機械人研究所：超合金魂 GX-97 超惑星戰鬥巨人 Daileon

Vince

機械人研究所：超合金魂 GX-97《巨獸特搜 Juspion》超惑星戰鬥巨人 Daileon

對於超合金玩具迷，最近最 HOT 既 NEWS 可能係超合金魂 GX-101 將會推出「大鐵人17｣。本來今個星期就想攞之前 Action Toys 推出果對 17 & 18號同大家分享一下。但咁岩又收到另一隻特攝機械人，佢就係《巨獸特搜 Juspion》入面既戰艦：超合金魂 GX-97 超惑星戰鬥巨人 Daileon。所以今個星期就先玩下 d 隻 GX-97 先啦 ~ 去片 ....

超合金魂 GX-97《巨獸特搜 Juspion》超惑星戰鬥巨人 Daileon
價格：17,000 yen (未連税)
發售：2021年10月


https://youtu.be/KNgw7tAgF_4

主持：Vince
製作：Vince【vince@toysdaily.com】

如果大家喜歡，記住 LIKE、SUBSCRIBE 同 SHARE 呀。

=================================================

喜歡我們視頻  請訂閱   玩具日報視頻  亦歡迎分享的我們的製作~~

這是我們的玩具日報頻道節目表連結啊(按我喇)  ^_^  

還有我們的俱樂部啊-  TD CHANNEL俱樂部歡迎大家一齊吹水啊

TOYSDAILY CHANNEL   絕對唯一代表 「TOYSDAILY 玩具日報」 的頻道 !!

benbenben4213

入黎支持下 VINCE 兄先
呢隻合金魂雖然唔平，SIZE 好似好細，但玩落就會發現佢既魅力

大前題係要大家先放低新世代既審美標準去對待呢隻合金魂

合金機械人要大隻之餘又要做到高可動現今已經變成大家既基本指標，但大家又會否記起自己 4,5  歲時攞住隻大鐵人 17 或大空保衛者嗰一種感覺呀

兩隻小手剛好可以拿著比汽水罐大一點點既心愛17號，雖然覺得有點重，但仍可不停的變型，時而係移動基地，時而係機械人，不用看說明書都可以玩過不亦樂乎

現今世代很難有唔一路睇說明書一路變型，又一路驚驚青青，深怕一不留神就會因複雜變型系統而整爛既玩具了，

玩得著實不爽

這次銷售，擺到明係一件只有老玩家才會識既玩具，所以 B 記今次不賣創新而係賣情懷，將老玩家帶番去兒童時代，再一次細嘗那時美好既玩玩具回憶

B 記今次行啱路了，起碼我真心 BUY 呢個銷售概念，壞玩越鍾意，也開始對宇宙刑事條龍更期待了，更妄想會有更多特攝系機械出新版玩具添

唔知大家又認唔認同小弟睇法呢

lostintv

正！

bandai, 吾重要個啲整得好有心機。

普及個啲好多時整得好投其！！！

Vince

benbenben4213 發表於 29-10-2021 11:50 PM
入黎支持下 VINCE 兄先
呢隻合金魂雖然唔平，SIZE 好似好細，但玩落就會發現佢既魅力

十分同意 ben兄，細個玩「玩具」最緊要係玩得開心

Vince

lostintv 發表於 30-10-2021 12:29 PM
正！

bandai, 吾重要個啲整得好有心機。

hahaaaa ... 冷門野唔出好 d 點有人賣

toylover

如果係卡邦隻母艦, 我就會即訂
呢隻唔係唔靚, 都幾特別, 機械人個樣係怪怪哋, 但以前特攝係咁啦, 夠懷舊; 不過真係完全唔識佢...
其餘宇宙刑事系列的母艦機構人, 反而都叫有點印象, 以前的單色扭蛋有時會用呢堆角色

Vince

toylover 發表於 1-11-2021 12:34 PM
如果係卡邦隻母艦, 我就會即訂
呢隻唔係唔靚, 都幾特別, 機械人個樣係怪怪哋, 但以前特攝係咁啦, 夠懷舊;  ...

我都等緊佢出卡邦條飛龍基地。
話時話，有冇 c兄 記得條龍叫乜名？唔會係叫 宇宙飛龍下化

keroro-1972

原來細隻過舊版好多

https://youtu.be/HUFDxn7KOZI

大凱撒

呢隻DAILEON當年絕係在下既怨念物，事關當年同班同學去尖沙咀打機(大鄉里出城)，因為要避雨，入咗近碼頭一間屈臣氏，發現好多巨獸特搜玩具。根據當時按宇宙三刑事定律已經建立既金屬英雄邏輯，一定有母艦變機體。但當時真係搵唔到。直至2-3年後，有日去舅父屋企，竟然發現表弟個玩具籃入面，有部玩殘咗駕銀色機體，再睇埋個盒，嘩！原來佢就係巨獸特搜部母艦。但一睇，真係覺得佢同宇宙三刑事啲母艦好唔同。三刑事啲母艦設計擺明係用嚟射死光射飛彈，但DAILEON就冇咩炮咀，但大拳大腳，似係肉搏型多啲。响10幾年前，偶然買咗隻老翻特攝英雄MV(唔係AV)VCD，有巨獸特搜主題曲。果然片內有大量DAILEON肉搏巨獸鏡頭，真係打到拳拳到肉。是故DAILEON消息一出，在下已經高度留意，都掙扎咗幾日，最終都係課咗金。

超合金魂未攞，同大家SHARE吓隻超合金巨獸特搜JUSPION先。當時買返嚟已經咩武器都冇，啲電鍍仲要日漸消失，依家成隻得返象牙白色。

Vince

大凱撒 發表於 5-11-2021 10:27 PM
呢隻DAILEON當年絕係在下既怨念物，事關當年同班同學去尖沙咀打機(大鄉里出城)，因為要避雨，入咗近碼頭一 ...

最鐘意就係見到有 c兄  睇完片之後分享返自己故事。thx
只記得細個時有去過 屈人氏 睇變形金剛。出面大 display 仲放左隻 大福特。睇到流晒口水。

Garycharm

我完成唔識呢隻o野，剩後隱約記得公仔書見過，無半點情意結。
但係一玩上手，嘩！整體感覺真係正到無朋友，爽、實淨、
又再證明玩舊角色合金唔需要太複雜，有基本可動性就夠。