Metal Build DYNAMES Gundam

clpcmt

隔咗兩個月冇嘢玩，終於等到呢一隻。好彩呢隻唔係翻炒或者改顏色，完全係一個「新設計」，即時完全彌補心靈嘅空虛。今次有兩個半型態可以組成。格硬加個背包上去嘅新設定，我當半個。大盾牌可以擺到三把手槍，小盾牌可以擺到一把手槍，再加兩個槍盒，總共可以擺到十把手槍，槍盒除咗可以放喺小腿之外，都可以放係機械臂背包上面，背包可以擺四個槍盒，所以可以攞到16把，但係每盒得四把手槍，同兩個槍盒，起碼要三盒再借兩把手槍同兩個槍盒先至可以完全擺滿，咁啱呢款又可以整到兩個半形態，即係要三盒，再加埋之前嘅黑色正義女神嘅手槍，搞掂
今次值得一讚嘅係幾多細節位，大盾牌有兩個關節俾你擺唔同造型，腹甲膝甲亦有可打開嘅機關，今次絕對係滿意之作，不過依家有個頭痛嘅地方，展示櫃已經變咗籠屋，有冇師兄可以幫手諗諗點樣擺得好啲，嚟緊隻GN Arms，已經真係冇位擺

熱狗OO

係好物, 惟出得太遲, 又唔知會否補完餘下兩個FRIENDS, 未有興趣入

我寧願佢無果對義肢平番多少, 不論EXIA或今作對義肢手真係堅核突, 俾我就一定唔裝

clpcmt

熱狗OO 發表於 6-6-2023 11:40 AM
係好物, 惟出得太遲, 又唔知會否補完餘下兩個FRIENDS, 未有興趣入

我寧願佢無果對義肢平番多少, 不論EXIA ...

認同呀！為加而加！原本好地地已經唔錯，加原又唔係靚咗，純粹為咗出多盒，完全問號

另外嗰兩隻我就唔抱太大希望，一隻要變形，令一隻要不斷加裝甲，價錢又可以直線上升

sniperxp

clpcmt 發表於 6-6-2023 08:05 PM
認同呀！為加而加！原本好地地已經唔錯，加原又唔係靚咗，純粹為咗出多盒，完全問號

另外嗰兩隻我就唔抱 ...

另外兩子唔特別期待, 但當然有好過冇
00系列MB都冇做魔改, 同一隻換左金屬骨的MG平塗成品差唔多
MB DYNAMES 最吸引到人的地方應該係件袍的可動性, 係之前所有DYNAMES 產品中未出現過
另外吸引的地方就係仲未公佈詳情的GN-Arms Type-D

MB DYNAMES 都唔係冇令人失望的地方, 就係條腰, 跟本冇為狙擊姿勢!做好準備(姐係同R3一樣)

如果另外兩子要出, 希望會同GN-Arms 的整合 (Type-K, Type-V ?)