意 馬 動 畫 清 盤 裁 逾 300 人

Gretzky99

年關難過，投資近五億元炮製港產動畫電影《阿童木》而名噪一時的上市公司意馬國際控股有限公司，旗下的意馬動畫工作室繼個多月前「勁炒」百多人後，昨日終於向員工宣布「撐唔住」被迫清盤，三百多名員工過年前慘食「無情雞」，淪為失業大軍。據悉，該動畫公司已向員工表明無能力支付遣散費及賠償，着員工自行前往申請破產欠薪保障基金。有立法會議員估計，事件最少涉及高達一千二百萬元欠薪及賠償。勞工處表示密切關注事件，但稱暫未收到員工求助。《阿童木》劇照

意馬動畫工作室為本地三大動畫製作公司之一，該公司原聘用了四百多名員工，但經去年十二月中大幅裁減四分之一人手後，現時公司只剩下三百多人。一名去年被裁的員工向本報稱，該公司需向他賠償三個月代通知金、假期補償及遣散費，現時部分款項仍未付清，但他昨日傍晚突然收到仍在職意馬動畫的舊同事通知，公司昨日內部召開大會宣布清盤，所有員工可即日收拾私人物品離開，而且下周一起毋須上班。

立法會議員李卓人昨日亦收到意馬動畫的員工求助，員工稱公司執行董事在會上表明，員工由二月一日起將不獲發薪，公司亦無力支付其他遣散賠償，但已着人事部替員工計算各人的遣散費及賠償，並通知了勞工處下周三派員到公司辦事處，為員工登記及申請破欠基金。李卓人初步估計，員工被拖欠八日薪金，連同三個月代通知金及相等於一個月的比例賠償，即平均每人被拖欠四萬元賠償款項。

昨日傍晚，在意馬動畫工作室的柴灣辦事處外，受影響員工將大箱、細箱的個人物品運走，各人對公司清盤不感到意外及悲傷，因市場已多次傳出公司有財政問題，早有心理準備。
意馬國際股價跌4%



意馬國際控股昨日則如常在港交所買賣，收市報一角二仙四，跌百分之四。意馬國際於本月二日表示，有獲投資者提出可能注資意馬國際，若落實將成為意馬國際控股股東，令該公司股價一度連升兩日，該公司現仍計劃投資另一部動畫《神勇飛鷹俠》。

意馬國際控股去年中曾透過供股集資一億元，前港姐朱玲玲的丈夫羅康瑞及朱玲玲姐夫洪錦標旗下的永菱通金融，曾經持有意馬8%及接近24%股權，資料顯示，兩者的持股量略為下降至約6%及18%。
Share

side3net

呢個年頭呢一行, 如果接唔到外國GAME廠代做CG
單係做電影一範, 係香港可以講係死得..
事實又再一次證明特區政府既無能.
推咩死咩..
香港死完IT, 死物流, 再死中醫, 死埋創意工業..

kai2000

把日動畫鬼佬化,好大喜功,選的作品又唔update,由一班對動漫冇愛又唔明動漫迷喜歡什麼的老闆話事.....有今天都預左.只能說一句:
"天地有正氣":*

tobyruri

阿童木的收益只不過是名氣....
但之後都冇乜大片job接到.....每月係到燒銀紙.....
政府話要提昌增加特效動畫電影制作..果頭就有間公司倒閉...

side3net

阿童木的收益只不過是名氣....
但之後都冇乜大片job接到.....每月係到燒銀紙.....
政府話要提昌增加特效動 ...
tobyruri 發表於 6-2-2010 10:31 PM

無能政府都好信..
佢見邊行掂米出黎沾下光囉..
你試下聽日淫業突然興旺, 香港跑出左個"夜場富豪年青才俊"
好快好會推行金雞港架啦, 大學仲多埋"雞鴨系"比你讀添啦...

民間有一, 兩個人攪大左壇野, 成功發左, 政府就自然就會走出黎攪死佢.
次次如是架啦.

滴滴仔

點解係三個月代通知今?

四個月糧都係得四萬幾, 都幾"UN"喎.
bad-aries 發表於 7-2-2010 03:46 PM

呢行...算叫ok la ...