|
|
|
八十年代可算係一個卡通既黃金時期, 星期六､日朝早, 下午, 星期一至五放學時間… 無論係無記或亞記, 總之開著部電視都總有卡通片播住~ 向云云選擇之中, 通常都會偏好睇一d有機械人既卡通(男仔嘛!): 變形, 合體, 擊退敵人, 維護地球和平… 而機甲創世紀亦都係我童年時期會追睇之一既卡通(冇記錯應該係亞記播的), 其實內容都已經忘記得九九十十, 只記得主角係兩男一女(耶魯係之後先出場), 每人駕駛住一架可以變形成為裝甲既電單車, 另外仲有一架同超時空要塞一樣既三變戰機(亦都曾經擁有過藍機)。
故事開初既三個主角之中我係比較喜歡ley的, 但自從yellow既出場之後我就改變左。不過令到我改變既唔係因為個角色(實真我一d都唔覺得yellow有型, 佢既一頭紫色長髮加額鏈令我覺得佢只係一個乸形), 而係佢果部專用裝甲/電單車, 即係手腕上一對可以伸出劍既盾牌狀既裝甲!!! 當時總覺得打近身戰/肉搏戰既角色係特別留意的, 亦令到耶魯向我心目中留下左特別深刻既印象……
轉眼一跳就到08年, 昔日好多既卡通都向呢幾年間重新推出玩具產品, 機甲創世紀都係其中之一。已經推出左電單車既公司分別有cm’s同megahouse, 遲d仲有beagle既1/10(如果計埋山貓仲有新世界合金)。之前一直對ley同stick忍手, 一來我要買既一定係yellow, 二來都想先聽聽玩家對兩件產品既評語而決定將來會選購邊一間廠既出品… 其實未擁有時本身係會比較偏好cm’s出既yellow, 因為話晒都叫做有”合金”成份同埋完全變形; 但係大部份玩家又稱讚megahouse既質素同造型比cm’s好上好多, 攪到心大心細… 最後決定既然要二擇其一, 倒不如同時擁有!
首先入既係megahouse出品, 人物面相靚, 夠detail, qc好… 唯一既小遺憾就係變形過程真係玩到有少少煩, 唔係完全變形､冇合金成分完全唔係問題, 但小弟最怕既就係玩玩具時件野甩皮甩骨! 當你變緊左邊, 右手邊d件會鬆落黎; 變完左邊可以攪右邊時左手邊又有d年會甩出黎(我覺得連住車轆個支架最嚴重, 真係好鬆(亦或者只係我個隻特別嚴重)但整體上真係冇乜野好挑剔!
到cm’s既yellow, 基本上人同車既size係比megahouse細左成個碼, 顏色亦都唔夠megahouse既靚, 合金成份亦都唔多。不過之前都已經有心理準備係咁, 因為主要想玩既係cm’s既完全變形。變形系統確係比megahouse的流暢一點, 但變形途中亦都會有甩件既情況出現, 只係冇咁嚴重! 如果單論外型就一定係megahouse既討好, print上去既details位就比較多一點點~ 不過有一樣值得欣慰既係頭盔下既耶魯係有樣的! 而非係官圖/外盒上既”無顏”look, 呢樣總算係幫cm’s爭取返一d分數。
兩隻產品基本上都有各有長短, 但整體比較都係megahouse勝一籌~ 當然, 如果貪心d諗, 可以將megahouse既質素加上cm’s既變形系統就十全十美啦!!! 另外亦都可以期待下beagle出品既又可以俾到d咩質素出黎啦!
外盒比較
megahouse的外盒
cm's的外盒
內容比較
megahouse的配件, 有一把yellow用的槍
cm's的配件, 亦都有一把槍, 不過係俾stick用的, 另外亦附設埋stick同ley既頭, 不過面相就不敢恭維...
素體比較
megahouse的素體, 關節用筍位設計接合, 比較好活動
cm's的素體, 關節比較實而且幼細, 會有怕扭斷既感覺
正面, megahouse比cm's高成個頭
頭盔面相, 唯一好彩既係cm's唔似官圖咁樣: 白面...
側面
背面, 好明顯cm's係有好多"合金"成份...... 螺絲
面相
電單車比較
左邊megahouse右邊cm's, 好明顯megahouse既係比較流線形, 而cm's既就多左三個武器箱
[ 本帖最後由 jackstraw鼻屎佬 於 18-10-2008 11:53 AM 編輯 ] |
|
發表於 17-10-2008 10:47:09
樓主
發表於 17-10-2008 12:00:00
發表於 17-10-2008 13:38:33
