被遺忘嘅兵仔

clpcmt

六月有兩隻MB出同埋呢隻GFFMC，彌補左之前幾個月嘅空窗期，第一隻MB真三一有設計上嘅問題，加上其他廠出的更加好，所以冇掀起好大嘅迴響。至於另外一隻GN Arms，無論價錢、尺寸、設計、做工都係難得一見嘅有話題性，各大群組都俾佢洗版，唔係徵post就係不斷放閃，搞到呢一隻兵仔都冇乜人講，冇得炒就冇價值呀嘛，或者依啲係做兵嘅下場。

但係點都要開箱玩一玩，雖然玩完之後我都好想搵返隻GN Arms，冇計嗰一隻真係吸引力太大。呢隻拎上手感覺係沿用高達嗰隻骨架設計，感覺玩耐啲對腳都會變軟腳蟹，另外一個繼承左之前高達嘅設計就係大手掌，隻隻都好似砂煲咁大。個人覺得最特別嘅就係頭部監視器，用咗金屬漆令到佢感覺好閃好吸睛。裝備上面有兩支雷射槍同埋新設計嘅盾，仲有一啲炮彈彈夾印象之中動畫裏面史力加嗰部冇裝炮彈彈夾，反而普通卒仔好似有，應該係為咗之後出嘅卒仔預先加入，如果有錯，歡迎各位師兄指正。另外，亦都附送左高達俾人斬斷咗一半嘅盾同埋有透明配件有透明配件嘅渣古熱能斧，仲有為咗忠於原著而逼你買呢盒GM嘅德安渣古專用石頭，石頭上面有渣古專用嘅指坑，但係都唔係揸到好穩陣。但都叫做可以還原番動畫裡面某啲場景，算係交咗貨。好啦講住咁多先，細節位大家自己睇片啦，我要返去繼續玩隻GN Arms

熱狗OO

哇, 你都好懢喎, 有無買長牙獅零式?

clpcmt

熱狗OO 發表於 2-7-2023 11:45 PM
哇, 你都好懢喎, 有無買長牙獅零式?

我好專一架，淨玩高達嘅GFFMC, 超合金同metal build