最低工資，最高工時是必需

K動戰士渣古

D人成日話麥記人工低..但何解又有人自願去做呢?.又何解好多都係後生仔女?OK..D人解釋可能係,而家出面都冇野 ...
verywai 發表於 19-3-2010 06:08 PM

又係講增值...,老實講香港係唔係真係需要增值
打1份牛工,e樣又要係識果樣又要你識,唔關工作崗位既證書又要識
然後1個人做幾十個人既野~

老實講出黎做得野既應屆畢業生,你覺得唔掂唔係因為佢學術知識唔掂,而係唔識做人
成日射波,工作態度唔好....
做野馬馬虎虎又唔肯去學

ed野唔係增值就改變到

你到底有無諗過你要求人增值d咩先?
   
我見過好多d咩咩大學生出到黎d工作效率連中學生都不如,
我從來都相信,一個人做唔做到野係睇工作表現唔係張砂紙
但係e+全香港都只睇學歷
無論有無料都要俾定幾皮萬去証明自己

我大學出黎唔夠一萬仲要年年交4皮繼續進修~,但邊個保證香港過幾年唔係個個2,3個學位
讀咁鬼多野唔保證你升職,最多只能保住份工,但係錢就年年儲唔到~
d費用開支就年年升,人工?唔減已經偷笑~
買樓更加唔洗諗,就算阿爸阿媽肯幚我俾首期,我都唔知供唔供得起~
e個年代做父母居然只求子女養得起自己就夠......
我e+d人工夠俾學費唔夠俾家用

你仲想d人讀到去邊先心息?

我身邊d咩副學士都係做d office boy,份工個名同人工就係以前中5/中7既lEVEL,7XXX
但當然要做好多"其他"野
香港D老板,要人讀到咁高水平,又唔肯俾返咁高人工,
一個文員仔,最低要求居然係大學生,入職只有8XXX,都大把人爭住做
就算我想進修,唔食唔住用晒d人工交學費,一年都佔要5個月既錢,係估我交通上網唔洗錢呀,
我仲要計下十年前十年後既野wo,十年前讀中7做我個位已經好叻,e+係大學生,十年後可能雙學位或者碩士
我對上果位上司已經係美國碩士出身啦,雖然人工真係唔錯,但係我又要諗下wo
佢果位e+都要d咁既學歷,我點會有得升呀~保唔保得e+個位都未知wo

最重要既係,個位係唔係真係要咁高學歷需要先能夠做到~又唔係果下死wo


香港係唔係要學到加拿大咁掃街既都係大學生,但係人地做掃街既生活條件都好過我wo

原罪

最高工時可能保障到d人…
但最低工資…

個老板可以本來，可以用二萬蚊請人，可以請三個，
立左法，個老板都係用個兩萬蚊請人，咁可能請得兩個…

結果係一個失業，兩個人做三個人野。

唔好幻想d老板會自己賺少d，羅多d錢請人。
d中小企業，可能真係可以用得咁多錢…
佢邊度變多d錢出黎請返原本既伙計？

係可能有老板會情願賺少d，但多數老板呢？
你老板又係咩人？你唔係唔知嘛？
如果會情願賺少d黎益員工既老板，唔使立法都做左啦。

特級豉油

好多打工仔都只係用自身感受經歷去睇去支持「最低工資最高工時」, 有無想過牽一髮動全身? 會另整個社會有咩變化? 推高通賬推高失業率推高財赤呢d已經係幾近必然發生o既事, 政府係咪真係有足夠財力可以承擔得起最壞打算? 現針對o既保安同清潔工, 即使實行左又會有咩得益? 呢兩個行業雖然唔會被淘汰, 但係d職員係咩質素大家心知, 如果他們有競爭力, 一早就做了CEO經理主任了, 現在主因係低技術人才太過供過於求, 而他們又無其他工種可以選擇, 「你」係老闆仲需唔需要五天工作每天八小時月薪$10000請人先? 假如通過後, 「你」係老闆又會點做先? 「你」可以話我只係打工話Q知佢, 但到「你」收到大信封後返屋企, 再收到大幅加管理費通知, 紅簿仔無乜血色時, 去商場買野, 因為大幅加管理費令到成個商場d野加晒價, 最要命o既可能見到商場保安同清潔, 因為收左錢就需要「提高服務質素」而個個升呢變晒「執行主任」, 再看真d原來個個年青化晒(之後因為咁成本上漲又加管理費...), 咁d阿伯阿毛又如何呢, 咪變成原本幾十人爭一棟舊樓, 現係幾百人爭囉, 爭唔到份工會點? 有心無心都唯有去搵「幫民政府」幫手, 咁政府去邊樹搵錢呢? 稅基又窄, 唔好話加稅, 唔退稅唔減稅都幾乎遊行, 賣地又話益地產商, 失業率因此推高又話政府辦事不力, 特首財爺要落台... 到時真係全民皆「身苦」, 呢個時候, $33時薪又幫得幾多? 又會有幾多人真係如今日所言, 通過法例後就會多點時間陪屋企人陪仔女? 領綜援後所以大把時間?? Oh! 真係願主保祐...

K動戰士渣古

我唔反對最低工資,但係33蚊e個setting真係好低b,
我公司請個中5,中英文都必須合格既customer service ambassador,月薪7千蚊,即時薪都無30蚊
仲要多野做過保安

你要33蚊時薪請個保安,咁做到保安既肯定唔會係弱勢社郡,至少都係中5中7
到時連工都無得做,最低工資係幚佢地定害佢地?

雖然加保安人工,管理處唔會蝕錢仲可能有賺,因為大多數管理合同都係規定業戶交既管理費中有8%係抽出黎做純利的,換言之佢大條道理加管理費後,實際利益仲多左,不過香港無咩人會睇合同...

不過33蚊實在係行唔通,咁會引晒d青年人做保安,老果d又唔知做咩好,苦左業主租戶

而且如果立左法33蚊,全香港會無晒一些名為保安的東西,
有的只係"客戶服務大使"(即保安+管理處雜務+客戶投訴,到時連管理處文員都可以請少個),
當然"客戶服務大使"暫時不在最低工資保障之列~

hk小文

那些議員不斷高呼時工資時薪太低，但我倒想說，公務員的人工太高，為甚麼沒人出來叫公務減番 D 呢？好像早前食環署請個什麼督導員，要求中五學歷，萬三一個月，咁既人工，D 大學生仆到去見，班中五畢業即刻無機啦！但問題係香港用了咁多資源培養一個大學生，走去做中五要求的士，是否資源嚴重錯佩呢？

katoributa

有些少econ知識既都知最低工資其實幫唔到收緊低人工個班人，而大教授話，就連沒有直接影響既公司企業，長遠來講最低工資係會侵蝕佢地既租值，影響整體經濟。
每項事物都有代價，真係多左人失業的話，自然增加綜授既負擔，市民齊齊找數。
最低工資似乎勢在必行了，唯有買定花生睇下D無良老闆會出咩古惑招數應付，將來又會成為大家茶餘飯後既話題。

Macross長谷有洋

好多打工仔都只係用自身感受經歷去睇去支持「最低工資最高工時」, 有無想過牽一髮動全身? 會另整個社會有咩 ...
特級豉油 發表於 19-3-2010 09:43 PM

100% agree.
I really hope they don't pass the "最低工資" law. It will destroy Hong Kong's economy in the long run...
They should improve the welfare and education system instead.

yugi

又係講增值...,老實講香港係唔係真係需要增值
打1份牛工,e樣又要係識果樣又要你識,唔關工作崗位既證書 ...
K動戰士渣古 發表於 20-3-2010 04:06 AM

    你無degree時就會說依家點都要有翻個degree,到有degree時就說依家要去到碩士先夠,到有碩士時就說要讀埋個博士,到有博士時就說得一個涵頭唔夠,要讀多幾個先得

但實際工作上有需要嗎:44:

(^3^)

最低工資比多D(原曲:幾分傷心幾分痴)

最低資絕無意義
它不會扭轉波士的心意
為了是擔心一通過即超支

無錢使就黎有事
撈M記邊有錢走出超市
像侮辱的薪金邊個開始

要老闆最低工資比多D
若廿皮就算 去乞更有意思
誰要你去設 似施捨的措施

要老闆最低工資比多D
若事成跳進女廁歡呼七次
而這晚老細卻宣佈　執左佢算　啊！

雙嬴從來不易　這個老細早已知
望見宇人講錯野　頭腦如何幼稚
願事實做到兩方鐘意　你我拼搏更易
貧富繼續失控制　誰也說　真介意
( 轉載自高登 )

KitXBarca

有些少econ知識既都知最低工資其實幫唔到收緊低人工個班人，而大教授話，就連沒有直接影響既公司企業，長遠 ...
katoributa 發表於 21-3-2010 08:40 AM

如果唔講租值消散
剩係讀過f5 econ 都知會增加失業la .....
真係可以拎定花生睇好戲

hk小文

你無degree時就會說依家點都要有翻個degree,到有degree時就說依家要去到碩士先夠,到有碩士時就說 ...
yugi 發表於 22-3-2010 02:20 PM

呢樣我都覺，真係好似玩到鋤 D 咁，但又係咪咁多老細在意呢？個個都話要"鑲石屎"，請你返來做研究咩！得罪講句，讀書 D 野，有幾多用番係工作度，你知我知老細知，留番讀"石屎" D 錢來投下資好過..........

hk小文

大明燈- 孫柏文

最低工資：＄0

究竟應唔應該有最低工資呢樣嘢，抽水議員同中產小朋友都好支持。你作為大學生嘅中產小朋友，話呢樣嘢幫到人，所以支持，我無話可說，只能慨嘆你未明白最邊緣嘅工人，冇得上車做第一份工，就好難逃離社會安全網。

至於抽水議員，你哋根本無可理喻，民主派嘅，就一路挾民主去推自己啲害人社會主義。建制派嘅，明知會令大批新移民、學生及少數民族等變成結構性失業，不過仲開心，因會令政府投放大量資源俾你哋做職業再培訓。多一個學生上堂學上Facebook做職業培訓，就會喺之後嘅選舉少一票俾民主派。

各懷鬼胎，害咗最邊緣嘅工人。

依家政府現有嘅方案中，孫柏文最睇唔過眼嘅地方，就係邊個享有豁免。如果我問大家，叫大家估吓點解政府要豁免佢哋，你話政府會提供咩理由？

冇錯！政府就係話有好多聲音，話如果唔豁免呢班人，佢哋就會好難入到佢哋心儀嘅行業。咁邊班弱勢社群，咁需要政府嘅保護？等佢哋可以有機會向上爬？

新移民？唔係。學歷低人士？都錯。中、英文都比較弱嘅少數民族？亦都唔係。政府豁免嘅，居然係本地大學生(編按：勞顧會最近列大學生實習工作豁免最低工資)！更需要入職機會嘅中學畢業生咁點？政府、工會和抽水議員異口同聲咁叫你食自己啦！

本地大學生係咩？咪就係住私樓、理論多多、滿腔熱誠、未食過人間煙火、唔知難入職時悲痛嘅中產小朋友！豁免佢哋，等佢哋價錢上贏晒所有其他入職嘅對手，唔怪之得咁支持。人哋冇豁免，就係道德勝利，自己有豁免，就係實質需要。我今日就睇死你哋呢班大學生中，支持政府現有最低工資方案嘅一群。有種嘅，就將自己嘅豁免取消。我，睇死你哋唔會。

不過成個辯論，最可悲嘅係嗰啲明知政策會害人，由最初反對，到突然轉軚嘅人。你話好似張宇人呢啲末日政黨嘅代表，由反對，到支持最低工資定喺20元，我只可以話呢啲就係自由黨。不過有啲我好尊重嘅人，之前曾親眼目睹呢啲勞工政策為工人帶來禍害，由最反對，到一句：「政府已決定做，不如傾最低工資水平。」我就最失望。

呢位我好尊重嘅人係邊個？就係以前信共產、社會主義，不過後來親身感受到自由市場為自己及眼前人帶來生活水平提升，所以信自由市場嘅《am730》主席施永青。呢幾日睇《C觀點》，施老闆，唔好放棄，你知、我知，呢個政策對最邊緣工人嘅禍害，一定要抗爭到底。

就算有呢條法例通過，最低工資嘅水平應該係$0。噚日咁講，今日咁講，聽日都係咁講。因為我唔知我會唔會做中產，我唔想我嘅小朋友到時連博份工返來都唔得。


作者為前石油業證券分析員，視股市為終身學習場所，不斷交學費。