機械人研究所：超合金魂 GX-95 Gordian 戰士高迪安

Vince

之前 Toysdaily forum 內有師兄話想睇 d 隻 超合金魂 GX-95 Gordian 戰士高迪安 review。所以今個星期「機械人研究所」Vince 就搵埋 Raymond 一齊介紹返 d「天威勇士 無敵鐵甲人」既先祖：聖神俠機械人 。其實 d 隻 SOC 高迪安 可以話係好多舊合金迷希望商品化既產品。當年係《超合金魂計畫20th》書中見到已故設計師「加藤大志」既設計草圖時更掀起一片討論。但可惜到了真正推出既今時今日，這隻高迪安卻受到大量負評，價錢更由 2千中 插水插到 1千尾。到底 Vince 同 Raymond 又點睇佢呢，不如大家就耐心睇片啦（今次條片有成 40 幾分鐘，希望大家唔好嫌悶啦）~

超合金魂 GX-95 Gordian 戰士高迪安
價格：36,000 yen (未連税)
發售：2021年3月


https://youtu.be/XztnrIyPX-M

主持：Vince、Raymond
製作：Vince【vince@toysdaily.com】

如果大家喜歡，記住 訂閱、LIKE 同 SHARE 呀。

=================================================

喜歡我們視頻  請訂閱   玩具日報視頻  亦歡迎分享的我們的製作~~

這是我們的玩具日報頻道節目表連結啊(按我喇)  ^_^  

還有我們的俱樂部啊-  TD CHANNEL俱樂部歡迎大家一齊吹水啊

TOYSDAILY CHANNEL   絕對唯一代表 「TOYSDAILY 玩具日報」 的頻道 !!

fallout8

謝Vince兄
今晚睇:)

Vince

fallout8 發表於 26-3-2021 05:46 PM
謝Vince兄
今晚睇

:64:

nela

睇哂。thank you.
開蓋舉手做法/陰神俠無合金⋯⋯比AT 差囉！

武器多但玩既機會少。

BTW....今午行現時已18xx 了⋯⋯果然早買早享受

Vince

nela 發表於 26-3-2021 10:26 PM
睇哂。thank you.
開蓋舉手做法/陰神俠無合金⋯⋯比AT 差囉！

AT 係 action toys ? 你講之前出既 es合金?

fallout8

先多謝Vince兄同Raymond兄咁用心拍條片，好同意兩位師兄對隻高迪安既觀點。
其實都唔係好明笨大今次「做」合金既選擇，點解一二號機完全無合金，反而三號機連前臂都做合金...我之前玩過果堆傳說巨神、大王者都未試過。

nela

Vince 發表於 26-3-2021 10:45 PM
AT 係 action toys ? 你講之前出既 es合金?

係呀, 大頭果隻, 雖然隻野鬆鬆散散咁, 但紅色機械人有合金做前胸/肚位置.

Vince

fallout8 發表於 26-3-2021 11:22 PM
先多謝Vince兄同Raymond兄咁用心拍條片，好同意兩位師兄對隻高迪安既觀點。
其實都唔係好明笨大今次「做」 ...

我念下念下覺得 1 2號 機唔做合金係可能怕腰部活動時會「刮花」件。
:67:

fallout8

盒高迪安今日終於開來玩左一陣，我淨係想講下最大果隻陰神體，超大隻超重手差d放唔到落display櫃，成隻野有八成地方係合金造，真係超級滿足，看過摸過實物後又唔覺個身型真係咁差，正如Vince兄講係大隻佬身型。如果只評依隻陰神體我會俾100分滿分:$，回頭再看看一號同二號機械人，佢地係買陰神體附送既贈品嗎:cool:

fallout8

Vince 發表於 27-3-2021 12:17 AM
我念下念下覺得 1 2號 機唔做合金係可能怕腰部活動時會「刮花」件。

對，應該係怕刮花，我今日合體時要對岩個位都對左好耐，如果背脊係合金實花硬，佢雖然係全膠，但係有d位可以做得好d，例如細果兩隻點解唔上金屬色油呢？依家攪到細果兩隻同隻大既格格不入。

Vince

fallout8 發表於 27-3-2021 07:42 PM
對，應該係怕刮花，我今日合體時要對岩個位都對左好耐，如果背脊係合金實花硬，佢雖然係全膠，但係有d位 ...

上油都一樣會有花既可能呀
:36:

mj23

先唔講錢, GX95 成隻既感覺係出得好求其亦好"懶",
如果唔係呢價, 都還可以用將貨就價解釋. 外形都算, 就當係迎合老餅口味, 但細節就冇得賴 .
透明件頂腰既成法係懶到出汁, 又鬆.  3號陰神體條頸接心口個位又係怪怪地, 黑色位可以做高少少, 唔洗而家咁條頸成條條柱咁,  以前合金, CMS都唔咁, 就算連動畫都唔係
.

Vince

係，今次 d 隻高迪安真係唔係人人可接受到，但我個人覺得佢已經係暫時最好既「正常版」。
CMS 我都有買，但佢關節設計有問題，再加上佢 1號 太細隻對手又太幼，基本上都唔敢做太大動作。
至於 d 隻合金魂，由人仔 到 3號 機都可以安心玩，d 個係玩具基本既「初心」。
至於有冇廠可以出到又靚仔，又好玩既高迪安呢？我會玩住合金魂去期待 ...
:58:

mj23

Vince 發表於 30-3-2021 06:27 PM
係，今次 d 隻高迪安真係唔係人人可接受到，但我個人覺得佢已經係暫時最好既「正常版」。
CMS 我都有買，但 ...

可以安心玩呢樣認同, bandai 比其他廠, 感覺係穩陣啲.而家好多玩具既變化越來越複雜, 有啲化學. 冇咗以前細個拎上手話變就變又唔洗吓吓就住就住既既玩法同樂趣.