CCToys Cybaster Possession Ver. 小報告

Hawk

Hawk

哩隻嘢攪咗我成晚，真係又愛又恨。

先講優點： 外型冇得輸，騎士感濃厚，夠重夠墮手，背翼及膊頭連動部件表現唔錯，發光部件多而清晰，用磁石組裝亦相對容易，另外地台亦配有2段發光模式選擇。

再講缺點： 顏色偏深灰，和劇中不太同，背部兩翼大而重，兩邊膊頭位比較鬆，但膝頭位就［超超超實］，直接影響遊玩體驗，就係因為太實令到我連雀模式都放棄變，另外小腿下部連動件亦非常實。 玩具由於背翼太重太大舊，要企得穩最好用番地台，但地台支架連接機體既部件卻非常兒戲，要小心對位平衡。

我再講下把玩心得： 開盒後先了解下個素體，幫佢鬆下骨，研究下啲關節先，特別係膝頭，睇下係咪又係超實。 開始裝甲時，心口前後4條長條件最後至裝，因為經常會阻到你裝其他甲，另外建議先將心口下面既磁石件拎開，裝哂腰甲後至裝番。 jer甲既ball joint又係超實，我要用刀片刮幾下至裝到，兩邊大腰甲其實係分得開的，至於後面兩條長甲駁唔駁雀頭隨意，因為都易甩番開。
變精靈憑依時，膊頭連動位，要係中間部件慢慢拉出嚟都實實地，而小腿後則裝藍色透明果度，下面有個連動位但又係好實，慢慢拉吧。

作為第1隻機戰魔裝機神合金，大隻有着燈有變形，外型亦討好，價錢亦唔算貴，雖然膝關節過實影響把玩，同埋偏深色，但整體仍然算中上作品。 期待廠方下隻好物～

hinaoi

Hawk 發表於 29-10-2023 01:29 AM
哩隻嘢攪咗我成晚，真係又愛又恨。

先講優點： 外型冇得輸，騎士感濃厚，夠重夠墮手，背翼及膊頭連動部件 ...

講起cybaster隻色，記得以前有人講過本身設定唔係天青色嘅，只係當年機能表現唔到原本想要嘅灰銀色，所以喺畫面上先變咗天青色，不過ccs呢隻灰銀色確實係深咗少少，實物都還好d，鏡頭下好易變到好沉咁

go-go321

本體太重的話, 都無法唔增加下盤關節強度

熱狗OO

你影得隻嘢好靚喎！我看過實物, 感覺你影到咁好出奇！

wwwkcc

如將佢同近年啲MB擺埋一齊就知咩叫設計，份量同誠意!比起B記嘅hea，千記嘅爛，呢隻根本冇缺點

fallout8

師兄你次次影d相都好高汁！

Vince

其實我覺得佢既 燈效 設計係有 d 走火入魔。冇錯 全身 有發光位係 靚 既，但每一粒燈要一粒電，每玩一次要每一粒燈按一次開關，玩完又要每一粒燈按一次開關。
最大問題，用餅電，咁本就唔預你長開做 display …
所以 d 個所謂 gimmick 只係 聊勝於無 …


But，d 隻 cybaster 我同意係 正 既。只係佢太大盒，15/16 唔知買唔買好。

fallout8

wwwkcc 發表於 29-10-2023 10:25 AM
如將佢同近年啲MB擺埋一齊就知咩叫設計，份量同誠意!比起B記嘅hea，千記嘅爛，呢隻根本冇缺點 ...

笨大都唔係次次揸流灘既，同期出既雪霸都好正。

馬仔

缺點係：

1.隻色太深；
2. 前JJ甲超難裝；
3. 後腳指太鬆，令到易向後跌，佢如果整齒輪關節可以解決呢個問題；
4. 成隻野太重，把玩困難。

總體都係正野，買得過，好過入隻問題多MB.

Hawk

go-go321 發表於 29-10-2023 10:12 AM
本體太重的話, 都無法唔增加下盤關節強度

佢係2個背翼太大舊又重，剩係膝頭硬根本冇用，一樣好易反轉，哩啲機設係要靠1個好地台去應對，偏偏佢個地台支架好屎，冇得調較亦唔實淨……

Hawk

Vince 發表於 29-10-2023 11:03 AM
其實我覺得佢既 燈效 設計係有 d 走火入魔。冇錯 全身 有發光位係 靚 既，但每一粒燈要一粒電，每玩一次要 ...

版主咁睇啦，逐粒開關你可以鐘意開邊粒咪開邊粒囉，如果1次着哂走電線都有問題，佢而家啲件全部分開，一嚟易啲做二嚟壞咗拎去換都易啲。
如果你有玩機戰我梗係叫你買，經過咁多年先至出1隻魔裝喎？ 重要唔差，賣得好我希望佢繼續出其他機戰產品，古蘭修有望呀！

Hawk

fallout8 發表於 29-10-2023 11:26 AM
笨大都唔係次次揸流灘既，同期出既雪霸都好正。

我諗緊佢隻色如果好似雪霸咁都幾靚～

Hawk

馬仔 發表於 29-10-2023 12:21 PM
缺點係：

1.隻色太深；

其實佢係得膝頭超實，其他都普普，腳眼關節伸開腳趾後就可動變低，又冇做拉出關節增加貼地性，最失敗係冇一個好既支架放心玩……

leo_00

好有型,但係空間問題最後都係冇出手…唔知幾時輪到雷鳳~