小弟又睇咗套三級港產片，係，就係好鬼低俗喜劇，故事內容非常粗俗，自問係「正人君子」就真係唔好入場，全套戲都係D性器官「飛嚟飛去」，但小弟都係低俗嘅人，就覺得幾好笑，但有D位就濫咗少少，有D夾硬嚟。但……小弟都想試吓爆炸糖:Q:p
評分：:71::71::71:
又係小弟嘅電影介紹，今次又係一套港產片：消失的子彈，故事係講青雲調升警政官，遇到神槍手探員檸檬，兩個為數宗離奇命案以身犯險，最後雖然破案，但結局却……
評分：:71::71::71::71:青雲、檸檬搏命演出
厲害, 樓主的 POST 真是好到肉...
早知我睇完你的介紹先入戲院睇戲啦 :66:
P.S. 有冇睇"賤熊30", 呢套野真是有驚喜, 估唔到....:58:...唔講住, 引你去睇先 :66:
趁松會係度問,討厭夜蒲2上左未?DADA太令人興奮:61:唔該晒各位大大:64::64::36:
回復 48# 36韜
客氣客氣，到肉？只係一般啫，太抬舉啦…:77:
賤熊可能都會睇，不過更想睇小桃之奇幻手紙:handshake:
回復 49# jiantanguang
落埋畫囉喎，仲問？
介紹過幾套港產片之後，介紹番一齣西片：時凶獵殺，故事係講未來黑幫用時光機將要殺嘅人傳送到過去嘅時間由殺手殺死，但殺手有機會遇到要殺嘅係將來嘅自己，事件由殺手殺人失敗而引發一連串事件，故事有D悶，亦都唔明點解為殺人乾手淨腳而唔將要殺嘅人直接傳送去焚化爐，而傳送比殺手殺咁多此一舉，亦有抄襲X-MAN嘅橋段…
評分：:71::71:
今次介紹一套好攪鬼嘅日本片：羅馬浴場，套戲講阿部寬穿梭古羅馬同現今日本浴場、浴室，將現今浴場、浴室設備概念帶返古羅馬，過程攪笑騎呢，有啲無聊，不過阿部寬演得生鬼，加上有彩妹：上戶彩，點可以唔睇……
評分：:71::71::71:
再介紹一套戲比大家，Top Gun………………韓版：壯志衝天，小弟覺得戲軌係copy自壯志凌雲，好多畫面都好近似，連人物設定都好似 (柳俊相基本同Top Gun嘅Ice Man一個餅印咁)，但女主角申世炅就靚好多，有人話佢整過容……我信架，邊有可能靚成咁架？:handshake:，不過此戲絕不適宜北韓人士觀看……係喎…有啲brother/sister未睇過Top Gun架喎…講番齣戲，講述阿Rain係空軍機師，同幾名空軍機師遇到北韓戰機突襲，一名機師陣亡、一名流落北韓邊境，為救自己人反擊北韓。
評分：:71::71::71:，其實呢3分全部係比申世炅:35:，戲就無乜興趣，因為小弟係Top Gun迷
近來忙到甩轆，唔好話電影，電視都無時間睇……令本劇院執笠咁滯！
今日突於其來有時間敨敨氣，即刻睇番場戲：電眼偉嘅一代宗師，王大導嘅戲，畫面豐富，但佢拍戲嘅個性無變，應該係興之所致，拍拍吓葉問，突然覺得宮家派系恩怨精彩過葉問，將套戲主力放咗喺宮二報仇嘅戲上面，雖然尾段用葉問後半生作總結，但一代宗師變成唔係詠春葉問，而係六十四手宮二，片中加插一小段一線拳，未練過功夫同唔知早期香港武館情況嘅觀眾，相信會覺得無厘頭。
小弟入場前無睇過廣告、影評，只為睇偉仔點去演繹葉問，其實都唔錯，驚喜嘅係王大導用咗我嘅女神宋慧喬做葉問嘅老婆:love:，雖然戲份唔多，但都覺得賺咗:34:，人、景、畫面、動作，都好靚……
評分：:71::71::71::71::71:爆
一代宗師，希望落畫前睇到。
原來樓主都鍾意宋慧喬，小弟也是；
可惜小弟仲係停留係佢套藍色生死戀、同李炳憲既階段 :(
樓大之前有無睇"pi少年"...?點睇呢部?:73:
回復 57# 老文
呢套另類挪亞方舟，小弟無睇，但好多朋友都話ok:77:
回復 56# roystoy
:77::77::77::77:
小弟再介紹一套賀歲片比大家，布佬嘅…死硬，因為朋友想睇，自己其實唔係太有興趣，故事都同之前嘅無乜大分別，飛車、開槍、爆炸、撞車、跳樓，不過今次多咗布佬嘅仔女出場，同埋撞嘅車數量之多真係無人能及。
評分：:71::71::71:http://sphotos-d.ak.fbcdn.net/hphotos-ak-ash4/431657_10150698567427281_896162057_n.jpg