葉問2 勁!! 必睇!!

transfarmer

老實講，《葉問2》真係好冇誠意，將第一集成功原素番做一次，

上半部還可以，下半部低手得出奇，一個擂台賽搞掂，劇情完全老調陳腔，

同西洋拳對打冇招式可言，只係不斷煸動觀眾情緒，又再一次章顯民族大義，肉麻唔感人，

真係為左再賺大陸三億票房為做而做。

verywai

最尾出個細佬扮李小龍...有點畫蛇添足

uesugi

期望片中的有關單位要清楚少少嘢,
選角, 角色表達機會等等好重要, 行內人無理由唔知

或許他們要去看多一次, 究竟選角上.....角色表達機會上.....出現什麼問題

大和基拉

回復 15# 原罪
等一般觀眾易明嘛.......:unhappy:
另外, 1950年既香港有人戴"冷帽"嗎?:67:

roystoy

本週要睇...:63:

原罪

老實講，《葉問2》真係好冇誠意，將第一集成功原素番做一次，

上半部還可以，下半部低手得出奇，一個擂台 ...
transfarmer 發表於 4-5-2010 03:15 AM

    我唔太同意。後半都好睇。無招？點解我睇到佢點樣折招？

原罪

回復  原罪
等一般觀眾易明嘛.......
另外, 1950年既香港有人戴"冷帽"嗎?
大和基拉 發表於 4-5-2010 07:42 PM

    服裝指導…
就算有…我諗真係無咩人覺得有…點解要咁搏？少頂帽應該唔會有咩影響掛。

原罪

最尾出個細佬扮李小龍...有點畫蛇添足
verywai 發表於 4-5-2010 02:21 PM

    絕對係破壞哂個感覺。

hk小文

Ip Man身處的，是一個即使窮都可以有尊嚴地生活的和諧世界。明明才不過是發生在半世紀以前吧，但看在眼裡，除了羨慕，還有一種超現實的感覺——超現實到以為睇緊一齣科幻片，而裡頭那個世界，根本就不是香港，而是……阿凡達吧。
太情緒化、邏輯思維唔通？
當然，在再和諧的阿凡達還是會有矛盾，擺在Ip Man面前的矛盾，便有以洪金寶為首、各大門派的刁難；洋鬼子警察和西洋拳手Mr.Twister引發的後殖民式挑釁……要消弭這些矛盾，Ip Man的方法還是學以致用地，依靠他的一身好武功。

套用葉國謙對潘小濤的批評，Ip Man的做法會唔會有點「太情緒化、邏輯思維唔通」呢？

處理各大門派的刁難時動用武力，在邏輯上還算講得通，亦不算太情緒化，因為這始終是發生在武術界的矛盾，自然是用武術來解決；但面對由「(港)英」壞蛋所引發的矛盾，Ip Man竟然可以完全懶理，他身處的是個殖民年代，毅然兼公然挑戰這個權力象徵，而且仲得到廣大市民支持……
就以那位偉大的包租婆做例。即使多次收唔到葉家租，依然願意俾Lynn和Ip Man之子暫住佢屋企，目的就是為Ip Man提供一個「向權威說不」前的備戰空間，專心練功……黐線！換了是現在，包租婆肯定趕走Ip Man一家，等佢哋流離失所，仔又生唔到，功又練唔到，實行向權威獻媚啦！
在這裡我見到真正的和諧啊！真正的和諧應該是像Ip Man那個年代，透過社會民眾的磨合，漸漸地、寧靜地達致的，而不是一味靠講，或透過大氣電波傳送，即係依家咁囉。

貴與賤
理所當然地，在身懷好武功+市民支持+民族情緒推波助瀾的情況下，Ip Man即使俾Mr.Twister捱打，最後還是能夠打低對方——但作為一個真正的超級英雄，是會追求以德服眾的(在這方面，彼邦的Iron Man便擺明輸了給咱們的Ip Man)。
最後那番感動場內大部分洋鬼子的言論(還是有洋鬼子頂唔順憤而離場)，講真，我唔係好記得，只記得乜鬼……人係唔應該分貴賤的。我簡直聽到差點想喊。 因為在此時此刻這個乜都要追求和諧的社會，是嚴．重．地．分．貴．賤的——所以才會有「人」提出甚麼最低工資應該係20蚊……然後又懶勁地話係應該俾多4蚊雞……
如果Ip Man的故事是發生在此時此刻的香港，唔，應該只會變成《天水圍的夜與霧》。


撰文：月巴氏

水水的基地

好一套香港版rocky 4

F-14

好一套香港版rocky 4
水水的基地 發表於 9-5-2010 02:09 AM

Exactly my feeling when watching the boxing scenes.:(

mushroom

唔識打或對武術無興趣，會覺得剪接好正，打得好勁；但其實咁會睇唔到詠奉、洪拳的特色。

但一部戲係要俾唔同人睇，至才要俾埋女仔睇，以娛樂角度唔可以怪得晒套戲，當然我都認為1係好些。

mushroom

葉問師傅 : 分勝負重要 ? 定同屋企人食飯重要

其實以上個句....有點多咗

洪震南差點打傷自己個 ...
uesugi 發表於 3-5-2010 04:13 PM

其實可能想問的不是繼唔繼續打，而係以後佢地點相處。

MMB

毫無疑問係第一集正D
無論係1定2,套戲無非想挑起觀眾的民族情緒
但1用的是"中華民族整體受日本欺壓",葉問打日本佬係為全民族出氣
而2卻只是"中國武術受外國輕視",或是"(少部分)香港人受(極少部分)英人欺壓"
同樣係借事抒情,但兩件事嘅嚴重性高下立見
再者,日本侵華的惡行人盡皆知,做反派自然好容易令觀眾投入,同仇敵慨
但英國統治香港時政蹟卻有目共睹,而劇中作惡的就只有十隻手指數得埋的幾個鬼佬
完全冇"抵抗外敵"之感
題材上第二集輸一大截

至於打鬥揚面,兩集其實差唔多

最死的是所謂金句同文化精神,有D好似為講而講,同主線根本冇關
唔似上隻咁借武德帶出日本"知義不知仁"的問題
最後一句更有問題,"人的地位有高低之分,但人格不應有貴賤之別,我希望....."
喂?班英國佬幾時有踩我地的"人格"?佢地明顯只係階級歧視
作為中心句,字眼應該執正D

講咗咁耐,套戲其實相當不俗
但題材依舊,新意欠奉
難免使人失望

waialan

IP MAN 同IRON MAN
安杜力c 發表於 1-5-2010 06:54 PM

兩套都必睇:$