ccstoys 鐵魄 系列新品 集中區

熱狗OO

馬仔 發表於 27-3-2025 04:05 PM
同合金魂比，高成一忽。

勉強岩比例, 即大約是1/100, 古鐵設定是約22米高, 頭頂高該和沙煞比應差不多的; ZZ係19米

炎龍騎士

Hawk 發表於 27-3-2025 04:38 PM
我就係咁啱行過見到鐵機巧隻古鐵正常價至會買，果時ccs又未公佈會出，其實又唔係咁差既，不過冇比較冇傷 ...

好聽就叫"修身版" 但古鐵無啦啦修身...

mpp025

其實我便是兩隻都有，但唔覺有乜問題，其實可以的話，為何要二選一，俾自己煩惱，開開心心隨心而為不是更好嗎，我買嘢從來有入冇出，買玩具從來也唔會覺得肉痛，又唔係大數目，其實睇自己點諗啫，不過土地問題才是問題，因為樓真係唔買得太多間，也明白每個人面對的問題不同，我自己另一個問題是工作繁忙，很多玩具只有開箱扭兩扭啲關節，望下齊唔齊件有冇問題，就放返入箱，有啲玩具甚至乎都冇開嚟玩過，只是一直收藏著，我反而偶爾會見到有人後悔變賣了自己心愛的物品，或遲了訂購或購買喜愛的物品而懊悔，其實怎麼會想到别人會因為買貴了或買多了而不愉，其實會否想多了呢！這個可能真的是心理質數的問題
最後，依個CCS古鐵仍然等緊派貨中，不過好大機會也是收藏品罷了

馬仔

剛剛睇倒上網有個苦主區，話隻古鐵呤唔到貨，要等海關放貨，到4月中。

睇到都幾搞笑，人地玩到爛哂個價跌埋佢都未派貨，真心笑左。

我以前都喺佢嗰度定貨，後來開XXX先響佢到定，今次行運。

Hawk

我咪係米青度訂中招囉，咁之前訂ccs佢都早派貨既，係今次話俾海關抽查所以會遲派，其實原本大家都明既，問題係佢個乜乜小編又回人話禮拜五，六可以派貨，到禮拜六後冇嘢派又再冇人回應，攪到人都炆囉……我係佢度訂咗好多嘢，但嚟緊都會轉第間，因為覺得佢越派越慢人一步，唯一可取係訂金少

ton_ton_ton

我今次第一次晌米青訂就中招, 本來仲以為佢CCSTOYS會快人一步, 如果真係四月中我去埋旅行, 又要攪到月尾先收到貨了。

Hawk

米青終於有回應，哩個禮拜應該派貨，同埋ccs出咗道歉聲明，地台有嘢印錯可換底座，好似係有日文字出錯

https://www.facebook.com/share/18oBrDw8j7/

wwwkcc

呢隻千七蚊好鬼吸引~個盒夠扁都算容易拎返屋企，同期B記隻Hi膠重戰機mk2居然都要千八!希望出糧後嚿鐵仲有貨啦~

Hawk

wwwkcc 發表於 31-3-2025 01:27 PM
呢隻千七蚊好鬼吸引~個盒夠扁都算容易拎返屋企，同期B記隻Hi膠重戰機mk2居然都要千八!希望出糧後嚿鐵仲有貨 ...

睇片個厚重感真係好正，同原設好似，暫時仲見一街正價貨，其實我覺得佢會出藍色夜戰版，當限定加番獅子王劍同一啲副武器，賺盡佢～

馬仔

第二個日文字少咗一瞥，其實都無留意到。

ToyKnife

馬仔 發表於 31-3-2025 02:09 PM
第二個日文字少咗一瞥，其實都無留意到。

ル變レ，差好遠！

wwwkcc

如果因少咗呢一瞥而再賣平D我ok呀

kelvinlam

剛拆出黎玩，真係好正不過好鬼重

炎龍騎士

kelvinlam 發表於 31-3-2025 04:10 PM
剛拆出黎玩，真係好正不過好鬼重

有名你叫"舉鐵"麻

wwwkcc

模倉賣晒，等精粉批現貨先