太古城中心古天樂私人珍藏電影人物模型展

玩具 · 發表於 20-3-2010 02:58:59

我記得佢書入面定訪問:71:講過 , 唔會開自己個倉比人睇
真係唔開 ! 但拎出來比人睇 !
正呀 !!!:77:

tyrant · 發表於 20-3-2010 03:07:38

一定要去 ><

ANNO · 發表於 20-3-2010 03:20:40

神者能，能太能
古仔上次請左北原照久，今年自行操刀

ultramanzoffy · 發表於 20-3-2010 06:17:16

本帖最後由 ultramanzoffy 於 20-3-2010 02:00 PM 編輯

乜之前唔係有個post話佢嗰D收藏只係仿製品咩？同埋 (個人意見)...將佢同北原照久先生相比...會唔會係太抬舉古生呢？ :67:

夏雪 · 發表於 21-3-2010 19:37:51

:71::71::71:

Tasuku · 發表於 21-3-2010 21:51:58

本帖最後由 Tasuku 於 21-3-2010 10:21 PM 編輯

乜之前唔係有個post話佢嗰D收藏只係仿製品咩？同埋 (個人意見)...將佢同北原照久先生相比...會唔會係 ...
ultramanzoffy 發表於 20-3-2010 06:17 AM

你講緊嘅可能係我之前對另一個post嘅回覆~

要得罪大家喇~

之前大概係鼓勵大家有錢有能力嘅話就應該儲真正嘅電影道具，而唔係儲大公仔玩具或者道具仿製品~
事關某些真品小道具都係幾干蚊有得交易~ TD大把人玩得起

只要有錢就買得到嘅貴價商品唔等於就有收藏價值，例如就算你有錢可以買起成間周X福，唔及你擁有一幅名畫、一件古董~
北原照久收藏嘅玩具件件都有古董嘅歴史價值，真係可以喺拍賣行拍賣~
希望古生多多向北原照久 嘅真正精神學習~

當然今次嘅展覧點都值得一睇，當年去Planet Hollywood要俾錢都係睇Ｄ咁上下嘅嘢~
還望大家唔好再開口埋口歌頌夾羡慕人地有錢~ 做收藏家其實你都得ga

Borbor · 發表於 21-3-2010 22:15:23

Must go

ultramanzoffy · 發表於 22-3-2010 00:08:13

你講緊嘅可能係我之前對另一個post嘅回覆~

要得罪大家喇~

之前大概係鼓勵大家有錢有能 ...
Tasuku 發表於 21-3-2010 09:51 PM

首先希望大家見諒我不同的意見... :64:

小弟覺得大家唔駛太歌頌古生嘅收藏。當然，你有錢有名氣嘅話可以好似古生咁喺短短七年內買一大堆等身大嘅收藏，然後開個展覽會。但我個人覺得真正玩具收藏家在於對收藏玩具的堅持和執着，而並非用金錢或數量去計算。小弟儲嘅同大大所講嘅真道具唔同，花了很多時間儲古董玩具和當年的等身大店頭display，不足夠開展覽但很enjoy整個收藏嘅過程。

有趣的是，2009年一篇生果日報嘅報導"古天樂恨超人巨模型"...其實如果真係識途老馬，應該知道呢個巨型扭蛋機系列只要有心機有耐性等，不難等到日本賣家放貨。我個頭像便是其中一款巨型扭蛋機，當年幾萬円便能從日本買回來(不計運費)

只係想講如果要敬佩一個玩具收藏家，我會選擇北原照久先生，古生...不想致評...

山吹老師 · 發表於 22-3-2010 09:00:04

{:2_122:}

Tasuku · 發表於 22-3-2010 14:04:25

小弟儲嘅同大大所講嘅真道具唔同，花了很多時間儲古董玩具和當年的等身大店頭display，不足夠開展覽但很enjoy整個收藏嘅過程。 ...
ultramanzoffy 發表於 22-3-2010 12:08 AM

我都好鐘意等身店頭嘢~
勵害勵害~ 真係好想一開眼界你嘅珍藏，唔知得唔得呢？
巨型扭蛋機單係點運返嚟都已經唔簡單，證明大大真係一個收藏家，真係做緊北原照久 嘅路向~

我講嗰Ｄ電影用真品道具，最難係點分真假，好多人用咗好多錢最後發覺買咗隻假嘢，更加說明咗有錢唔等如識玩~

leerold · 發表於 22-3-2010 14:53:56

新聞知道佢收埋收埋好多好野，終於有得睇了@0@

ironmike · 發表於 22-3-2010 17:20:00

must go la, my office near tai-koo

ultramanzoffy · 發表於 27-3-2010 05:45:07

本帖最後由 ultramanzoffy 於 27-3-2010 06:29 PM 編輯

我都好鐘意等身店頭嘢~
勵害勵害~ 真係好想一開眼界你嘅珍藏，唔知得唔得呢？
巨型扭蛋機單 ...
Tasuku 發表於 22-3-2010 02:04 PM

唔知點解個post搬咗嚟呢處，唔通古生係TD會員？ :?

大大過獎了，我唔會好似人哋咁有意無意地將自已的名字同北原照久放在一起，只是努力地在尋回童年嘅美好回憶。其實當年令我開始儲古董玩具同等身大店頭品係一個在美國頗有名氣嘅日本收藏家朋友，因他主力儲古董咸旦超人膠公仔和等身大店頭用品，儲到七七八八所以近年開始自組公司主攻美、日市場了。

正如大大所講，收藏貴精不貴多，同埋又精又多亦很難，要有驚人嘅財力先得。其實我之前都在TD post過我D收藏 (不過冇乜心機映所以後排的有部份睇唔清楚)，大大可在我署名嘅link揾到。儲古董玩具真係好難，儲到咁上下，還未儲到的全是珍品，一件珍品嘅價錢隨時幾個月先有能力買一隻！我唔夠一D超班收藏家好定力，所以儲彈藥嘅過程中會「姣婆守唔到寡」入咗好多新玩具，所以我頂多只能說自己是半個古董玩具收藏家吧！

其實儲古董玩具同真道具一樣，都要識分真偽。我買咸超古董比較容易，因為可以請教上兩段提及嘅日本朋友。買拉打古董就要自己多花時間做足功課了。試過一次喺美國由拍賣行主辦投玩具，功課做少了但價錢就貴好多，所以之後就算咁橋喺美國都冇再去投了。反而好奇想知道具點分真假？有道具大全嗎？

儲一般五呎幾嘅店頭品運送到港並不難，七呎幾嗰隻扭蛋機就大件事，要特別做運輸櫃再用UPS運來香港，到屋企後又要在大堂外開櫃後才入到升降機，搬屋又要同搬運公司講明有此物，費事到時有爭拗，揾屋又要先睇清楚升降機有幾大、樓底有幾高、同埋內籠設計能否將件野搬入房等等，真係好煩！睇樓時第一時間就係度升降機大細，D經紀可能以為我係儍嘅！:34:

致於個展覧，我要睇完大家去完嘅意見才決定。如果係話自己係收藏家已展出的都只是一些金錢代號的空殼，我會pass。收藏家這個名詞不是可以隨便用的！

以上言論只係一個老餅對玩具收藏嘅執着，有乜得罪希望大大們見諒！:64:

ultramanzoffy · 發表於 27-3-2010 07:39:53

終於睇到實物~再耐D~佢可以拍得住之前個位日本收藏家
逆天原罪發表於 19-3-2010 12:21 PM

相信可能性好低

Tasuku · 發表於 1-4-2010 23:02:54

本帖最後由 Tasuku 於 2-4-2010 12:37 AM 編輯

唔知點解個post搬咗嚟呢處，唔通古生係TD會員？

大大過獎了，我唔會好似人哋咁有 ...
ultramanzoffy 發表於 27-3-2010 05:45 AM

個展覽喺TD賣緊廣告，TD都要揾食，我地異見人士講另類意見，唔跌落黑洞已經好俾面我地喇~

不過放喺呢區，連你回覆咗我都幾乎miss咗tim，所以頭版主頁近來哩個展覽幾個post我都費事講嘢，免得搞串人地個party~

見到你嘅珍藏，真係要識貨之人，致懂得欣賞~ 普通人分分鐘會當哩Ｄ寶物係垃圾

相中最大嗰個超人應該係円谷店頭嘢，非賣品~ 未知十字死光嗰個超人係邊度產品？

唔知可唔可以訪問吓你同你嘅日本收藏家朋友呢？

真係好想交流吓，同介紹俾香港聽衆認識吓真正玩收藏，係可以幾專業~

道具嘅真偽係好專門嘅知識，拍賣嘅來源好緊要，好似哩個網咁會介紹大家識一吓真道具~
http://www.originalprop.com/blog/

		自動登錄	找回密碼
密碼			註冊

[活動展覽] 太 古 城 中 心 古 天 樂 私 人 珍 藏 電 影 人 物 模 型 展

[活動展覽] 太古城中心古天樂私人珍藏電影人物模型展