笨大殺人事件，SHF New 電王

Garycharm

如果有人死，Bandai，你要負全責~~~~~~


SHF 新電王，舊年曾推出限定，一推出市場，立即給玩迷瞬殺。價錢一日炒高過一日。
今年再次推出，更要是「非限定品」，玩迷開心到飛起。

本品推出時我正在忙於搞 show，沒空上玩具店，估計到本品人氣，所以請友人早早替我搶購。
依家買玩具，唉.......

New 電王，為電王劇場版的角色，以主角身份替代野上良太郎續拍幾集劇場版。
有別於善良的良太郎，新電王初出場表現的好有實力，乃扯高氣揚的死小孩一件。
後來當然是明白做人真締，成為獨當一面的正義使者....

.....其實，幾悶~~~

（我看這套電影已是年多前的事了，以上介紹純靠記憶，有錯請指正。現在先看玩具。）

看吧，看吧，New 電王！

SHF 近來的出品十分參差，可以用「一啖沙糖幾啖屎」去形容，今次的新電....放心，是沙糖來的。
身型比例，頭部有點過大，但劇集中其實也差不多-----特攝超人始終是一套「帶頭盔」戲服，很容易出現「頭大」問題，電王、Kiva 尤甚----本品或可算是忠於原著。

（說點題外話，十多年前【蠟筆小新】在港播出，搞了個真人 Show，我負責參與劇本創作與及魔術顧問。
當時我們最頭痛是要找人飾演「動感超人」，蓋因那傢伙的頭盔好窄，要找一個「頭部較細」的大男人去演~~~）

說遠了，其實本品的外型，色澤是很不錯的，尤其那一身藍色，竟有點點戲服的的質感。



透明複眼內有六角暗紋，讓一雙大眼睛看點十足~~




本品是SHF 第二隻 New 電王了，上一隻新電是限定品，給人炒到上天，依家新版竟然當「普通版」去賣，就同大家睇睇幾個新設計。
肩部火車軌為獨立零件，安插在身體，不會對肩膀關節做成干預。




異魔神（應該是「意像人」，嗯，叫慣了）所變身的長劍，口部追加了開合機關。




另一個大改善處：足踝的球型關節的安裝方式....很難形容，有點似山口式的處理，球型關節斜斜的插入腳掌。讓擺 pose 更自然。

又，如果玩過其他電王玩具，例如裝著、SIC，可能你會同我一樣，覺得腰部果幾粒黑色武器組塊好煩。
這方面，SHF 新電就處理得好好：乾脆把黑色武器部件和金色掛鉤黐死；另有「空掛鉤」配件，給你顯示「拆下武器」形態。




異魔神____大劍......嗯，我完全唔記得呢隻o野叫咩名~~~










背部可換上掛鉤，給你掛起大劍。



.......拍照後我才知道，我把掛劍方式搞錯了.....



.........算了，沒差！



New 電王武器豐富，件件都又大又靚。就算你有舊版（限定版），你都好難忍手唔買呢隻！




冇o野好講喇，大家睇相~~~







後記：

舊版「限定 New 電王」曾炒到千多元，但亦有人肯高追，

Bandai 竟在一年左右竟推出新版，質素高、配件多、更改良關節，足以叫所有高追舊版的玩家吐血身亡。

mr.elljay

之前高追神話12宮，甚一只開3只那批玩家咪魂飛魄散永不超生？

Somebody_Ex

電王電影三部曲藍之章其實好有意思~~~我自己都睇咗兩次~~~反而紅之章就有少少悶~~~:78:

Gary 兄啲相影得好好~~~只是有幾幅 setting 唔係咁正確~~~:)

AK30

thx for share!

timothy276217

不錯的分享~~

brian

把劍係咪叫teddy?
同teddy bear有冇關係?

螳螂定食

影到咁有質感

睇到都差d想買:59:

fktuen

gary兄 相好靚呀~ :handshake:

Toro

其實好奇怪人人都話新電王話頭"造大左"
SHF如是,MEDICOM如是,
其實所有電王FORM個頭盔都係同款,
尺寸亦係一樣既,只係佢對眼同其他小配件設計比較巨型吧

呢隻藍色真係好靚,又有配件玩,抵.

JUNOWONG28

魔術顧問??樓主有玩魔術,記得當年係尖咀街頭時,有一位前輩都係叫gary有黎睇過我地玩

heero_w_gundam

:71:

D@ZAce

cool:shiny:

cchong420

「Bandai 竟在一年左右竟推出新版，質素高、配件多、更改良關節，足以叫所有高追舊版的玩家吐血身亡。」

笑了:x:x:x

mokfung1985

舊嗰隻簡直不值一提:38:新版又真係好低:71:

Garycharm

魔術顧問??樓主有玩魔術,記得當年係尖咀街頭時,有一位前輩都係叫gary有黎睇過我地玩
JUNOWONG28 發表於 19-5-2011 07:34 PM

我有玩魔術，不過現在會用更多時間玩玩具~~~~:!


謝謝各位巴打支持。呢隻新電本身已經好靚，
未入手的，如有緣見到，不要猶豫了。
真心推介。:64: