2025年5月 聖衣神話EX 天馬座星矢 (神聖衣)

熱狗OO

JohnWick 發表於 30-10-2024 02:53 PM
一招猛落地勢作為結局都話合理？講合理同戰鬥嘅理由，就唔好睇星矢啦，試下john wick4 最後奇哥放低槍唔去 ...

車田正美想表達的是: 人終歸是要受社會現實妥協, 有凌角都會被磨至圓滑, 這便是他老年得出的真小宇宙理論

你都係廢老黎架喇, 你變左圓形未呀?

chlycab

JohnWick 發表於 30-10-2024 02:53 PM
一招猛落地勢作為結局都話合理？講合理同戰鬥嘅理由，就唔好睇星矢啦，試下john wick4 最後奇哥放低槍唔去 ...

當然合理

你睇佢監修套真人版電影可以搞成咁
諗呢個咁既爛鬼結局，非常合理

THOUTHER

chlycab 發表於 30-10-2024 04:35 PM
當然合理

你睇佢監修套真人版電影可以搞成咁

真人版電影再加今次星矢「土下座」事件，其實會唔會係車田覺得自己搵夠啦，唔想再有人用「聖鬥士星矢」呢個IP搵錢，故意「作死」親手摧毀呢套經典？
果D後輩好似久織ちまき同埋手代木，想借「聖鬥士星矢」呢個IP寫續作搵錢睇怕都好難啦！

THOUTHER

熱狗OO 發表於 30-10-2024 04:16 PM
車田正美想表達的是: 人終歸是要受社會現實妥協, 有凌角都會被磨至圓滑, 這便是他老年得出的真小宇宙理論 ...

同意，特別係最後呢一幕︰
人馬座艾奧羅斯的熱血遺言，曾經令五小強淚流滿面，今時今日已經無人理無人睇得明，星矢直頭望都唔望就咁行過，似乎就係反映番老年車田現時的心境︰無論後生果陣幾咁有夢想、熱血，到老都不過係一場夢，算吧啦！
真係一盆冷水倒頭淋，一野淋熄哂一眾星矢迷熱血的心。

ray1849

唔睇就無, 星矢的結局在我來講冥皇篇已經完結, 就好似高達咁到 0093 就玩完.

所以銀河英雄傳說係我覺得收尾得最好一個, 雖然好多重要角色被田中殺晒.

chlycab

THOUTHER 發表於 30-10-2024 07:06 PM
真人版電影再加今次星矢「土下座」事件，其實會唔會係車田覺得自己搵夠啦，唔想再有人用「聖鬥士星矢」呢 ...

都可以咁講，
近既有呪術，好似話轉左責任編輯就亂咁黎，寫到依家咁

有時好神既漫畫家唔多
反而個責任編輯頂住成套漫畫

THOUTHER

ray1849 發表於 30-10-2024 07:56 PM
唔睇就無, 星矢的結局在我來講冥皇篇已經完結, 就好似高達咁到 0093 就玩完.

所以銀河英雄傳說係我覺得收 ...

正如「北斗之拳」，在小弟心中去到雷奧歸天果一幕就完咗一樣囉，後面果D其實係多餘。
咁田中芳樹其實好忍得手，「銀河英雄傳說」完咗就真係由佢完咗，唔會因為套野賣得而走去狗尾續貂，所以田中芳樹係「星雲獎」得主而車田唔係囉！

chachacha79

先離題講下土下座之亂:
首先由老車因為年輕時爭女輸俾個巨蟹仔, 就由當年正傳到ND都要寫衰寫爛巨蟹座呢一點，就可以見到佢係有幾記仇心胸幾咁狹窄。
再者當年因為作品人氣下滑，所以老車被迫喺冥王篇就匆匆完結連載一事，相信曾經令老車同其他持份者(出版社，東映,玩具生產商等)鬧得唔太愉快種下前因。(記得當年連載係星矢向冥王揮出一拳，之後就咁完咗，後尾單行本先修改咗一個完整D嘅結局。)
之後本來相安無事，點知隨住聖衣神話大賣同冥王篇動畫反應唔錯，令東映又想借老車名氣再擴大故事篇幅而想合作出天界篇，但當年老車原本係有哂成個故事後續藍圖大綱，被迫完結連載已經一肚火，廿幾年後同東映傾合作但發現大家個天界篇創作理念完全傾唔成共識，所以東映就飛起老車自行創作天界篇OVA(看官自行判斷作品是否成功)，但同時亦令老車決心自行另起爐灶喺集英社以外嘅出版社合作出ND冥王神話抗衡到底，當然作為作品生父嘅老車係十分不滿親生仔俾東映同其他持份者不停咁當做搖錢樹亂咁舞(至少佢眼中係咁睇)，所以把心一橫故事結局整個大反轉奧義猛虎落地土下座去毀滅呢個親生仔，就算令千萬讀者失望都要同心中仇人玉石俱焚。

以上就係我理解嘅事情始末，而作為半DIEHARD FANS我係選擇抹走ND冥王神話呢一段，因為作者同作品都一樣咁不知所謂，就算係原作者都唔駛俾面。

返正題，見到個靚仔面相，唔會穿崩嘅肩膊關節同埋金屬手腳關節，已經好有興趣買

ray1849

chachacha79 發表於 30-10-2024 08:39 PM
先離題講下土下座之亂:
首先由老車因為年輕時爭女輸俾個巨蟹仔, 就由當年正傳到ND都要寫衰寫爛巨蟹座呢一 ...

兄台講解好詳細, 我都聽過一啲.

ND 只睇咗開頭少部份, 然後道聽途說先知完咗

Omega 我係無視.

hong1971

ray1849 發表於 30-10-2024 07:56 PM
唔睇就無, 星矢的結局在我來講冥皇篇已經完結, 就好似高達咁到 0093 就玩完.

所以銀河英雄傳說係我覺得收 ...

師兄 如用高達講就唔啱用呢道 每套高達都唔同製作組
漫畫比較就合適d 通常都係作者有最大話事權
如上幾位師兄講 好幾套故事都有個高潮位 後續可能做唔返之前個勢都唔奇 呢點連作者都未能估計到 但最起碼個劇情無反駁之前d論點 但今次星矢令人好反感之餘 劇中最後真係無情無意

thx

咩事，我之前都講過吹一個興趣，天馬
行空大家提出啲切入點持續吹就最好，係咪所有
嘢都要逐個字講明㗎？我講一個試下解釋眼見
劇情嘅說法咋喎，幾乎所有漫畫、電影
討論，都有人做呢樣嘢，debug去理順劇情㗎啦，
咁先有得吹吖嘛

咁以前幽遊突然完，足球小將介紹過南韓、荷蘭
勁角色，但最後趕住完，作個理由話佢哋傷，出
唔到線/場對日本，草草帶過，咁係討論接唔接受
個解釋啫！入樽舖晒路，森重寬係櫻木宿敵，但
臨時要完，冇篇幅去寫，咁話湘北第三場出局留
個幻想俾讀者囉！
我冇大家咁熟車田，我以為佢有心冇力，想畫打
太陽神要好多篇幅，而家唯有作個理由完，接受
呢個理由都唔得呀？我唔知踩中邊個，
見啲人起晒爪咁，唔跟住X就俾人X
#30個JohnWick先勁，唔認同人叫人唔好睇，
我有話過想睇戰鬥理由？我夠想睇佢打啦！

Lau

我好想講...

雅典娜究竟錯左咩呢？？

回到過去打冥王，攪亂時間？？

如果真係咁...

不如回帶睇下究竟雅典娜點解要咁樣做...

係因為冥王死唔斷氣，係要置星矢於死地，雅典娜為救愛將，至回到過去姐...

如果冥王唔黎打雅典娜，根本星矢就唔使要打佢！！

其實海皇、冥王都是侵略者，自己有海界和冥界都唔自足，硬係要霸佔大地...

雅典娜由始至終都是被動、是自衛的！！

如果真係要懲罰，點解唔懲罰這些侵略者呢？？

如果佢地唔係黎打雅典娜，星矢會打佢地咩？？

聖戰由神話時代打到現代，打左幾千幾百萬年，宙斯、太陽神、月神都袖手旁觀...

如果佢地有針對問題根源，懲罰海皇、冥王，就可平息戰渦，咁海皇就唔使被封印，冥王就唔使死啦！！

冥王唔死，就唔會化左怨念，插在星矢心口...

咁雅典娜就唔使回到過去去救星矢啦！！

海皇、冥王由神話時代錯到依家又唔見罰下，雅典娜一錯就罰到七彩...

就算雅典娜真係有錯，都唔使貶為凡人，全滅聖鬥士同聖域卦？？

另外個結局，我都睇到好不爽！！

星矢作為熱血動漫畫，但結局星矢竟然要下跪？！

唔係話要打到七彩，乜人都打，係唔係都打至收貨...

但至少你詳述事件經過，如上面所講，自己只係自衛！！

如唔打死冥王，就到佢打死雅典娜等！！

星矢都係護主心切至傷到冥王...

係情有可原！！

所以在天界編，話星矢係天界大罪人，我都唔服氣！！

THOUTHER

chachacha79 發表於 30-10-2024 08:39 PM
先離題講下土下座之亂:
首先由老車因為年輕時爭女輸俾個巨蟹仔, 就由當年正傳到ND都要寫衰寫爛巨蟹座呢一 ...

好似話天界篇其實係有三部曲，作為「聖鬥士星矢」正統後續作品，不過因為車田同埋東映傾唔掂數，東映就剩係出咗序章，兩年幾之後車田就聯同手代木搞咗個「冥王神話」連載企劃，車田自己畫ND，將正統續作話語櫂搶番過來，間接令東映的天界篇序章變成黑歷史。
再去到真人版電影，製作組想用金屬造盔甲材料，就係車田堅持用皮革，聲稱要創新變革，結果搞到東映蝕大本，聽聞呢個就係車田對當年東映「天界篇序章」的報復手段。

ari

還好我這個８０後早早看完漫畫，冥界篇就是完結，
後續所有動漫作品都直接無視或當是外傳，
不然若追看到這個結局，
我怕我會把家中儲了近３０年的整套漫畫給燒掉！
還要畫個在人馬宮留言托孤的地方下星矢雅典娜分道揚鑣，相見不相識的畫面！
當年的眼淚是假的吧！
就算結局算是解釋了當年天界篇劇場版的結尾，也無法接受！
看到算是一代經典的星矢就這樣給毀了，實在很郁悶，唉～

老實人

幾十年前既動畫漫畫，可以keep到咁耐係好勁，又唔可以比佢停，久唔久出下新野同改造型保持人氣，龍珠遲早有超西5形態，new gundam 無啦啦又再追加支長炮，應該會再有新編星矢等大家再落坑