原帖由 getterwing2 於 27-10-2009 09:46 AM 發表 http://www.toysdaily.com/discuz/images/common/back.gif
如果去gamefaqs之類 論壇睇睇, 會見到其實歐美一樣有老翻, 不過數量少. 日本一樣有, 不過數量唔算多.
其實印尼, 泰國等亞洲地區的老翻都好嚴重.
不過大陸的確係最嚴重.
分別係, 人地美國, 日本仔既老翻係地下賣, 你香港大陸係直情係大場賣.
同埋, 日本人既意識比較強, 佢地會用"老翻", 但係佢地同時係好不恥去賣呢樣野.
唔同香港大陸, 真係好似攞正牌, 仲大條道理認為是對的...
原帖由 mushroom 於 25-10-2009 01:44 AM 發表 http://www.toysdaily.com/discuz/images/common/back.gif
常常看到game書對遊戲市場的評論，是吸引我睇game 書的原因，當然還有攻略和一些懷舊的文章。
不過那些評論看了又看，都開始重覆；寫得較好的是game weekly的電玩太郎，和game zone。
但是睇睇下我又覺得自己都 ...
電玩太郎叫Keith, 寫左十幾廿年架啦. 有時想講真係唔知係好事定壞事.
寫game書真係唔會發達, 正式叫餬口都難, 公司又唔隱陣. 都唔知幾時會摺
好似佢咁家下仲堅持寫game書, 香港仲有幾人?
唔係講笑架, 人工咁小, 單維持生活都唔係咁易, 更唔好講要用黎維持"少說每月都要幾千銀"既興趣身上.
咁既人工, 你仲可以要求本書同d編輯咩野質數先?
我個人一向都對本土game書, 攻略完全不滿.
如果你有買開Fami通, 又或者原版攻略既習慣, 你會發現人地其實真係多野睇過本土好多.
但係我又時又會諗, 你香港班友仔, 係唔係都download, 好似NDS, 免費攞落黎既時候, 佢地呢d cheap友更加唔會去花百幾銀買攻略啦.
15蚊本game書全粉紙印刷, 仲有兩本小書跟, 都仲可以有契弟粉腸嫌貴既.
咁既市場, 你養一班後生仔還可以, 踏入接近三十仲撈緊真係唔知要慶祝好, 定燒柴好..
變成, 香港唔會同日本咁, 日本雜誌有一大堆三十過外既編輯係精通業界知識, 可作為一位見證專業既評論
香港果堆, 九成都係小朋友編輯, 都唔知見過紅白機未, 就膽粗粗走出黎狗up亂吹, 一係就上網搵料成篇照抄人既出黎.
文章自然欠深度, 但事實上, 我又唔會怪人地既, 始終你個市場可以比得幾錢人呀? 有幾多個keith, 年過三十仲撈game書?
所以香港遊戲界根本永遠玩唔大既. 作為教育玩家既GAME書都攪成咁, 你點期望一般玩家會有可能集團提升智慧?
原帖由 cybaster 於 26-10-2009 05:11 PM 發表 http://www.toysdaily.com/discuz/images/common/back.gif
依小弟愚見:
我認為導致小廠商出唔到game的其中一個原因是老翻,
一些傳統名作,
如: SRW, Winning 11, FF等, 由於有固定fans, 實有一定銷量,
但對於小廠商, 那樣可確保出來會多人買呢?
一定銷量.......老老實實, 隻隻係香港銷量都係得兩, 三千架乍..有D仲係已經比多佢架啦
原帖由 小櫻 於 27-10-2009 10:01 AM 發表 http://www.toysdaily.com/discuz/images/common/back.gif
說 XB360 和 PS3 Game 的開發成本...
XB360 遊戲的開發成本應該比 PS3 的低... 原因是XB360的OS是和PC相同的Windows系列... 換句話說XB360和PC的遊戲可以有極高的互換性... 這除了減輕開發時間與成本外... 更可將 ...
XBOX360和WINDOWS之間比較兼容, 最大原因是其DIRECT X API, 並不是因為OS的問題
遊戲開發套件SDK本身已包含一切所需的工具, 包括對API及GUI的應用及控制.
在市場上, 懂得開發LINUX, UNIX應用的人理論上是應該比Windows為多才是.
因為Windows是一個從來都沒有公開過核心原始程式碼的系統, 反之linux卻是公開的.
對遊戲平台而言, 亦從來不涉及OS授權的問題, 查找回一下歷史, 除了XBOX及微軟有份參與的DREAMCAST(使用Windows CE為OS)之外
所有平台都是執行自家設計的作業系統而又大賣的, 其中PS及任天堂就表表者. 所以在存在Windows平台就必定大賣之說
原帖由 warxv 於 28-10-2009 01:14 AM 發表 http://www.toysdaily.com/discuz/images/common/back.gif
幾有趣的討論.見好些朋友都講翻版的問題,睇過一些訪問遊戲開發商其實覺得二手市場對他們的影響比翻版更大,因為翻版市場雖然"看似"好大,但當中好多都是目標顧客,那些客人只是因為翻版平才會順手購買,如果要付出正版的 ...
PSP Go錯在:
1) 他不是iPhone, PSP的UMD市場已有一定數量, 根本不能完全放棄.
當很多人看甩見近十年蘋果的成就之時, 更多人忘記了從前蘋果多次的失敗都因為"前衛"
像Newton, G4 Cube, ADC Cinema Display, Firewire 800, Pippin.....
2)售價太貴, 這裡所指的和本土雜誌不一樣, 木土雜誌很白痴地(對不起, 我真的覺得他們很白痴)
將他和PS3比較, 其實, PSP go最大的敵人是PSP 3000才真, PSP-3000, 售價才1380, 有較大的LCD
多種顏色可選擇, 機能配置幾乎完全一樣. 反之, PSP go本身不對應目前任何的PSP配件(因為PSPgo不具備標準mini USB)
而其實, 最致命的還是, PSP-3000本身其實也完全支援PS3, Media Go下載遊戲的, 這根本就不是PSP go的獨家功能.
3)第三方及本身選旗下廠商都不太支持, 最佳例子是GT, UMD版本預約及初回限定都有"車"送, 但不包括下載版...
4)這亦是最致命的地方, iPhone下載的是小遊戲, 售價每每由0.99美元至9.99美元不等.
反觀PSP, 最離譜的一隻遊戲下載需要HK $414, 簡單的最便宜都要38元..(俄羅B方塊)
市場定位絕對不同, 消費者可以忍受一台手機中下載一隻小遊戲來工餘玩樂.
但消費者心態就絕對接受不了用一台"專業級"遊戲機來玩小遊戲, 給人的感覺就是殺雞用牛刀
不過, 又話說回來, PSPgo的LCD, 是筆者近十年見過在小型裝置上最高質的LCD也是事實.
[ 本帖最後由 side3net 於 12-11-2009 02:00 PM 編輯 ]
原帖由 原罪 於 29-10-2009 01:45 AM 發表 http://www.toysdaily.com/discuz/images/common/back.gif
:( :64: 又唔使sorry既~我sorry就真…語氣咁重。
如果要寫評論…
我諗我唔講廠商啦。想由用家出發。
我諗…我真係由黑白電視，類似「亞達利」開始接觸遊戲機既。
係，我真係三歲已經入機鋪:35:
第一部稱 ...
資料修正.
SEGA主機平台是和任天堂的FC系統應該是同期推出, 兩者都同時1983年7月
(任天堂FC推出日期為1983年7月15日)
並不如你文中所講"終於有對手"之說, 因SEGA從來都不是後來者.
到你能在亞視上觀看的比賽之時所用的已經時1987年10月推出的Master System
屬於SEGA第四個遊戲平台, 亦是首台在香港公開發售的SEGA行貨.
1983年的紅白機其實衝擊有限, 紅白機真正出頭之日是1985年9月13日Super Mario Bros的推出.
PC-Engine是本身完全不能播放"動畫", 直至1988年末的週邊, 才正式能夠以CD的容量實現"擬似動畫".
其原理就像是現在的gif檔案, 但格數比gif更少, 而且動作更簡單, 亦對尺寸有嚴格限制.
PC Engine最優勢的地方在於最大512發色素及同一畫面可顯示角色數(當時以8x8計算),
及由Hudson所開發的"擬似二重捲動技術"---畫面分割.
首台能正式播放"影像檔"的平台應該是SEGA的MEGA CD才對.
PC-Engine上推出的"街霸1"為首個HU System CD-ROM平台遊戲, 由於版權問題, 該遊戲易名為Fighting Street, 由Hudson負責開發及發行, 5800日元.
MEGA DRIVE定位從來都不是紅白機吧, MEGA DRIVE發行年份為1988年, PC-Engine為1987年, SFC為1990年.
當年MEGA DRIVE的初期主要對手實為PC-ENGINE, PC-ENGINE當年其實已經搶去任天堂FC不少份額.
MEGA DRIVE直至在淡出的一刻, 在歐洲的銷量仍然是和任天堂的SNES叮噹馬頭的.更曾經一度借SONIC的勢頭, 超過任天堂的銷量
原帖由 CD-ROM 於 12-11-2009 12:36 AM 發表 http://www.toysdaily.com/discuz/images/common/back.gif
其實ps當年能擊敗其他對手, 是因為有老令佢市場佔有率遠超過其他對手
夾著這優勢帶動ps2及其他對手不成氣候, 所以就算佢初出時開發工具極難用都仍然穩佔市場
而開始冇新game好玩, 唔係佢地不思進取, 而係好多開 ...
我實在唔明點解成日都有人講, 當年PS旺, 超任旺, 係因為老番?
關咩事呀, 大佬, 你香港市場有幾大呀? 一般作品係香港唔會過一千隻, 更慘過幾十隻都試過.
全球一億台主機, 你香港又佔幾多部呢?
美國, 日本, 歐洲莫非又係老番主流
點解全球銷量熱賣既遊戲往往二, 三百萬閒閒地既?
原帖由 side3net 於 12-11-2009 03:03 PM 發表 http://www.toysdaily.com/discuz/images/common/back.gif
我實在唔明點解成日都有人講, 當年PS旺, 超任旺, 係因為老番?
關咩事呀, 大佬, 你香港市場有幾大呀? 一般作品係香港唔會過一千隻, 更慘過幾十隻都試過.
全球一億台主機, 你香港又佔幾多部呢?
美國, 日本, 歐洲 ...
老番唔只香港有，世界各地都有！:53:
原帖由 side3net 於 12-11-2009 01:30 PM 發表 http://www.toysdaily.com/discuz/images/common/back.gif
電玩太郎叫Keith, 寫左十幾廿年架啦. 有時想講真係唔知係好事定壞事.
寫game書真係唔會發達, 正式叫餬口都難, 公司又唔隱陣. 都唔知幾時會摺
好似佢咁家下仲堅持寫game書, 香港仲有幾人?
唔係講笑架, 人工咁小 ... 多謝大量回覆！:71:
雖然game書質素唔算十分好，不過我卻見到他們的香港人奮鬥精神，在這個Download年代，還可以有五六本在市場，而且資料很多，仲有玩具(TD都睇到...)、電影、女星等等.....
其中game zone真係睇一個星期都睇唔完.....
Fami甚麼的間中都出中文版，但係都夠佢地打，因為聽講攻略唔夠快，價錢亦係一個原因，所以本土game書都幾代表香港，唔似香港漫畫，越出越差...:53:
原帖由 mushroom 於 12-11-2009 09:35 PM 發表 http://www.toysdaily.com/discuz/images/common/back.gif
多謝大量回覆！:71:
雖然game書質素唔算十分好，不過我卻見到他們的香港人奮鬥精神，在這個Download年代，還可以有五六本在市場，而且資料很多，仲有玩具(TD都睇到...)、電影、女星等等.....
其中game zone真 ...
你都識講呢個係DOWNLOAD年代, 就可想而知香港係幾咁可憐
香港一本所謂GAME書, 我先唔講質素.
單以GAME ZONE為例, 我睇翜地個"讀者信箱" (我先唔理究竟佢地D信係唔係老作既)
居然仲可以搵到班契弟發表意見, 認為一本咁既全粉紙四色印刷咁既釘裝再加兩本附送書仔賣15皮野叫貴既.
仲話人地過左膠加左價好似呃狗佢, 坦白講, 叫果班契弟去行街死把啦
成本書無廣告, 無任何遊戲公司比真銀颶贊助, 全港銷量都唔知有無一萬本
(係呢個天下都係得三萬書既年代, 我以肉眼觀察佢既發行量真係唔覺佢有幾萬本實銷囉)
你真係可以想像, 究竟果堆編輯係食咩野為生既. 唔怪得兩千幾銀既主機, 佢地都要死度難度先至決定買唔買好. 幾咁凄慘
雜誌仲要提供完全攻略, 真係痴狗晒線! GAME書雜誌係要黎教你初步攻略, 介紹新野, 業界動向等為主.
講攻略幾時可以, 同可能詳盡得過專門既攻略本? 當中資料性都不知幾豐富, 售價都係約1500日元左右.
其實我主要講既係, 講到尾班契弟就係玩老番, 連帶GAME書其實都係比呢班契弟玩死埋, 但係呢班契弟中既契弟部份又係本書既基本讀者.
惡性循環下, 係香港呢門玩意可以講根本係永遠玩唔起既.
以NDS既DQ IX為例, 會付出四百零蚊既玩家, 應該早就入手SE Mook既兩本知識篇, 世界篇攻略
玩下載果班契弟, 原裝果兩本唔好講啦, 就算中文賣58蚊果本都唔會囉.
連本雜誌賣13蚊都叫貴呀大哥, 米就係呢班cheap精, 攪到無人願入行囉
咁你就可以理解啦, 當原來作為一位本土game書編輯,
份人工每個月買四隻原裝games都好艱辛下既時候. 你仲點期望佢可以請d好勁, 好有經驗, 好有分析力既人寫d好既野比你睇先?
你點期望呢份工叫人打一世先? 你第一篇文章有一句係你認為你都可以寫得出評論呢番意見.
今時今日既環境, 我可以同你講, 你絕對可以, 而且分分鐘唔會比果班人差.!
PS:FAMI中文版係香港呢D市場係行唔通架, FAMI通日本版和第三廠商係有嚴格限制提供攻略既進度時限
而且, 一般日本出版社係提供版權比中文版既時候亦限制唔可以太多本土內容.
以日本遊戲雜誌既定位, 面對一班要抵食夾大件既CHEAP精港人, 真係得Q閒理你有無深度咩.
求其快快趣提供速成攻略, 等佢型CHEAP精可以拿拿除DOWNLOAD下隻GAME打好過啦.
[ 本帖最後由 side3net 於 12-11-2009 10:37 PM 編輯 ]
原帖由 side3net 於 12-11-2009 10:32 PM 發表 images/common/back.gif
你都識講呢個係DOWNLOAD年代, 就可想而知香港係幾咁可憐
香港一本所謂GAME書, 我先唔講質素.
單以GAME ZONE為例, 我睇翜地個"讀者信箱" (我先唔理究竟佢地D信係唔係老作既)
居然仲可以搵到班契弟發表意見, 認 ...
我係一名唔買GAME書的人,但我玩遊戲會買正版~
我唔買GAME書係因為我唔需求攻略,我打爆機好耐佢攻略3份1都無,
好似當年MHP2G,我全清晒D任佢仲講緊7星任點打,而且D資料又錯,所謂的攻略講左=無講,鬼唔知人係由阿媽生的
講D咩:小心D就唔會死,隻怪好強要留意
未睇完已經掉落垃圾筒~~:ar:
原帖由 K動戰士渣古 於 12-11-2009 11:37 PM 發表 http://www.toysdaily.com/discuz/images/common/back.gif
我係一名唔買GAME書的人,但我玩遊戲會買正版~
我唔買GAME書係因為我唔需求攻略,我打爆機好耐佢攻略3份1都無,
好似當年MHP2G,我全清晒D任佢仲講緊7星任點打,而且D資料又錯,所謂的攻略講左=無講,鬼唔知人係由阿媽 ...
所以本人好早就已經係買日版既攻略本, 當然都係RPG為主, 因為只有RPG既DATA部份先有咁既需要
我對GAME書既要求真係唔太需要攻略, 講又講得慢過人, 資料又唔詳盡...
不過就係因為你囉..哈哈, 當你呢類真正既正版玩家都唔去買既時候.................唉..
(PS, 本人好你少少既, 久唔久無聊都有買本睇下既..不過都唔好得你幾多..哈哈)
原帖由 side3net 於 12-11-2009 10:32 PM 發表 http://www.toysdaily.com/discuz/images/common/back.gif
你都識講呢個係DOWNLOAD年代, 就可想而知香港係幾咁可憐
香港一本所謂GAME書, 我先唔講質素.
單以GAME ZONE為例, 我睇翜地個"讀者信箱" (我先唔理究竟佢地D信係唔係老作既)
居然仲可以搵到班契弟發表意見, 認 ... 我D評論，點敢同佢地俾，佢地有血有汗，只少有圖文並X，亦有數據。
我通常係貪攻略至買game書，仲要買兩本同的，因為每本都有些唔同，
對上買weekly 同zone，因為要街霸四攻略，不過我的PS3game 只有街霸四同世嘉精選，同埋放在朋友家裏，因為我仲未買PS3的(等跌到2000，或.......)，可想而知你知道我是甚麼玩家，就係睇game書多過打機的人...
之前都有買講頭文字D的game書，不過玩落發覺用處不多。
至於NDS孖寶賽車、Ultimate Super Stars就不錯。
間中我亦會因為一些文章而買game 書，最近就係game weekly的賽車遊戲的回顧。以前會為一些懷舊專欄而買，例如任記二十年回顧，之前都有買手提機回顧，不過近來開始覺得重覆了。
電玩太X的文章幾有世界同市場視野，game zone就夠膽色，佢好似係一本話PS3未出時就唔得的書。
以前睇game next，跟住game watch，之後game zone，若要攻略就要game weekly。
就係好少睇game station，聽講佢的winning 不錯，game wave的特點就唔清楚。
不過佢地本本都話自己第一.......但係都係唔同方面的第一.....:70:
見咁多位大大講game書，我又講下先~~:76:
以前買game書，都係為攻略既，或者以前冇電腦喇，自已真係會打到攻略完左個度，等到下一期先會再玩。
近年有左電腦，有時卡關呀，搵隱藏要素<---呢樣我承認，gta4入面既白鴿係youtube睇！:43: ；都係用電腦睇，一黎快，二黎有片總好過齋字同圖咁死，人地打埋俾你睇喎！
不過上面大大都岩既，有時攻略出既野都有錯，同埋真係我打爆左game書都未做好本攻略，所以講講下，我都唔知個個禮拜買game書做咩.....可能俾機會我睇下''書''喇！:66:
至於所謂既官方攻略，我諗都係fans向架姐，小弟係齊devil may cry既攻略，真係純粹為儲，貪佢有d設定集呀，介紹等等，實質有冇用....通常我都打爆左先睇~:66: <---同埋有時官方好耐先出攻略，好似以前既mgs2就係喇，非官方(唔敢講翻唔翻版)既出左成半年有多，konami先正式出.....:47:
原帖由 mushroom 於 13-11-2009 12:48 AM 發表 http://www.toysdaily.com/discuz/images/common/back.gif
我D評論，點敢同佢地俾，佢地有血有汗，只少有圖文並X，亦有數據。
我通常係貪攻略至買game書，仲要買兩本同的，因為每本都有些唔同，
對上買weekly 同zone，因為要街霸四攻略，不過我的PS3game 只有街霸四同世嘉 ...
唔駛因為有人講左你兩句就窒晒播.
寫GAME書果班佢地既文章有血有汗就肯定架啦.
攪本GAME雜誌都要通頂既已經可想而知啦.
至於D數據, 圖文, 米又係係堆日本GAME書上邊剪剪貼貼,
數據來源係出自邊幾本雜誌, 邊幾個網站我都知
你真係要寫其實都唔難, 不妨可以試下既.
電玩太郎文章梗係好架, 玩左幾十年, 幾廿歲人, 擺左唔少青春落去.
一早轉左第行可能已經發左達啦, 就算衰衰地人工一定好過佢而家囉
你話PS3未出時就唔得係GZ講先? 佢米都係拾人牙慧姐
你講果堆懷舊專欄, 任天堂20週年其實當時日本出左唔少書籍係講呢樣野.
我手頭上都有當時一大堆極之珍貴冒書籍, 例如:
三才出版既--FAMI COMPLETE
任天堂FC遊戲及週邊目錄, 將所有FC遊戲包括NES及其週邊完全收錄及簡介, 可視為係一本收集FC遊戲既目錄.
太田出版既--Family computer 1983-1994
另一本任天堂遊戲目錄, 日英對照, 包含各訪問及業界大事回顧
單係呢兩本書, 其實已經足夠你寫幾十篇野, 任天堂廿週年既物品我都收埋唔少,
例如果部非賣品既nintendo club紅白機版本GBA
一set三盒總共30隻紅白機遊戲既GBA版(非賣品係果三個大盒)等等.
紅白機廿週年, 香港可能無咩人理, 但係呢件事係日本算係紅爆燈, 要搵資料一D都唔難.
你講既手提機回顧我都睇過, 內容好普通下,
都係一D你係網上隨時搵到既資料, 個人黎講真係唔覺得究竟有幾好
當然, 搵電玩太X寫始終有好處, 就係佢有返咁上下年紀, 一定係接觸過既.
總好過比班完全無掂過上網睇完就學人出回憶錄文章既後生仔, (GZ就好多呢類人)
SF4搵日本攻略啦, 人地出果幾本野成本字典咁厚,
有晒判定, 時間同各連招既操作同分析, 每個角色都有研究,
你一次過睇日本既好過買香港果D到喉唔到肺架啦.
[ 本帖最後由 side3net 於 13-11-2009 12:38 PM 編輯 ]