又嚟介紹一齣絕地求生嘅西片：極地戰狼，故事講主角點樣帶領其他人逃出絕境，影片全程實地拍攝，真係可以感到現場嘅惡劣環境，再加上處處遭受野狼伏擊，場面驚心，同之前「活埋」套戲一樣，發出一個訊息：到最後都唔好放棄。
評分：:71::71::71:http://a4.sphotos.ak.fbcdn.net/hphotos-ak-ash4/431657_10150698567427281_697852280_9122301_896162057_n.jpg
再介紹一套喜劇比大家，係大家都耳熟能詳嘅童話雪姑七友改編而成嘅西片：魔鏡、魔鏡：白雪公主決戰黑心皇后。內容幽默攪笑，不過咁粗眉嘅white snow真係有D奇怪，惜尾段一場歌舞比人有突兀嘅感覺 (雖然係交代番佢哋國家人民愛跳舞)。
評分：:71::71::71:可以一看
呢次推介一套電腦特技科幻片：異形海戰，劇情係講述外星人侵略地球，咁啱美日聯合軍演撞到正。劇情簡單無乜特別，不過電腦特技效果加番唔少分，感覺無乜冷場。
評分：:71::71::71:http://a4.sphotos.ak.fbcdn.net/hphotos-ak-ash4/431657_10150698567427281_697852280_9122301_896162057_n.jpg
本帖最後由 七國咁亂 於 26-4-2012 01:08 PM 編輯
又係睇戲時間，咁次睇番套港產片，桃組？no way，桃姐呢套戲同之前titanic上影時一樣，四圍都講，大肆宣傳，講到口都臭，聽到耳都煩，睇到眼都悶，想睇都變成無晒興趣睇。小弟係要講嘅戲係起勢搖滾，青春片，喺呢個反叛青年濫藥年代，呢套不失為一套警世電影，但講吸引之處，小弟只係覺得係喺Jeana嗰兩分零鐘show假波激情戲，明知係假野，都好鍾意睇…拍！:30:賤格:blame:
其他嘅內容…一般啦…成人可以不看，青年人建議去睇
評分：:71::71:http://a4.sphotos.ak.fbcdn.net/hphotos-ak-ash4/431657_10150698567427281_697852280_9122301_896162057_n.jpg
今日同大家講吓一套台語片，哈…咁醒嘅你，知道我講嘅係：唔係愛超合金魂…係愛的麵包魂。又係盛女女神 - 陳妍希 嘅戲，法國靚仔麵包師大戰台灣贛男麵包師，故事以攪笑形式講爭女，都幾過癮，最有感覺就係台灣贛男車住陳妍希chok電單車嗰幕，妍希豐滿嘅身材頂落去個背脊度，嘩~另外，片中台語好多，好得意，故事都好清新。
評分：:71::71::71:http://a4.sphotos.ak.fbcdn.net/hphotos-ak-ash4/431657_10150698567427281_697852280_9122301_896162057_n.jpg
本帖最後由 七國咁亂 於 13-5-2012 07:28 PM 編輯
今期介紹番一套西片比大家：Lockout，呢齣美國佬科幻片，係講美國發展到有一個太空監獄，但呢個監獄暗地裏有另一個用途，因而由女主角引發出一場緊張刺激嘅變數。套戲大部份係廠景，有D星球大戰feel…
評分：:71::71::71::71:
今期介紹一套影帝電影比大家，就係平步嗰套追凶，故事係講警方兩次誤放有精神病嘅殺人犯，而演變成無可挽救嘅結果，故事懸疑血腥，而雞仔琳以貞子look演活精神病患者，令人耳目一新，初時仲認唔到係佢添，散場後有人話似恐懼教室，但小弟無睇過，所以覺得呢套港產片唔錯…
評分：:71::71::71::71:
Yoo......又係講戲時間，睇完套港產片，睇番齣西片：One for Money，女主角為生活而成為賞金獵人，為咗高價賞金追查目標人物，因而捲入一個毒品交易集團嘅事件上面。女角樣貌身材不俗，故事香艷、緊張、懸疑。
評分：:71::71::71:http://a4.sphotos.ak.fbcdn.net/hphotos-ak-ash4/431657_10150698567427281_697852280_9122301_896162057_n.jpg
原來你一直有UPDATE 呢個 POST 我見唔到...
回復 24# 玩具
多謝留意
今日同大家講一套動作片：拳霸家族，故事係講一個跆拳家庭，因出國表演而捲入一宗泰國國寶盜竊案，被黑幫追殺，橋段有d似Tony Jaa嘅拳霸，不過720度回旋踢真係幾勁。
評分：:71::71::71:http://a4.sphotos.ak.fbcdn.net/hphotos-ak-ash4/431657_10150698567427281_896162057_n.jpg
今日向各位介紹一套懸疑、驚慄片，係由哈利仔主演嘅：The woman in Black.故事係講述一座古屋一宗意外慘死事件，由一女怨靈殺童為大綱，再由哈利仔工作再引發一連串死亡事件，全片氣氛相當好，小弟都曾被其中一幕嚇到跳咗一跳，相當唔錯:77:
評分：:71::71::71::71:http://a4.sphotos.ak.fbcdn.net/hphotos-ak-ash4/431657_10150698567427281_896162057_n.jpg 純個人意見：推介
本帖最後由 七國咁亂 於 25-6-2012 10:54 PM 編輯
今次講一套3D戲：貞子3D，無計，真係想睇吓可唔可以嚇死我，一如所料，一個「挑」字，個故事係講有人令貞子復活作開始，但人物、妖怪嘅設定非常失敗 (貞子造型更是抄襲自永遠筆下嘅角色，小弟有此強烈感覺)，變成笑聲連場，而小弟真係笑唔出，真係想拆咗張櫈掟向個大銀幕:blame:
呢套戲評分有D怪 -
戲嘅評分 ：:71:係比幪面超人KIVA嘅
3D效果嘅評分：:71::71::71::71:http://a4.sphotos.ak.fbcdn.net/hphotos-ak-ash4/431657_10150698567427281_896162057_n.jpg
今次介紹一齣西片，又係3D戲：普羅米修斯，呢套其實係異形前傳，故事講有人想長生不老，於是設計搵一班人上普羅米修斯太空船去搵巨人，而過程因一名機械人用人類做實驗，令事件一發不可收拾，故事ok，但3D效果就唔係好得。
評分：:71::71::71:
本帖最後由 七國咁亂 於 8-7-2012 06:18 PM 編輯
今次介紹比各位嘅係一套日本戲：神探加賀-麒麟之翼，故名思義，呢套係一套偵探推理劇，故事係由日本橋上有翼麒麟像下所發生嘅命案開始，亦由呢個像終結。阿部 寛飾演神探，調查一宗表面簡單但內裏錯綜複雜嘅案件，因而揭發另一宗數年前嘅意外真相! 過程曲折，因太多角色隱瞞真相，令故事更撲朔迷離…
美中不足嘅係坐喺我後面嗰位觀眾，唔知佢生香港脚、生癬、生疹還是生痔瘡，全程坐立不安，對脚不停撞落我椅背度，但佢又唔高過小弟，對脚又無特別長:63::blame:
評分：:71: :71: :71: :71: