巴士模型 6 - 利蘭勝利二型

龍珠迷 · 發表於 26-8-2010 22:20:31

本帖最後由龍珠迷於 26-8-2010 11:42 PM 編輯

利蘭勝利二型
Leyland Victory

規格

長 9.7m	闊 2.5m
高 4.5m	比例 1: 76
客量 109
引擎吉拿引擎	路線 : 8 尖沙咀碼頭
推出年份 -	車牌 CM8788

後記 :

勝利二型可以話係第一個識既巴士型號, 因為係細細過(80年代)周街都係這種車, 總算係最多回憶既巴士.

勝利二型在行內被稱為「雞車」，因為其前懸掛系統設定較軟，每當車長加速或制動時車頭動態好像雞一樣，因而得名。另有說法是來自勝利二型的前身—「佳牌勝利J型」—「佳牌」的英文「GUY」的諧音。在中巴司機內部的稱呼則是「高腳雞」。

在七十年代中期，隨著政府大力發展新市鎮及海底隧道通車，巴士公司需要引入大量新車應急，但由於香港有不少陡斜之路面，第一代後置引擎巴士又未能擔此重任，故此巴士公司在新車來源上，重新研究引進前置引擎巴士之可行性，而其中一個考慮因素就是新車必需能夠適合一人控制。

在一九七六年，九巴從南非引入四架佳牌勝利J型巴士，在試用新車後，發覺新巴士有若干設計是可取，而在之後時間，英國利蘭車廠眼見對手丹尼士已經研製一款新款前置引擎巴士，於是便立即從勝利J型底盤設計上作出改良，而這就是在港家傳戶曉之勝利二型，

在全盛時期，九巴總共擁有五百四十輛勝利二型，當中一架更曾經是用作空調巴士，而在拆除空調系統後，該車被編作勝利二型最後一員(G544)。全數勝利二型由九十年代初開始，漸漸被新款三軸巴士取代，而最後一批勝利二型，於一九九八年三月三十一日離開載客行列。部份勝利二型於退役後曾被改作訓練巴士，培育車長，但這批勝利二型也全數於九八年尾至九九年初退役。

SuperBus · 發表於 26-8-2010 22:45:27

勝利二型係我細個開始認識o既第一款巴士型號,
之所以細個開始就對佢印象尤深,
正正就係因為 1985年屯門o既一單九巴翻車引致嚴重死傷o既事故

龍珠迷 · 發表於 26-8-2010 23:49:38

1986年11月5日，一輛九巴的勝利二型（車隊編號G470）行駛61A路線前往元朗，在石排頭路與鳴琴路交界翻側，造成4名乘客和1名路經的男童死亡，另有58人受傷。此次事件引起社會很大震撼，亦令勝利二型成為各大報章的主角。

這個:44:

常威 · 發表於 26-8-2010 23:55:58

我印象中大欖隧道口元朗出口仲有一部長期擺放既訓練車！

SuperBus · 發表於 26-8-2010 23:58:55

1986年11月5日，一輛九巴的勝利二型（車隊編號G470）行駛61A路線前往元朗，在石排頭路與鳴琴路交界翻側，造 ...
龍珠迷發表於 26-8-2010 23:49

就係呢單, 事後仲派另一架同款巴士去現場試車,
以重組事發經過同收集資料證據

龍珠迷 · 發表於 27-8-2010 16:10:55

我印象中大欖隧道口元朗出口仲有一部長期擺放既訓練車！
常威發表於 26-8-2010 11:55 PM

應該退役左10年左右, 放係度for 展覽?

SuperBus · 發表於 27-8-2010 16:18:50

應該退役左10年左右, 放係度for 展覽?
龍珠迷發表於 27-8-2010 16:10

果部雞應該係比欖隧做訓練, o係隧道遇到雙層巴士反車事故果陣應該點救

常威 · 發表於 27-8-2010 16:39:54

未必！可能係訓練員工有巴士響隧道櫃底既應變之餘！仲可能用來接送真實情況既巴士乘客離開管道！

SuperBus · 發表於 27-8-2010 16:51:11

未必！可能係訓練員工有巴士響隧道櫃底既應變之餘！仲可能用來接送真實情況既巴士乘客離開管道！
常威發表於 27-8-2010 16:39

呢個我肯定唔會, 就算係佢都應該會入新車,
而唔會入九巴用左十幾年, 夠期退役o既舊巴士,
青馬管制區就有你所講o既果種巴士, 而且係全新引入o既,
而且呢批巴士係可以兩頭駕駛, 冇錯, 佢地係有兩個車頭o既,
事實上佢地原本o既用途係機場用o既大型接駁巴士,
所以車身規格係超長同超闊o既

神人豪鬼 · 發表於 29-8-2010 17:43:01

我都有儲呢款, 不過係初期油左紅車身個架.

Henry · 發表於 29-8-2010 17:58:13

我都好鍾意勝利二型!!

影武者 · 發表於 29-8-2010 18:32:47

支持:43:

半田健人_555 · 發表於 29-8-2010 22:41:01

1986年11月5日，一輛九巴的勝利二型（車隊編號G470）行駛61A路線前往元朗，在石排頭路與鳴琴路交界翻側，造 ...
龍珠迷發表於 26-8-2010 11:49 PM

小弟當時就住喺附近嘅屯門大興邨, 知道發生咗呢件事之後都覺得好震撼, 當時仲聽講話同架車重心高無關, 係純粹司機未有喺彎前減速嘅問題, 最記得最搞笑嘅係九巴工程部門搵咗個工程師嚟模擬當日嘅事件, 仲將沙包放喺車廂當係乘客嘅重量, 再用同樣速度擲彎, 結果當然冇事, 不過TVB新聞即時訪問個工程師落車就見到佢成面流晒汗, 面都青埋!!

SuperBus · 發表於 1-9-2010 00:08:32

小弟當時就住喺附近嘅屯門大興邨, 知道發生咗呢件事之後都覺得好震撼, 當時仲 ...
半田健人_555 發表於 29-8-2010 22:41

始終勝利二型o係香港行左咁耐翻得最多o既就係九巴, 反而中巴就好少翻,
不過就試過甩轆, 不過就好彩冇人受傷

skbe · 發表於 1-9-2010 00:12:04

支持:)

巴士模型 6 - 利蘭勝利二型

相關帖子