現在d小學雞真係好厲害

timyin

http://hk.apple.nextmedia.com/te ... amp;art_id=15423550

【本報訊】「呢個細路大個不得了……紅梗呀呢條友！」他是誰？他不是哈利波特，也不是天才童星，他是年約 7歲的典型港童惡少。這個小學生惡童日前與父母到大埔超級城逛公司，其間疑因瑣事大發脾氣，即時在大庭廣眾之下，叉着腰喪鬧老竇。一對父母站在他面前頭耷耷「俯首受教」逾 10分鐘，惹來大批街坊圍觀，有人搖頭嘆息地問：「誰之過？」記者：張培生

事發在上周末（ 9日）的大埔超級城一田超級市場外，有街坊將這場港童當街喪鬧老竇的活劇拍下放上 YouTube，全片僅長約三分鐘，至昨晚逾萬人看過。有目擊者指事件擾攘超過 10分鐘，一名當時在場的保安員更形容「搞咗成個鐘頭」。

指罵父：你唔識教我

據說當時這對年約 30餘歲的父母，帶着年約 7歲身穿白色 T恤、短褲的兒子，在上址的一田超市購物後離開，其間因一些瑣事激怒了這名惡港童（亦可稱為「小學雞」，泛指心智不成熟、常撩事鬥非的人），他對父母「嗌破喉嚨」的破口大罵，不久便驚動了大批街坊圍觀，當時有街坊不值其所為，直言「咁惡死 o架個細路！」但隨即遭惡少反罵，見到有人用手機拍攝時，其情緒更加無法控制。
從短片中可見，惡少不時叉着腰，氣得要噴火似的，並指着父親罵個不停，連聲帶都似扯破了，沙着聲的狂叫：「我唔想嚟，你要我嚟，你扯我嚟做乜呀，係咪你衰！」當時父親一直沒有出聲，惡少再大嗌：「我要返屋企！」父親沒有答他，但已有街坊搭嘴：「咁你自己返屋企囉。」但惡少情緒更加激動，再對父親大叫：「你扯我嚟，我有權報警。」父親繼續平靜，街坊又說：「我畀廿蚊你搭的士返屋企啦。」惡少又狂嚎一番：「我唔關你事…，又再指着父親罵道：「你唔識教我…」
街坊對這惡少的行為都為之側目，有人說：「呢個細路大個不得了，佢仲以為自己好有道理。」更有人即時問惡少：「你讀邊間學校 o架？」豈料惡少反彈更強，向街坊狂呼：「我讀邊間學校關你屁事！」一名街坊嘆謂：「紅梗呀，呢條友！」

多次大叫：我要報警

更令人咋舌的是惡少突然用粗口指罵父親：「阿伯有 XX……」街坊紛紛以「嘩、嘩」回應。其間隱約聽到父親問兒子：「邊個教你（講粗口）嘅！」惡少竟說：「你教我！」其間再多次大叫：「我要報警、我要報警……」父親在旁一臉尷尬。
拍攝短片的街坊可能不想再看這種令人不安的事情，拍了三分鐘後便關機離去。不過，記者昨日到大埔超級城向當日目擊事件的一名保安員查詢，他說並不清楚事件的導火線，但擾攘一番後，他們一家三口便自行離去。事件雖沒有驚動警方，但卻已成了街坊連日來茶餘飯後的話題了。

港童當街喪鬧老竇的活劇：
http://www.youtube.com/watch?v=YMEozkxdPPk

cwpp

I found the bald head more disgusting

yugi

果然乜都拍片擺上網:44:........

K動戰士渣古

香港既未來…唉……

Garycharm

這小朋友行為當然奇怪，
但看影片，我覺得並不是單純的行為問題，
我有點懷疑是病態情緒失衡。

當然單憑短片，能評估的不多。

太歲

這小朋友行為當然奇怪，
但看影片，我覺得並不是單純的行為問題，
我有點懷疑是病態情緒失衡。

當然單 ...
Garycharm 發表於 12-7-2011 04:25 PM

我都覺得係,

SuperBus

送埋有字幕版
http://www.youtube.com/watch?v=bzlyhOsF2Xc&feature=player_embedded

我話之佢有病定冇病, 呢條死細路梗係未食過籐條炆豬肉定啦,
人仔細細就惡到佢咁?! 都唔明點解個老豆咁都可以仲忍佢,
仲要比個忤逆仔鬧到成隻死狗咁, 謜諒我用呢個字眼,
怕乜佢唧? 怕比人報警告你虐兒呀?! 係我就一於當眾兜巴冚左佢先啦,
忍呢D咁嘅死細路? 哼!!

如果我細個果陣都好似佢惡到咁,
仲唔比我亞嫲打到我開花?!

O_biscuit

我有個親戚個仔患有過度活躍症.....無時停兼成日無端端大叫....
見過佢同d細過佢既細路玩會肉緊到cool實個細路條頸拖行.......
佢老豆試過勁打勁鬧都無用.....之後睇醫生話要開鎮定劑佢食....但一唔食藥就打回原形......
最後逼不得已將個得幾歲既細路送去特殊寄宿學校...聽聞裡面紀律好嚴......一個星期只可探/出黎一日......如果犯左事就罰到連果日都無得俾你探/出黎.....
依家好似進展唔錯...亦都開始可以自我控制到了.......希望佢早日痊癒.....一家團圓.......:64:

warxv

回復 5# Garycharm
放心,個細路應該無乜精神或心理上的大問題,因為一般來說有問題的小朋友反應有咁快都無咁"準"的.
呢D咁準確的反應多數是訓練出來的.
小朋友"一般"來說再天資聰敏或心理有問題都不可能做出未見過的行為.
除非轉世或鬼上身啦,如果有的話.

常威

一睇就知老豆係經理級，個老母係亞姐級，搵到個錢，買左層2-3百萬樓，日日響公司點d細既做野，間唔中比大老細卒數！晚晚9:00收工，10:00開飯，一邊食一邊叫個仔練琴。屋企有個賓賓工人！個細路平時放學就去補習社做功課，做到7:00就工人揍返屋企，講埋d唔咸唔淡既賓藉英文，又以為自己好勁果隻啦！

個細路咁樣，咪全因佢兩個中產有學識望子成龍既父母搞成架囉！呢d怪獸家長，真係0徙氣！

老文

不錯..現在的小朋友其實都會有情緒病,有d係要定時食藥..所以唔能夠單憑一片就肯定左所有野...
反而自己睇完之後..一定要自我清晰..唔係好容易會批判錯誤..上得td多..睇d黑店post..睇得多自然會領悟到呢種技能:34:

timyin

最精彩是個嚫仔講粗口，個老豆問邊個教你，個嚫仔請咪你囉:*