關於聖鬥士星矢外傳"宙斯篇"及"混沌篇"(全完了)

rekt

如題，關於聖鬥士星矢外傳"宙斯篇"及"混沌篇"，
已經講完成個故仔及講到好遠，但好似一直無聽人講個，
只是剛剛在網上找漫畫睇時才睇到。
有好多估你唔倒既劇情，又有新野出，唔知會唔會出產品玩具...
請問大家有無聽過或睇過？
有興趣可以去"89890"睇下。
有d劇情同沙加、一輝、魔玲有關，仲有海王、冥王...
唔講太多同放相，免得大家睇時無隱。

rekt

原來係2007年post...
圣斗士星矢外传《宙斯篇》中文版
89890.com/comic/2763/1/
圣斗士星矢混沌篇 日文版
89890.com/comic/2771/1/

SHOCKER

同人漫畫,非官方作品

聖鬥士JACK

同人漫畫唔會出玩具ga

rekt

原來係同人，一時無留意，多謝告知。

Lau

其實之前都睇過宙斯篇，混沌篇就睇了少少...

宙斯編方面，其實故事前段都幾好，氣氛幾緊湊，尤其是天鬥士進攻聖域的一幕。故事的起初構思算好，如講到當初神用 7 日創造天地，現在神亦要用 7 日來毀滅世界，有第 9 感，有超越光速拳的神速拳，如擁有 "神之芽" 就擁有 “升天” 的資格，沙加原來是光明神，一輝是火焰神等。

在宙斯篇，亦有太多 "原來如此" 的事情出現，如摩鈴的真正身份和樣貌，艾奧羅斯原來是天空神，他們二人來到地上的目的等，連撒卡變奸都好似和天界有關 (如果無記錯的話)，就好似講到乜都和天界有關咁。

另外，覺得在宙斯編中，很多天鬥士都畫到好似是奸的，就連一些插畫都係咁，就算以前的海鬥士和冥鬥士，雖然雙方敵對，但亦唔見得他們個個樣貌奸奸的，而其實天鬥士中，亦有一些樣貌較正氣和善良的，但不會太多。

其實個人覺得，由星矢他們上到天界就開始唔好睇，結局更草草了事，而天衣的設計，天衣型態就毫無新意，星矢他們在這篇無換過新聖衣，所有在冥王篇中死去的黃金聖鬥士全數復活，連冥界三巨頭，潘朵拉都有復活，但睇完全篇都無講點解！？而這或許是為了要做到聖鬥士 & 海鬥士 & 冥鬥士三方合力共抗天界軍吧...？