|
|
發表於 9-9-2008 11:51:37
|
顯示全部樓層
|
香城係好特別既地方，我地冇民主，但係有自由。因此，好多人都冇被嚴重壓迫既經驗，既有自由，何須攪咁多野?
香城人,特別係老一輩 同 冇經歷過六四既新一代, 係唔知道今日既自由, 係民主俾我地既。
我認同議會內應有不同立場、意見、聲音的人互相制衡, 但係今天既選舉制度的不公平,如比例代表制及功能界別 , 都使親中, 親建制既人有好大既優勢。 一個咁唔公平既遊戲, 一個本身已經咁有優勢既組織.......小弟真係諗唔到支持佢既理由.......
民X聯 標榜 佢地「做到野」, 唔會「攪攪震」, 但係 佢地所謂成功爭取到既政績, 如果其他黨派都反對既話, 呢d野根本就通過唔到。
點解呢d爭取到既野就係佢地既獨有政績?
有人諗, 佢地係建制內, 關係好, 做到野, 但係佢地關係好既首要條件就係, 佢係站係政府立場(特別係政治立場為先)出發先有咁既關係。
如果佢下下都係支持民意, 何來有好既關係? 相信不會只是他們斯文唔鬧人掛.......一些跟政治or政策 or 利益立場冇衝突既 民X聯都會支持, 如減油稅。
但係一d政府好唔想做既野, 就算係民X聯點支持, 都係做唔到, 加生果金已經係最好既例子。所有黨派都支持,但係政府都係唔通過。
可見, 所謂有良好關係 而做到野, 其實都係好被動, 亦唔見民X聯有咩牙力同政府抗衡 or 監察。我估佢最大既籌碼就係, 如果佢地衰, 政府就會冇左議會入面既勢力, 所以政府一定唔會令民X聯太難睇。
有樓上既大大指 希望係建制入面做野, 唔係唔得, 亦希望有咁好既人, 因為呢樣係一樣好難既事。
普選唔係仙丹, 但係一個比而家公平既制度, 總比指望有能之士上位, 是比較長遠既做法。當在位既人需要向每一個選民負責, 而唔係同一班有權勢既人負責。相信社會 會比今天的很不同。
也許如台寶島 會經濟痛苦的學習期, 但總有一天會成長的。當日數十萬人上街也不能拉倒 貪污扁, 能拉倒他的, 就是選舉(雖然佢連任, 但係人民再不相信槍擊, 再不相信他的黨了)。
今天香城 的泛民 很不濟,但願有天會成長。 |
|
樓主: 上下盤
