主辦的劇中介紹
「春天戲曲發展」及「漢風戲曲新創念」主辦，2010-11年度屯門大會堂場地伙伴計劃將呈獻大型戲曲劇場《虎度門》。 杜國威經典劇作《虎度門》重返舞台，由粵劇名伶南鳳飾演將要揮別絢爛璀璨舞台生活，做回平凡妻子及母親的一代紅伶。本次為鳳姐首次演出舞台劇，重演當年電影中芳芳姐得獎角色，實乃從事演藝工作上的一大突破和挑戰。此外，本劇場更獲希慎基金贊助，特別舉辦一場手語專場，令更多不同人士可以欣賞這部劇作。 舞台，是人生一個小縮影，舞台上演的戲，也是人生的反射。台上在演戲，台下也在演戲，戲如人生，人生如戲。「虎度門」，粵劇老倌首先亮相的地方，老倌一出虎度門，即渾然忘我，完全融入所演角色中。一代花旦王冷艷心，亦要面臨她人生的虎度門，告別舞台，告別絢爛璀璨的生活，演回一個平凡的妻子及母親角色。落幕一剎，百般滋味在心頭，面對半生相伴的舞台，不無眷戀，不無惋惜。在一切不可逆料的離別和莫測的變化面前，人應如何自處，「行到水窮處，坐看雲起時。」從容面對，細細體味，人生才能更精彩，更生色。 《虎度門》將於2010年11月5-6日及12-13日晚上在屯門大會堂演奏廳演出。香港聾人協進會將提供即場手語翻譯。票價：$140/$180/$230
自已之前無睇過電影虎度門，我老媽子就買左隻碟睇我就仲未睇過。
所以我唔知道電影同舞台劇係唔係同一套故事，
舞台劇自已唔算睇得多，一年多極都係睇三齣，不過都未必一定係去睇大劇團。
春天舞台既劇都有睇過當時係同老媽老豆同N代前女友去睇南海十三郎同人間有情。
其他都係睇碟無睇現場，因為如果水水都閤家睇現場好肉痛，
不過今次票價唔算貴只係屯門大會堂比較遠路D。時間長2:45分鐘。
仲有11月12同13星期五同六兩場。大家可以去睇下舞台劇。
個人觀後感
故事
社國威編既劇故事背景或者人物多數都係以上兩三代既人當時發生既人和事多。
即係大約四、五、六、七十年代故事背景同埋比較多關於粵劇界既故事。
今次去睇既"虎度門"個故事比較平實，個感覺同以往都差不多，
一路睇既時候記憶中好似聽過老媽講過又D近似既人同事，所以係唔係又係用真人真事去改編就唔確定。
可能呢個原因另我個人覺得好似已經睇過咁，覺得唔係太大驚喜。
不過演員既演技方面就絕對係~強！
演員
今次主演既演員：南鳳、黃韻材、金剛（十八樓C座周老闆）、黃嘉威、鄭雅琪
南鳳：先講女主角南鳳，南鳳係一名粵劇表演家，可能一般人都以為做大戲既人一定唔識做我地睇開既個種演譯方法，其實唔係架~呢個諗法我諗凡係年輕人或者年輕過既人都有呢個諗法。佢地既演技係好好架。今次佢所飾演既角色叫冷艷心，劇中佢對住同人唔同態度既演譯係另我好深刻。佢對住老公<金剛飾演>個種近附透明愛情明顯變成感情同一個劇中演佢文武生拍檔"應錦龍"<黃韻材>既打情罵俏有點曖昧態度對比好強烈。因為劇中有好多係講上一代粵劇同新一輩搞粵劇既人既之間既沖突，佢要點樣去擺平長輩同後輩既問題對唔同人用唔同既方式都演譯得好好<雖然我地現實生活都會係咁....>。
金剛（十八樓C座周老闆）：大家聽就聽得多，其實佢演技都一樣係好好。不過今次個角色真係同周老闆差唔多~只係由周老闆變左陳經理~哈哈哈哈哈~
黃韻材：大家睇個名可能唔係好知佢係咩人，其實佢係電視演員只要比張相你睇就會知係邊個。因為睇電視都係睇型男索女其實無乜點睇D人既演技當真係有個地方係睇演技時就會高下立見。佢演技係好好，戲中演一個名叫"應錦龍"，劇中佢係一個上唔到位但因為拍住一代花旦王而多人識既文式生，佢演譯個種有怕女主角走左離開粵劇界後自已一個撈唔掂，但又成日都將D時間放係股票到又唔放係工作上面，喜歡係D細既前面擺大老官架子既有材華但不成氣候既人演得好入神。有D想星佢兩巴既感覺。當中佢同女主角既曖昧關系可以睇到唔係為生活去討好女主角，而係有種親密關系既曖昧一齊工作但自已能力又唔係可以去到擔正所以怕女主角走個種複雜情感。
鍾一嗚：香港理工、香港演藝學院、八和會館粵劇學院畢業。佢出場時就記得以前有睇過佢既演出但你問返我係邊套我就唔係好記得....。佢今次係飾演一個上一代既大老官"靚嘯天"因為粵劇既變革又好多既不滿。由其係要聽一個唔多熟粵劇但係做粵劇導演既靚仔點個種火爆同氣頂都演得好有個種盟塞老頭子味道。不過佢同黃韻材兩個一齊時就好明顯見到佢個種演譯方式係舞台劇味重D~
黃嘉威：香港演藝學院2007學士畢業生，佢參與過好多既演出不過我就我無睇佢既演出今次係第一次。戲入面佢飾演"林導演"一角，佢係戲入面就係演一個同上一代傾唔埋既人，係劇中比較多同老一輩既演員有對手戲，當佢同咁多位前輩級既演員演對手戲時就好明顯覺得真係演技比較嫩。但唔係佢演得唔好只係同咁多個前輩級既人對比太大。
鄭雅琪：畢業於香港演藝戲曲粵劇深造課程，劇中演"葉玉霜"係一個亞媽檔搖錢樹，被亞媽阻檔戀愛。但比女主角睇中佢既能力幫佢上位既人。佢演譯得幾自然有D意料之外。睇返場刊時先知佢係讀粵劇唔係戲劇。
梁漢威：梁漢威係本港既粵劇名伶，今次佢係演返自已。仲有一場係同南鳳飾演既"冷艷心"有一場雙仙拜月亭既折子戲。當然佢兩個唱戲曲絕對係強。不過..由於係卡拉ok音樂明顯係同平時唱大戲係唔同，見到跟個拍了踢得比較辛苦。我自已都有去睇粵劇所以比較容易留意到。
發表於 9-11-2010 08:27:47
發表於 9-11-2010 09:13:30
