|
|
|
七月八月對於我們這班SHF玩家來說絕對是大出血的抗戰時期!!!:no: 皆因實在太多出品, 而且每個出品都非常吸引!!!:shiny: 就以新一號為例, 相信不少大大已經將它帶番屋企喇!!! 另外, 8月更有ooo嘅翼角暴全恐龍系聯組, 再加上Accel Booster, G電, Greeed Uva, Tajadol Combo Effect Parts, Ryuki等等!!!!!!!! 一係就忍手唔入, 反之就立即被吸乾!!!:70:
但係其實除左拉打條line之外, Pretty Cure都出左一隻非常吸引我的出品, 話說小弟本身完全對Pretty Cure系列不會有任何心動, 但就係比唔少TD嘅大大毒到, 愛上了以下一個：Cure Moonlight!!!!:love:
話說美少女變身系列已經有一個很悠長嘅歷史, 以我最初所認識嘅「我你小忌廉」, 已經令不少年輕男女著迷, 故事大概講述一個小學生因為得到外星生物幫助, 令佢可以用魔法令自己成長, 又誤打誤撞被星探發掘成為非常出名的歌星!!!! 因著這個故事背景, 當年亦引致不少年輕男女都會發下d咁嘅明星夢!!! 之後推出了其他不少經典動畫系列亦以呢個故事為藍本推出, 可惜因為故事內容大概都係同出一轍, 所以流行程度亦慢慢消減萵黎.... 直至一套革新的變身美少女們組隊打怪獸動漫「美少女戰士」嘅出現, 又為變身美少女系列帶來了新衝擊!!!! 當中以華麗嘅必殺技, 男女愛情故事, 迷團, 故事延伸等等, 成為極受歡迎嘅新系列!!!! 不過, 又同之前一樣... 因藍本又繼續複製再複製, 令到呢種「變身美少女們組隊打鬥」周街都係...
今次所講嘅光之美少女卻喺以上踲題材上, 加上了新元素, 就係龍珠式嘅超級拳腳打鬥及氣功彈相撞對決等等, 為美少女系列引來了一條新道路!!! 由於TD已經有光之美少女專屬討論區, 所以小弟亦唔獻醜了:35: 講番今次嘅Cure Moonlight, 其實從面相黎睇, 同原本嘅人設的確有d出入, 再加上水口位唔少, 同拉打比, 其實質素真係唔算高喇...:( 不過同One Piece比呢, 就另卓啦!!!
今次Cure Moonlight因為衣著嘅關係, 可動性一d都唔高, 不過detail位都算做足, 上一張係正面, 出一張背面先!!!
如果唔追求要同原設相同嘅話, 其實佢真係可以有唔少驚喜架!!!
Close-up, 見到膊頭個「R」字添...:(
大家可以試下fusion其他動畫角色d動作落去玩下, 呢個係Macross女角必定出現嘅pose!! 由Cure Moonlight做出黎幾好丫!!!
雖然喺故事裡面嘅性格比較冷漠, 但係要做d可愛少少嘅動作應該困唔到佢嘅(可惜未有時間研究...)
小弟始終都係玩男性角式為主, 所以要學擺女性pose都係有d難, 做番d基本出場pose先!!
粗魯d, 仍然好有吸引力!!!!
另外, 佢有唔少配件, 其中唔少得嘅就係魔法棒喇!!! 同已故嘅拍當喇!!!
另外, 係咁易PS左三張玩下, 絕對唔跟原著, 又唔係咩野好作品, 只係娛樂下自己咁啦!!
呢張本來係想整到好似龍珠出浸咁, 不過失敗左, 唔知有冇大大可以教下小弟呢??:77:
今次真係小弟第一次入光之美少女系列, 之前一直都唔會買好女性化嘅figure, 有嘅都只係figma嘅BRS同Saber!!! 今次就係呢隻Cure Moonlight令我作出了我嘅第一次, 相信亦係最後一次喇!!!!:34: 而且佢竟然更令小弟成為左第一個喺TD post 佢嘅人, 真係有d唔知點算嘅感覺.... :35: Some大, 快d入佢出post啦!! 等我有個伴呀!!!!:help: 等你更詳盡嘅介紹!!!:77: |
|
發表於 9-8-2011 03:08:12
樓主
