獅王與大帝, 想起成長在屋村(純文字小故事)

rickyu84

我是70後在牛頭角下村長大, 細個時10座樓下有間文具店(又賣埋元寶立足香)的, 有很多合金賣, 由笨大的戰隊合 ...
joseph1106 發表於 26-1-2011 02:49 PM

我以前都係住下村七座
對面有座咪就係九九商店
我隻金剛戰神都係果度買
真係由細買到大~~

我細細個都係得極少合金
反而表弟最多
又係唔鍚玩具，玩到甩皮甩骨
印像中六神合體、金剛戰神、銀河旋風、高迪安呀
佢都有齊

henryliuch

細個都係玩同學o既六神咋.. 又係無端端有日變左做玩具日..
細個好恨有黃金戰士.. 之前復刻有買番.. 不過玩兩玩都冇玩.. 所以有時越得唔到o既野就會越想得到.. 得到後又唔會太珍惜..

herolouis800528

我細個住過太子, 人生最大快事, 係"遊大大公司", 以前d大公司, 好似崇x個d, 點會好似宜家咁齋架, 全部都有一隻拆display出嚟架, 最記得細個係花園街大, 個度d玩具舖, 絕對不讓大大專美, 晒玩具晒到一櫃都係, 以前齋企係舖面睇玩具已經可以消磨大半日時間, 宜家, 睇一個場都唔洗半個鐘, 睇完價錢走得...........

herolouis800528

後來搬左入屯門, 有間叫恆x文具, 個老板成日係櫃台後面, 又睇唔到d貨, 我就成日開盒做QC, 當然係Q完唔Q買個隻啦, 不過當年開人玩具盒個心情好似愉情咁, 不過好鍾意睇d玩具同配件係盒入面嘅情況, 真係好正架, 宜家...........唔比錢先都好難開盒睇..............

SHOCKER

我細個住過太子, 人生最大快事, 係"遊大大公司", 以前d大公司, 好似崇x個d, 點會好似宜家咁齋架, 全部都有一 ...
herolouis800528 發表於 26-1-2011 05:38 PM

大大公司真係當年小朋友至愛浦點之一
小時候屋企冇能力經常買呢類貴玩具,唯有去到百貨公司望多兩眼
仲好記得當年大大玩具部係會掛晒d玩具盒喺天花板

ivancheck

我細個住喺大圍D屋村,商場有文具舖,屈X氏,小時候屋企好窮,我最記得D文具舖就放晒D合金,我都係得個睇字:time: ,最有印象係放過隻大帝同黃金俠喺櫃,幫老豆落街買煙都會去望吓同恨下:79: ,記得屈X氏就有老變同G.I.Joe賣,同埋D書報檔都有玩具賣,我小時候記得係得兩隻合金,一隻係超時空要塞隻韋基利,係小學三年級亞媽買比我做生日禮物,另一隻係飛影,我記得喺九龍城舅父過年買,但我有幸玩過V形大Box Set,就係我隔離屋嘅有錢仔,:p 哈哈

人仔貓

曾經住牛頭角上/下邨的大大們：
(我唔係晌果度住，不過家人晌附近做小生意)

記唔記得第六座有間【楊記】(對住遊樂場)~?
我諗佢應該係當時牛頭角最具規模的玩具店~
超合金、珍寶大膠、遙控車、氣槍等等"奢侈品"一應俱全...

果度個事頭叫"楊伯"，如果有小朋友搞搞震冇幫襯...
佢就會使出成名絕技"扭耳仔"~!

逆轉王

最記得細個，因為家人好窮，所以無錢買玩具，７０年代中是問有邊個唔鐘意黃金俠，沒錢買甘
唯有攞個火柴盒自己DIY，:$

nwt15

我住華富, 細個都係蒲大大, 嗰時真係好開心...

考試後嗰個星期我哋唔會帶超合金返學玩, 只會帶遊戲機...:44:

redbean

每個屋村仔總會有個有錢嘅鄰居~
我細個最鍾意大膠, 隔離個 frd 有幾個半個人(小學生)咁高嘅大膠, 手工好靚架 :)

Shiro

大大這文章好有feel. 我雖然唔係住屋邨，但細個亦係窮。就算有合金都係啲特價貨同啲不知名嘅系列。金毛六神大帝呢啲真係得個恨字。最記得有次去阿媽個同事屋企玩，佢仔有齊十五機加六神，但無件完整。事關佢玩得好粗，鍾意掟。又上層碌架床一野掟落地下，我見到心都痛，好想拯救佢哋。
今年出親都係大嘢，仲要件件都係極品！真開心！

常威

曾經住牛頭角上/下邨的大大們：
(我唔係晌果度住，不過家人晌附近做小生意)

記唔記得第六座有間【 ...
人仔貓 發表於 26-1-2011 09:29 PM

    我記得！我記得呀！因為我第一次攞正牌，亞媽話送盒模型俾我，就係去左楊記啦！

果次唔知點解老母心情好，失驚無神話送盒野比我，叫我一齊落去揀，點知太突然，我事先冇心水，所以揀耐左。當時我眼角「目及」到亞娘唔耐煩，所以草草買左盒當時賣27個半大大盒既白色基地！
:$

zeta23

我記得細過好窮沒錢買,成日去Peter Pan得過睇字