有感而發....

jedi

昨晚搭巴士時聽見座後面一對情侶的對話
女 : 你成日玩玩具, 你都變態....無出色...
男 : 唔系呀, 玩小左啦, 好耐無買啦喎
女 : 見你行玩具店個樣就憎, 成班男人心理有問題，
你屋企同公司放埋哂D玩具....攪到成個電車男咁....
男 : 邊有幾多呀....幾盒"姐"，最多以後同妳行街咪唔行囉...






原來玩玩具/行玩具店/公司台面放下扭蛋/屋企有好多盒玩具.....收藏,
就話你系變態...心理有問題....唔正常...電車男...無出色...我都系真金白銀用自己錢去買
又無偷/搶...或問人借錢去買, .......身邊好多人都有各式其式的興趣.....為獨是玩玩具會咁大罪呢 ? ..... 玩音響/追新款電話/MP3/相機/車/.....而至上大陸按摩/飲酒.....個D人就系成功就系正常, 大家都系一種興趣.....都有高低之分, 成人系唔比玩玩具, 供金合魂/HT/EB/M記....種種...的鋪頭都執得啦......我行咁多玩具店旺角/灣仔TRU/咭之佬....多數見都是成人去行同買..........唉

逆天原罪

算la~其實各人不同興趣姐, 女仕都有佢地買野既時候, 將心比己, 問題就少D:67:

Lawita

don't be so sad bigbig
just that "hk style girl" dislike toy because of the "tram culture"
of course in my point of view some toy is aim at the tram ppl...XD
but girls always misunderstand toy culture equal to tram......
Many toys are now so expensive and become collectibles, always cost $1000+, such as HT figures, AA cars etc, i bet 95% of the customer is over 18!
as treating it a collectible instead of a toy, my girlfriend don't think that is "tram", just saying waste too much money

正福娃

回復 1# jedi

算啦，有d人要咁睇米同佢一般見識啦，我地認為自己ge嗜好正確咪得囉，如果連自己生活興趣都要遷就別人，人生會過得很沒趣。

DIG

條女好"港女"feel喎, 不過無論絛女點黑人憎, 都要絛仔嘅配合架.
重點係條仔點忍 / 點解要忍, 我不嬲覺得兩個人相處要互相尊重,
條仔點解要忍到呢個地步, 佢都係助長緊條女氣燄.

巴武藏

咪由佢講，妳有妳講，我有我玩...

小櫻

佢唔係你條女未得囉...

咁佢點鬧點井底都唔關你事...

呵呵呵...

小櫻上

roystoy

只要你買玩具時, 又比你身邊個女人買佢既心頭好 / 你送野比佢, 包佢晤會話你變態....:34:
當然量力而為, 切勿玩物喪志:67:

威哥仔

唔好同呢d女一般見識 , 呢d女最想就係你用晒d錢買d名牌手袋比佢咁你就唔係變態喇 !!!

大舊金

:67:大家興趣唔同姐！我玩12吋夠比公司d同事串我啦！不過我咪又串番佢輸曬d錢比馬會咁白痴啦！每個人個價值觀都會唔同！無必要張自已一套強加左別人身上！仲之大家唔好玩物喪志就得

影武者

我家中四圍都是玩具...但我是一個百份百的普通人.............哈哈:73:

K動戰士渣古

:43:

ajc188

奇...難道德哥睇到厭左?好少見呢D話題佢唔講下...

下次見到條女同佢講：
"無出色? 我屋企跟左我廿年隻合金夠你買十個LV! 唔識野唔好亂up啦!"
"一屋電器音響名牌好巴閉? 我同佢同時買件貴野, 一年後賣出去睇下邊個貴D?"

hehemimi

人各有志:38:

Lau

我都覺得係...又唔係偷又唔係搶，又唔係為非作歹，買玩具又乜唔得！
可能佢覺得玩具只係小朋友至買得和玩得。