|
之前都有些大大問過小弟怎樣去玩水貼, 其實玩水貼只要些耐性及根性就好容易去應付, 而不是想像中那麼難去貼的呢..其實一向來我相信都有多網上有好多教學都教大家點去貼. 而小弟之前也想寫個”傻瓜方法”點去玩,但每次貼到一半先記得要影相, 所以就冇做到..而今天, 剛剛買了張新安州水貼, 所以就順便透過小小的空間去分享下自己貼水貼的心得, 相信如果理解到點做. 大部份的水貼都是這樣去貼, 當然貼多了, 有左經驗, 不經不覺就覺得容易對付了..
今次水貼的model--MG 新安州一只..
![](http://i714.photobucket.com/albums/ww148/sesame0308/teach/P1020725.jpg)
玩水貼要的工具.由左至右.
-CUTTER..如果有細的CUTTER會更好(呢把其實有點大), 但有些人喜歡用鉗仔..但我就慣用CUTTER
- 剪刀
- 一個小碟內裝一張濕了的紙巾∼
![](http://i714.photobucket.com/albums/ww148/sesame0308/teach/P1020726.jpg)
開始時,當然要用剪刀將要貼的貼紙剪出來.
![](http://i714.photobucket.com/albums/ww148/sesame0308/teach/P1020727.jpg)
然後就放係張濕紙巾上面..以BANDAI的水貼, 基本上15~20秒就可以從張底紙度分離了..
![](http://i714.photobucket.com/albums/ww148/sesame0308/teach/P1020728.jpg)
跟住方便的話先係模型件上點小小水...因為當張水貼印上去時, 要較位的, 如果點了小小水. 會容易調好位置
![](http://i714.photobucket.com/albums/ww148/sesame0308/teach/P1020729.jpg)
跟住我就用CUTTER將件水貼從底紙水平面上"拖"出來..而這個步驟要好小心的..如果好似圖中咁細張當然沒問題, 如果是大張的. 會好容易拖出來時就會"痴"埋一舊..到時就要慢慢拉番直就難度高了....所以如果那些大張又或者長型的水貼, 提議可以將張水貼連底紙直接放在模型要貼的位置上然後就"拖"走張底紙..咁就OK了.
![](http://i714.photobucket.com/albums/ww148/sesame0308/teach/P1020730.jpg)
貼上後,就可以用CUTTER慢慢將張貼紙調到合適的位置, 因為點了水. 所以不會很快"痴"實, 如果在調整水貼的過程中, 發現因為點了太多水而今到張水貼難移到適當的位置, 可以用張乾的紙巾慢慢去多餘的水.但不要印乾.覺得適合後可以再移,但如果不幸印得太乾, 咁可以再係張水貼面上點番小小水. 咁又可以重新再移過張貼紙了..
![](http://i714.photobucket.com/albums/ww148/sesame0308/teach/P1020732.jpg)
當移好位後, 你會發覺可能有些水貼的透明邊出了界, 咁就要出埋最後工具了....
![](http://i714.photobucket.com/albums/ww148/sesame0308/teach/P1020733.jpg)
這支便是水貼的軟化劑. 當固定個貼紙後, 然後用紙巾印乾貼紙周圍的水, 之後便可用軟化劑薄薄的掃一層就OK了..當然如果碰到大件及彎位多的部件時就別作它論..如之前MACROSS FRONTIER的FAST PACK就要用多點軟化及其他更多技巧..但那部份例子我想要到六月等25S出重裝時先再有機會示範給大家睇~~
![](http://i714.photobucket.com/albums/ww148/sesame0308/teach/P1020734.jpg)
![](http://i714.photobucket.com/albums/ww148/sesame0308/teach/P1020735.jpg)
當掃左軟化劑時, 你會見到張貼紙會有少少起摺. 但不怕的. 因為乾了後會平滑的, 如果唔平, 可以再掃多一層..當然一上軟化劑後張水貼會好快成張"冧"哂, 到時想調位置就一定失敗, 張水貼更會報銷添, 所以要掃軟化劑時, 一定要確定張水貼的位置是正確, 如不幸掃軟化劑途中張水貼移位了, 就要立即移番好水貼, 計過數你有20秒時間可以救番張水貼移番正確位置的.
![](http://i714.photobucket.com/albums/ww148/sesame0308/teach/P1020737.jpg)
當完成後, 過1個小時度應該就會"痴實了"(但我通常貼好後就不動, 由得佢擺過夜..)..完成後, 再噴多層消光/光澤油..就大工告成啦..
![](http://i714.photobucket.com/albums/ww148/sesame0308/teach/P1020738.jpg)
後記: 有云"條條大路通羅馬" 其實貼水貼有好多方法的, 最主要是工多自然就藝熟..希望少少的分享能幫到各位大大去美化自己心愛的模型~~ |
|