Sky Studio Mazinkaiser

Hawk

Hawk

第1次買哩間公司既玩具，感覺良好，唔好睇佢咁大隻（約30cm) ，但比例做得幾好，關節鬆緊適中，膊頭有拉出式關節，大腿亦有前後拉關節，腳㬹亦可拉出增加高度及可動範圍。

我唔係金屬控，合金成份我冇特別去檢查，但有啲可脫甲係鐵嚟，集中係腳部，而脫甲主要用磁石吸附，都實正既，冇一路玩一路甩既問題。

玩具有燈飾裝置，係背部入電，眼部同胸甲板會着燈，效果都唔錯。 玩具本身亦附有少量特效件，增加把玩樂趣。

至於飛翼呢其實咁q大隻見到都驚，又多尖角，冇帶眼鏡玩要好小心，唔好哄咁埋。 翼本身有少量拉出效果既但冇乜特別，裝上本體後基本上影完1次相唔會再裝，形同廢物，唔該啲設計師係飛翼方面下啲功夫，大部份背翼我都覺得係垃圾，欠缺可玩成份亦大而冇當……
5 pro嚟緊亦會出帝王萬能俠，果隻大頭仔應該都唔會差得去邊，貴sky哩隻1k度，我自己就未必會再買喇因為冇位擺，除非到時物有非凡表現再算。 sky 哩隻我玩咗成大半日我覺得係物有所值既，有內構有燈有可動有特效件，又大隻比例又唔錯，值得一玩！ 上面手機劣圖供大家參考～

fallout8

係現時點見過實物，30cm高真係好有霸氣，不過佢d裂甲魔改唔係好岩我口味。

iceball

其實隻野唔差，同CCS比係兩種風格，SKY隻魔改得無咁犀利，CCS就睇落有霸氣D各有各靚

馬仔

我本身預定去買呢隻，睇過好多視頻，覺得呢隻下身可動一般，腰甲易甩，有個韓仔玩到成日跌甲，而且最近睇相有斷件劍柄，感覺好似麻麻，只有寄望5 Pro 個隻，但個隻又太大，有些難選擇。

Hawk

腰甲其實後面有ball joint, 一般先上移腰甲，再郁大臂就唔會甩。
下身可動其實都做到爆地動作，我就覺得夠玩架喇，或者等5  pro果隻出埋再算囉，分分鐘cctoys轉頭又公佈會出呢？

garykuga

Hawk 發表於 30-5-2023 01:26 PM
腰甲其實後面有ball joint, 一般先上移腰甲，再郁大臂就唔會甩。
下身可動其實都做到爆地動作，我就覺得夠 ...

自己已買CCS ZERO及 GREAT, 我覺得CCS應該要食住GREAT MAZINKAISER個勢係短時間出埋帝皇, 只需改小部分件便可, 三隻泊埋一齊真係震撼, 最好出埋GREAT EMPEROR, 四隻一齊冇得輸

WINGRAINWING

我都有買呢隻，性價比高，我欣賞外型，有少少魔改，又有機械人個種笨重感，

WINGRAINWING

反而5Pro 個隻太過人型化，失去咗機械味道，況且價格又貴咁多，有待出貨時評價。