佢事)

悲：
1. 隻腳唔知做咩「DIUDIU FING」，很可能是腳部太重
2. 關節有點實，要換POSE個時真係幾煩下
3. 臂部連接既地方做得真係麻麻，這隻成日郁手擺POSE既機，隻手成日甩真係死罪
4. 心口既獅子毛真係做幾好架，不過擺POSE個陣成日搞到佢地。

如果大家未玩過超合金ROBOT，我建議你地可以入一入呢一隻，事關佢又多件，又有EFFECT，可以睇清楚呢條LINE既定位同價值﹗
謝謝﹗
睇多D圖或者其他ROBOT魂玩評報告，請到：http://hk.myblog.yahoo.com/kkkiii0079

jimchan829

:shiny:靚pose
.您的帖子長度不符合要求。 當前長度: 13 字節系統限制: 15 到 10000 字節

矢吹丈

隻嘢好正呀!!!其實有幾高左右?

湯馬斯

唔儲開這系列的我,睇黎就快因佢而投降:70:

bigbigfriend

呢隻小有全隻上色, 外觀很好. 但因腳太重, 有軟腳問題.
但所附送的手和配件很有心思, 可完全重現所有使出必殺技的動作.
這是此糸列的特色和賣点..

thomas01072005

想問下大大買既係行貨定水貨?
因為我想知行貨會唔會跟特典EFFECT...

kkkiii0079

一次過回大家先﹗
呢隻野同其次超合金ROBOT既SIZE差唔多﹗
我買既係日版啦，行版聽講都好似有EFFECT跟，不過詳情就真係唔多知啦~~

thomas01072005

THX~
希望真係會有喇,冇既話就有D可惜...

stonekeung01

「頭同埋隻心口老虎都做得好正﹗」
係獅子呀，大大
另外大大講既手腳問題唔知係咪個別問題呢？我未試過好似大大咁，
不過對佢真係有愛，唔買唔得:71:

kkkiii0079

回復 10# stonekeung01

係WOR，改番佢先~~
我隻手同腳都做得唔好，隻手真係幾易甩，不過插番入去又OK架WOR~~

wpy0411

師兄！可唔可以pm入左幾錢呀? 連埋搥仔

kingeltshan

good report, maybe get 1 later~

逆天原罪

正呀:$ 又一令人感動既玩具

人仔貓

等緊 4個G~ :)