28元倘落實 食肆即裁員

BBQ720

回復 13# 果汁先生
唔係應份,只係無計可施
租金佢點樣抗議?罷市?租咪照收
唔交租?叫人趕你走,難道淋佢地公司紅油?咪報警囉
想用暴力,恐怕對方更有資源更有人手,仲有一大批律師鋤死你
當大業主做到租唔出都唔平D租俾你,唔通搞番共產主義平均地權?
老闆只好屈人工屈食品質素同埋加價,唔掂就執笠
話政府偏幫大財團,不過事實上大財團就係俾最多稅,基層佔份量最少
係甘既收入結構下政府本來就難以出聲,就算特首同立法議席都俾你普選
特首同立法會議會仲係要向財團

睇怕以後好難再有單一食肆,都俾大財團壟斷哂
要硬食批又貴又唔好食既野,成本越大就只會淨番大財團有得做
小本經營真係只有執笠離場既命

BBQ720

我有個悲觀既想法
地球既生命總係強既一批踩係弱既一批腳下
所有社會總有一批loser,你話西方社會冇
西方社會將最辛勞既工作交給落後國家既血汗工廠,只係將剝削移離國外
所以果D國家除了高檔野高科技工業同埋走唔開既基本產業都冇得做
真係要做到人人安居樂業,大概要將機械人發展落去
係未來俾佢地使任勞任怨既奴隸,甘全人類就可以享福啦
當然要機械人只會工作唔會思考

果汁先生

...當然香港的主流價值觀已經係去到世界級別的金錢極端...(但跳樓價與否 都要睇返廠商想食幾多水...好似cm有一些product.係跳樓既價先配合返佢出既品質..)
而大眾亦抱有一種悲觀極樂的心態 認為無可改變 不能挑戰 點都輸畀上流 結果大家都好"安守本份"

...

無可否認..香港好多人都好悲觀...

warxv

回復 18# 果汁先生
我其實一直都在想現在的香港人同以前的香港人有什麼分別?
多謝你的回應,我有比較具體的想法了.
以前的香港人知到社會環境是改變不了的,於是盡力去搵錢,改變自己的地位,香港人的步伐之快在當時是世界有名的.
今天部份香港人可能知道要發達不易,不想勞而不穫於是不求改變自己,只想社會風氣會改變遷就自己...在街上見不少去到路口都唔知自己想諗轉左定轉右的人...

CMS的產品我都好唔鍾意,應該用討厭比較貼切,不過就佢地的產量我都唔會話佢食水深...佢真係用左錢去做垃圾出來,至於品質多少是佢都比生產廠老點的,可以用開發中國家的工廠為對抗經濟大國的大公司於是用非常手段對抗去演繹...

果汁先生

用呂大樂教授既言論
以前香港 可以一分耕耘一分收穫
因為市場壟斷 官迎合商家等 今日香港財富不均 三分耕耘未必有一分收穫
當然 無可否認 有可能如同呂大樂所謂第四代人論 依家的確有後生 唔受到苦


但我諗依家都 唔係個個想發達既
我諗唔會有人認為 爭取最低工資果28蚊/33蚊一個鐘 會令佢地發到達瓜

社會風氣係要大家都改變自身 先可以連帶改變
你講不求改變自己既人應該係少數吧
社會風氣係有問題先想改變.
但我諗 最少道義上 唔係個個只係為左遷就自己 而希望社風改變...

(最少要希望人性仲有善良既一面  唔係既話...香港都真係幾可悲.)

關於cms果度 見解獨到 會心微笑XD

果汁先生

咁如果你係D公司高層, 領匯加5倍租, 你會點做?
bad-aries 發表於 7-9-2010 05:33 PM

最少好似依家咁 講到聲大大 話會即裁員XD

BBQ720

回復 22# 果汁先生
事實佢地唔駛講出來就已經做左
食品加價份量減少人手減少已經係加租既效果
如果人工向上調自然又會加強上面既政策

果汁先生

我由頭到尾既論點都係
點解加租既反應會沒有最低工資既反應大
加租的時候 他們默默承受 那怕同樣會裁員加價
但為何最低工資這一項對其成本增加, 遠沒有加租來得高的事項會令佢地咁大反應,,

呂品器

大既雪球，會越滾越大；

我地呢d雪花，好容易溶哂。

常威

果汁大大既意思係，一盆生意有好多支出，有租金、有人工、有材料.........但係點解話加人工就咁大反應，大業主加租金，d大企業就聲都唔聲！

咁好簡單0者！因為佢地見高拜，見低踩囉！

蟻民可以得罪，同行都可以得罪，但係領匯、地產商就唔可以，因為有求於佢地嗎！呢d咪係所謂走精面既契弟囉！

BBQ720

我由頭到尾既論點都係
點解加租既反應會沒有最低工資既反應大
加租的時候 他們默默承受 那怕同樣會裁員加 ...
果汁先生 發表於 8-9-2010 10:49 AM

因為對業主出聲,業主踩你都傻
當對方連空置都唔減租,換著你都慳啖氣好過
之後就係執笠,加價同減成本選一個
最低工資係政府既政策,勞工同老闆同樣作為公民
本來就有權向政策提供意見,意見當然係佢地既立場
尼個弱勢政府做乜都俾人嘈架啦,大把人對冇33個鐘表示不滿
相對僱主面對租金同埋食品價格既上升,自然都唔想人工都上升