獅王與大帝, 想起成長在屋村(純文字小故事)

7星俠

要講牛頭角下村由要係70後出世的大大們,就一定記得木屋仔街市.這處可以話兒時歡樂天地.
有得食有得玩.有幾多人記得呢?:58:

minpetitko

回復 42# Garycharm

講名唔係好記得,但係我細個好多地方既玩具鋪都去渾過.由其係買過玩具既哩
樓主好野,個個都講到睇到濕濕~

見到而家哩一代d細路真係好幸福,我見過好多得幾碎既小朋友個個都有nds同psp
嘩,當年想有部遊戲機真係難過登天
有紅白機都好巴閉
身上得10蛟都真係要諗係點樣洗先對得住自己耶.........
要買玩具好多時儲得黎都比人買左lu;唉
所以而家望住部廿幾年前買既4驅車.....果時都唔知放左幾多心機落去

有無人記得有間鋪叫志剛行?係石硤尾又係玩具鋪黎

wpc

回復 43# heero_w_gundam
大大可能仲係後生啦！我去既年代仲係超合金年代，果陣冇老翻，光明有個大玻璃放合金既，我記得中學放學佢有副大鐵人17號合金賣58蚊，我幾想買呀，而家後悔:63:

wpc

回復 46# 7星俠
木屋仔街市係咪下邨圍住球場果D？

7星俠

回復 49# wpc
Yes.係聖鮑和聖馬太小學中間.宜家係籃球場個位置.當年這處衣食住行
樣樣有.

wpc

回復 51# 7星俠
我記得佢地成日將D玩具掛上球場D網上面，行過都望下。我人生第一隻合金太空保衛者就係牛下新街市對面一間賣雜貨既舖買既，幾神奇

一舊仔

真係好有共鳴呀, 大大!!
我細個時一年只有一個機會買玩具....就係過新年既時候!!
至於我既鄰居....哈~我成日都會發現我d玩具係佢屋企出現...
而佢既解釋係...「我係你門口拾既......掉出門口即係唔要啦.....」
一年先買一次玩具....我會唔要???
佢擺到明偷我野啦....但我又無証據証明d玩具係我既....唉.....

88643

回復 42# Garycharm


    多多係福利隔離,你講個間係趣樂街{機鋪}樓下個間呀,白田人:45:

88643

回復 47# minpetitko


    志剛行係街市後面後誧同美荷樓都有

7星俠

其實牛頭角下村記憶中不是最多超合金的地方,膠公仔,貼紙,公仔紙就最多.
記憶中最多超合金地方,通常由牛頭角行去官塘,又間叫加拿大公司,上去
玩具部這裹可以話係超合金同模型勝地:58:.有冇大大們去過呢?

rekt

細個住屋村但無得落街玩, 都係唔知邊道有人比d 唔要既玩具先有得玩...
不過都開心, 其中一隻是百獸王~ 有隻好似係飛天金鋼鑽連馬~ 還有些百變雄獅~ (點解人地咁有錢...)
而唯一一盒屬於自己的一手玩具合金, 是高迪安細盒辦, 即細加中, 沒有藍色大個隻.
但保存得幾好都無用, 大少少, 阿媽一句話大個左唔玩d玩具就攞番鄉下比d表弟玩, 大部份都被充公了...
之後中學搬左出深水步, 就日日有機會去三和, 兆利隆及福利.
間中就開始偷運BB戰士既身涯, 一個盒就放了４至５隻, 其他盒剪四角儲存, 保存到依家...