Moshow Toys 戰國魔神豪將軍

Hawk

估唔到訂唔夠3個月就出貨，趁過年前即刻開箱。
小機械人係有一定既可動，但唔好太大期待，玩落唔係好實淨咁。 另外由於小腿係拉出式，但又鎖得唔實，而我果隻右腳又勁鬆，好易就縮番入去，所以玩得唔爽。
主體豪將軍就又大又重，身形都偏大隻，幾有霸氣。 上色ok，關節亦夠實淨，可動性亦比想像中好，特別係下半身，連前後裙甲都有唔錯既可動，而腳眼四邊亦有可動揭甲方便擺位，唔錯。
燈效就争啲咁，特別係背部魔神閃光完全唔夠光，同前面心口光争好遠。
武器係碌炮比較特別，拉炮尾可以退彈飛出嚟，同槍頭可着燈，叫做有啲嘢玩咁。
玩具整體嚟講叫四平八穩，失望位唔多既，鍾意佢魔改既外觀都可以一玩既。

fallout8

新春第一炮開箱，恭喜師兄

玩具Joe

樓主D相巧正喎！攪到我有D心郁郁添！

wwwkcc

我7仔帝皇同孤仔魔神都未有...