|
|
|
(麻帆良市心跳巴士迷俱樂部會長 Monika 報導)
踏入 1970 年代初, 九巴為應付新市鎮, 例如荃灣嘅衛星城市發展而增加嘅巴士服務需求,
向英國購入新巴士, 原本九巴向英國 Leyland 車廠訂購 150 架 Albion EVK 41XL,
俗稱 「火箭」 嘅單層巴士, 但後來收到廠方通知, 唔可以喺合理時間內如數提供,
最後只能以 50 架完成交易, 至於餘下 100 架, 最後落入另一間車廠--
英國 Seddon 嘅 Pennine 4 型巴士。新車全英國規格,
不同之處只係安裝左車身兩側全推式車窗以適應香港氣候,
弧型車頭大銀幕, 流線型車尾以至車頭鬼面罩不但突顯 Pennine 4 型巴士嘅特色,
亦令人留下深刻嘅印象, 巴士搭載嘅 Perkins V8 510 引擎, 亦係九巴車隊中首次出現。
但係種種風光背後, 佢地亦隱藏左唔少大大小小嘅問題,
唔只令車長生厭, 亦令九巴非常頭痛, 首先, 車頭弧型大銀幕,
雖然美觀但係喺車長角度卻係華而不實, 因為冇得令空氣流通,
特別喺香港夏季炎熱潮濕嘅天氣環境, 加上引擎位於車頭嘅司機位左側,
更要忍受引擎發出嘅聲浪同熱浪, 令司機更加辛苦,
懸掛系統亦唔能夠承受高負載, 引擎馬力太大亦令司機抱怨,
車身脆弱亦為巴士帶來一連串麻煩, 更嚴重嘅問題,
係巴士嘅電路系統似乎唔適合香港環境, 經常短路燒車,
有部份甚至喺新車尚未投入服務之前已經出事,
令呢批巴士唔能夠如數 100 架投入服務,
亦令九巴喺短短三年內損失三十多架同款巴士。
奈何九巴當時面對車源短缺, 亦迫使九巴為餘下車輛作大手術,
以令佢地能夠繼續正常運作, 改動內容包括將車頭大銀幕改為可開車窗、
加強懸掛系統,、減少原有載客量、重新調較引擎馬力輸出等;
針對短路燒車問題, 九巴亦徹底檢查電路系統。
經過大改後, 原有嘅車身設計已經面目全非,
服務九巴年期亦唔長久, 最後服役嘅 Seddon Pennine 4 型巴士,
喺 1980 年宣告退役, 亦結束左呢款巴士喺九巴九巴短短十年嘅服務生涯。
今日新到嘅九巴 Seddon Pennine 4 型巴士, 正將佢地新落地時嘅風采重現大家眼前!
市長 Super Bus 話, 雖然佢從未見過甚至坐過呢款巴士,
第一次認識呢款巴士, 係佢喺中學時期, 喺某間圖書館借其中一期 <<車主>> 雜誌,
當中嘅「巴士迷」專欄介紹, 佢新落地時嘅樣子令 Super Bus 留下深刻嘅印象,
仲話當時九巴冇一款巴士可以好似 Seddon Pennine 4 咁好睇,
但係奈何美麗嘅外觀, 內裏卻麻煩多多, 令九巴出盡千方百計, 以令佢地可以繼續正常運作,
無奈全批巴士只有捱到短短十年就宣告引退, 相信當時九巴亦始料不及,
假如當初九巴向 Leyland 車廠訂㗕新車, 而 Leyland 又可以滿足九巴嘅訂車數目,
到時整個故事有可能會被改寫。話雖如此, Super Bus 亦補充:
「話哂佢地都曾經服務過市民十個年頭, 冇功都有勞啦!」
2009 年, P&T 推出過同款嘅樹脂膠車模型, 當時 Super Bus 亦有入一架支持,
因為佢真係好鍾意呢款巴士新落地時嘅樣子, 而且造工噝當時亦非常精美,
十五年後嘅今日, 另一間再次推出呢款巴士模型,
而且更以金屬模型登場, 雖然係非九巴官方出品, 而且同真車比較,
模型亦少左巴士新落地時車頭有嘅 Seddon 圓形廠徽, 感覺好似少左一啲嘢咁,
不過 Super Bus 話能夠期待到呢款巴士出金屬模型, 而且造工亦唔差,
都值得入一架收藏!
其中一個美中不足 -- Pennine 串錯成 Pennie
因為係非官方出品, 模型附有巳巴士公司水貼比玩家自行贴上
證書編號 072, 限量推出 150 架
正式落地!! 心跳巴士迷俱樂部, Sayori、Natsuki、Yuri 同 Monika,
帶您一齊感受九巴 Seddon Pennine 4 型巴士帶來嘅心跳感覺!!
大家仲記得佐敦道碼頭呢個地方嗎?
與 2009 年推出嘅同款樹脂膠車模型相會
來一個對比先~
真車相
and their latter life...
Thanks for reading~ |
|
發表於 10-10-2024 12:06:49