|
31/12/2007, 小弟受不住同事的推波助瀾, 買左一盒普通版命運高達, 因為呢幾日都要陪老婆, 所以盒野而家仲放o係公司無掂過, 而且都唔知點同老婆講好, 我怕俾人鬧嘛!:38:
2/1/2008, 同老婆行東門, 去行下動漫城啦! 見到都有好幾間買高達模型, 有堅、有流, 堅野貴香港$10-$20啦, 流既就睇咩款喇!最貴係假PG嫣紅突擊...三舊找兩草啦。
我都係睇下就算, 但係老婆話...幾十蚊, 買個玩下囉! 我就買左個1:100 曉, 即晚砌左九成, 好彩都成到型, 有少少係估唔到既。不過就一定要用多一陪時間&精神+氣力先可以完成。:70:
最最最估唔到係........我老婆搶住砌, 有一大半都係佢完成左。
我問佢, 我仲有一盒堅野, 俾你玩埋佢好唔好? 佢竟然話:好呀! 俾我玩啦!:38:
(點解佢冇鬧我買模型?因為我呃佢話係朋友送既!)
唔好意思, 我唔識貼圖上黎, 等我研究左再放照片上黎分享下!
**流野無好, 我唔記得分享一件事, 就係因為呢盒流野, 除左消耗左我同老婆兩倍精神、時間、氣力之外, 仲因為要cut返所有水口位, 發生流血事件, 我唸...今次買件流野返黎, 唯一得著既, 係證明我老婆唔介意同我一齊玩模型而已,。下次放假我地一齊砌真貨命運高達, 我唸佢都會贊成我以後買要堅野返黎砌!**
[ 本帖最後由 jacky426 於 3-1-2008 01:42 PM 編輯 ] |
|