遲來的吉田...

詠瑜

童年玩既超人G



無聊一作...

後記：好耐冇上黎分享
買吉田前，我做好資料收集，
聽好多前輩講　佢ＱＣ好差，又有前輩中招比錯件，
聽完真係搞到我唔係咁想買，真係好少見人咁批評隻玩具咁差．．．

結果尋日女朋友去「信我」．．．
我見到幾間玩具店有，又好情不自禁拎上手睇，
睇左幾間都好忍得手唔買，但邊行邊諗．．．
之前期待左佢好耐，話哂係童年情義結，而且呢個月都有唔少錢剩∼
ＳＯ考慮左好耐最後都係入左．．．

買前專登cilck左件先...齊件,冇錯件...咁就收貨啦
上巴士...落大雨塞車 諗住拎出黎玩兩下,
都未開始玩，只係拎出黎，吉田既右手已經甩左，
研究左好耐先知原來關節位太短問題．．．
整左好耐先卡得返入去（但玩果陣都仲係好易甩）

唔洗幾耐，又到左腳甩，又係鬆．．．
最後冇心情玩，諗住返到屋企試下急救，
用小小ＡＡ膠查落Ｄ件到等乾，之後左腳成功救返．．．

正當好開心之際想郁幾下玩．．．又發覺右手手臂超鬆
鬆到隻手咬唔入．．．．要擺某Ｄ　ＰＯＳＥ先可以叫頂住佢隻右手．．．
都算啦．．．跟住玩換手掌，
左手好容易就換到，點知右手緊到．．汶唔到，
汶左好耐好耐．．．終於成功，
到成功果陣望下之前個手掌．．．．已經甩左小小色．．．
最後我用ｇｕｎｄａｍ專用既銀色ｍａｓｋｅｒ補返色．．．
雖然兩隻色係有分別，但總好過黑色一達野係到，
而且玩果陣又唔係好覺眼

最後，情況同大部份師兄一樣，
影完相，吉田老啦，冇力企起身．．．

唉，我仲係到諗，我係唔係後悔緊買佢？
明知咁多人話差都去買，
本來仲想買邪惡超人，因為想買隻黎打下，影下相
而家都仲考慮緊，唔想多個遺憾
但我由細到大都好鍾意超人．．．

歐比旺．肯諾比

呢隻我都想買嫁 , 何惜真係出得差

山吹老師

尾二果張影得好有感覺:71:

garykuga

雖然吉田比想像中差,但邪惡超人比吉田好好多,無吉田嘅情況出現,唔怕甩手甩腳,明明邪惡超人年紀上比吉田大好多,可能比人囚得耐嘅關係.

果汁先生

shf既價格 山寨既qc
佢出得咁差..真係無意欲買=-=
不過吉田真係童夢...
食中午時最鍾意睇佢既vcd=-=

mkyfk

I like this

roystoy

甩皮甩骨....:30:
希望越出越好, 晤好晒左哩個系列...:(

詠瑜

shf既價格 山寨既qc
佢出得咁差..真係無意欲買=-=
不過吉田真係童夢...
食中午時最鍾意睇佢既vcd=-=
果汁先生 發表於 13-9-2010 10:54 AM

真係幾山齋feel 學某d師兄話...拎上手個紙盒薄到你...
但亦學某d師兄講,真係一直想要咁高可動性既超人...
我童年其實唔係吉田...應該係太郎先,
但鍾意吉田係因為好多商品都係佢...
好懷念以前星期六定日 夜晚等本港台睇超人

雖然吉田比想像中差,但邪惡超人比吉田好好多,無吉田嘅情況出現,唔怕甩手甩腳,明明邪惡超人年紀上比吉 ...
garykuga 發表於 13-9-2010 10:43 AM

聽大大咁講 咁我買邪惡超人既意慾都提升左...
但我真係怕又玩到甩色
我唔想玩完隻野成身傷哂咁= =就算補色...又怕玩得多又係甩...
感覺重新上色=模型咁...可睇不可玩...


最後多謝讚我圖既同志AND留言既朋友a_a

laiken

等緊個價跌就入

麥師

:31: 希望越大…唉！非常明白您心情。 :! 吉田係我童年朋友！所以講到幾差都入咗。
只能滿足短暫高可動、死光、金光圈、斗篷配件。 :53: 日本仔您好野！

詠瑜

希望越大…唉！非常明白您心情。  吉田係我童年朋友！所以講到幾差都入咗。
只能滿足短暫高可 ...
麥師 發表於 13-9-2010 05:49 PM

或者世事真係冇完美...?
不過回頭一望,佢既可動性、配件...又真係幾好既
真係衰左QC過份差(本人第一次會對玩具咁不滿)

不過講真,係幾好玩既,關節配件又多
暫時得佢取代到我心目中既超人玩具
我都希望將佢出得更好...甚至再販會更好

ps:下次出既係7星俠?定零仔

喪熊

:66:最欣賞尾二個張,,好有feel

bob2007

這是GD（合金）系列的？？？？？