究竟呢件'茄'野系咩料子 - 暴太郎戰隊 DX DON 鬼退神 (重新.....

benbenben4213

HELLO, 又係我賓賓賓呀

啱啱過去既一個星期，係日、台、港都有好大討論度既玩具，一定就係今次同大家分享既暴太郎戰隊 DX DON 鬼退神

話說鬼退神係日本正式推出日係 28/05，但香港通常都會早一日到貨既，所以上星期六就已經係某大連鎖玩具舖見到其蹤影

可惜每間舖的貨量相當有限，小弟家住油麻地，當係 FB 見到到貨，已經用近乎 9 秒9 既速度衝去信和，點知都已經無哂貨

跟手去埋煙士，係騎士玩具見到最後一盒，點知俾前面位師兄開口先，咁又無緣嘞

之後兩日，網上傳來日本本土一出即售罄，再加上香港有賣開戰隊玩具既幾間店商都宣稱第一批貨已沾清，第二批不知幾時到，更甚者，竟有網上拍賣以炒價測試心急玩家

頓時四處哀鴻遍野

當時小弟已打定輪數了

點知去到星期四，好有動感既玩具店竟然有貨番，仲要正常價，仲仲要係正我公司對面，仲仲仲要係 LUNCH 時間，咁好既 chance，仆崩牙都要去啦 (平時我 lunch 唔出街食架，十年如一日)

終於入到手了





究竟呢件'茄'野系咩料子

開箱前，離少少題先，今次開箱既地方，比廁所更荒誕，就係夜欄人静既 office

每晚過左 8 點，所有同事都早已離去，唯獨小弟因公司規定，要留守到直至最後一人離開，先可以鎖門，所以好多時都要9點半左右先走得，就係咁，當日既百無聊賴等收工時間就用黎開箱嘞

好，黎料

先問大家一個問題

大家由細到大追左幾多套戰隊 dx 呀？有無發現到原來咁多年裡面，戰隊 dx 都係以實物玩具黎做封面？

但大家睇下今年戰隊既包裝外盒，笨大係用手繪畫代替左傳統實物封面

咁有氣勢既作畫就係出自DX Don鬼退神玩具開發人 - 寺野彰先生既手筆

早前係一個雜誌訪問度，睇到負責近年戰隊玩具開發既寺野先生提到，超級戰隊DX歷史太悠久，在咁多年既歷程上已變得有固定框架困住(成本/安全/銷售。。等) ，就算中間有創新設計，但都是點到即止

而啟發到佢要大刀闊斧做革新既，唔係笨大高層，而係佢4歲既仔仔

有一日正當佢兩仔爺玩緊機界戰隊 DX全界王既時候，佢個仔同佢講：「爸爸，全界王點解擺唔到電視入面既姿勢既？」

佢先突然意識到，原來可動關節對小朋友都有一定既吸引力

亦因此，寺野先生就有左要做可動 DX 戰隊機械人既概念，在極力向上層爭取下，終於得到許可(笨大高層今次要讚啦)。

而在開發期間，為了兒童安全，在玩具既體積上也要有所加大，及用了更堅固既膠料，以避免可動關節損壞，傷及小朋友

今次真係要多得寺野仔仔，戰隊 DX 機械人迎來新的一章

benbenben4213

一齊黎見証呢個歷史時刻啦










DON機人太郎




鬼機人太郎







猿機人太郎





犬機人大郎



雉機人太郎





Don鬼退神

玩後感：

以一個忠實戰隊 DX fans角度去講，係感動既，玩左咁多年，終於係 DX 身上搵到可動既樂趣，這個可動並不是合體後雙手上下擺動就算，而係切切實實可以左扭右扭，屈手舉腳咁擺出帥氣姿勢

不過雖說合體後可動度高了，但個別單體上，跟以往沒太大分別，為遷就合體造形，簡化了單體四肢，能郁動的位置都是為了合體而做，還是擺脱不了呆呆人型的命運

創新始終還是不夠徹底

從網上綜合了大部分戰隊玩家意見，覺得笨大點都要留一手，要玩可動單體，就要買勇動系列啦，又或推出 metal appand再屈一劑，唔係點賺到您班友錢呀

今次又夠鐘，下次再玩新野

Byebye

benbenben4213

後記:

今次用左大家都好喜愛既經典香港男子說唱組合 - 軟硬天師既「川保久齡大戰山本耀司」入面既一句歌詞做標題

雖然首歌原本歌詞意思係勸人唔好追時裝，要量力而為

但套入玩具玩家身上一樣啱駛架

一齊聽下啦



多謝新知舊雨入黎，下次見

JohnWick

近年嘅戰隊正常好多 簡直稱得上有型 那些什麼動物戰隊根本痴L線

shallbe

JohnWick 發表於 6-6-2022 01:49 AM
近年嘅戰隊正常好多 簡直稱得上有型 那些什麼動物戰隊根本痴L線

動物戰隊食玩版好好玩呀
係dx 太痴線

mushroom

呢套戰隊咁受歡迎，難得。

首歌我係精選碟聽過， MV就第一次睇。

首歌好有意思，依家都有勵志歌，但會鬧物質主義就應該無乜

Vince

戰隊玩具唔急玩一定買到既。
我覺得 d set 好大機會會出 超合金 版，如果b記大發慈悲應該會改改隻紅機。起碼比返個可以坐低既關節佢丫。

sk9091

等食玩版 比例同可動取勝

benbenben4213

JohnWick 發表於 6-6-2022 01:49 AM
近年嘅戰隊正常好多 簡直稱得上有型 那些什麼動物戰隊根本痴L線

特命戰隊之後嗰幾年， DX 已經唔係俾大人玩架嘞

好彩由魔進戰隊後，又感引番大朋友