食玩 SMP 超級機械人大戰OG BANPReEOTH 班普雷奧斯 & R-GUN POWERED

bigbigfriend · 發表於 20-12-2023 19:36:31

可能某些師兄未做過工廠生產，其實影響一件產品定價高低，喺開發和物料成本上佔嘅比率不是很多的，如我上面所說，關鍵在於生產數，因為最大成本在於模具身上，一套鋼模郁下都要幾十萬甚至過百萬，一套模具可同時啤幾十件小零件，如大零件一套模只可同時啤一到兩件，如果產品有幾佰件零件，想想要多少模具？
簡化去講條數：假設一套模當你十萬，啤一套成本就要十萬，啤二套就五萬，之後啤十套就只需一萬，總之啤嘅數量越多成本越平，你可以講啤十萬套咪成本一蚊囉，但又好似我之前所講，市場食唔食到十萬套？

留意下有好多大型產品宣傳上，都會標榜用多少零件去組合，即是想話比消費者聴，這個產品成本有多貴。

強襲 · 發表於 21-12-2023 23:30:50

真係大獲,討論個價錢貴平都要幫的大公司諗到生產線上游問題,咁不如計起間廠幾時先可以回到皮/人工/陪訓/保險要付出幾多

洗鬼做過工廠,知個模具幾錢咩,一句講晒就係公司要回本,計個數就係出售>生產先有錢賺.

普通玩玩具既人睇個價貴唔貴好簡單姐,直接搵啲差唔價錢同類既產品可以做到啲咩出黎比較,最多未睇下大廠定細廠,角色多唔多產品,"愛"黎比個心中既價.

BD係大公司,佢定左PG>MG>RG>HG呢啲等級,一玩呢類模型就好直接用呢啲黎比較.食玩係咩等級?
唔好講呢隻SRX啦,講其他SMP 五星戰隊隻龜13200円有咩可以玩?打開個心口放隻嘢入去?我都中意五星戰隊,但係一見到呢個價,只會諗到個貴字.可以同恐龍戰隊條龍黎比架,都係同價但係人地可以入電行,咁係唔係條龍多啲嘢玩會覺得平左?我就唔會咁諗,一樣係咁貴.

bigbigfriend · 發表於 22-12-2023 00:22:22

其實我都唔想講的，係有些人唔明點解呢隻賣咁貴，點解相對PGU咁多件咁複雜可以賣咁平，我先理性地解釋，你可以唔聽唔睇唔信，繼續無知落去，對我是冇影響的。

當然你有權唔買，繼續對玩具商炒蝦拆蟹鬧佢呃錢，但每件事都是有原因的。

alien133 · 發表於 22-12-2023 09:38:22

bigbigfriend 發表於 22-12-2023 12:22 AM
其實我都唔想講的，係有些人唔明點解呢隻賣咁貴，點解相對PGU咁多件咁複雜可以賣咁平，我先理性地解釋，你 ...

算罷啦C兄，有啲玩家只會企自己立場睇價錢，唔會理廠商任何成本結構，你記住如果有心頭好死line唔再出，佢哋有份挾持市場就係啦

Bandai內各部門調動“拉腎”開新產品都要分翻commission，加埋開模費同宣傳，佢開一套冷門產品真係分分鐘畀“良心”出嚟餵狗，定價貴睇落係難以接受，但你以為幾十年經營嘅牌子廠真係唔驚貴價趕客？就係數據經驗顯示市場只有咁大，佢開唔到大數攤分成本啫

講到尾，件貨太貴就係因為冇人同自己一樣撐場，小圈子fans就要自己埋單，廠商肯開出嚟已經執到

馬仔 · 發表於 22-12-2023 13:43:18

強襲發表於 19-12-2023 08:26 PM
C兄講真定講笑呀?
Made in Japan平過Made in China我都係第一次聽,淨係地價同人工都差好很遠啦. ...

佢可能計埋運費，但點計都係China 平D.

強襲 · 發表於 22-12-2023 16:20:56

bigbigfriend 發表於 22-12-2023 12:22 AM
其實我都唔想講的，係有些人唔明點解呢隻賣咁貴，點解相對PGU咁多件咁複雜可以賣咁平，我先理性地解釋，你 ...

C兄,直接啲講啦!淨係你個句"可能某些師兄未做過工廠生產"已經攪笑到震啦!

你呢句嘢用響咩產品/事件上都得.只要一句"你冇試/做XX,就唔會明".咁講所有嘢都唔可以討論,因為冇人可以知到所有嘢.如果要討論,就查晒祖宗十八代先可以開始講?咁講一個貴/平,未要由公司,設計,生產,包裝,運輸,消售等等咁計?咁冇得計WO,生產商定呢個價就一定原因,唔可以話佢貴.用你個方式講,就算係千值練隻US$697既VOLTRON,都唔可以話佢貴,因為背後一定有個原因.

消費者覺得平貴真係好睇個人用咩去衡量,你可以用你個方法去衡量既,咁就唔可以再講個"貴"字,因為源頭一定有事發生.
"無知"既我唔需要去工廠做過/知到鋼模幾多錢,都可以用常識知道,生產商要計數,計下佢要賣咩價先可以回水/賺錢,佢定個咩價,對住咩人都有唔同既諗法.貴/平同買/唔買係兩回事,就算覺得貴都可以買,平都唔一定要買.