1/144 Agg 電鑽怪

nkr

Agg 電鑽怪，賈寶羅四聖獸之一，再次係誤中副車、無心插柳既作品。
佢係我買另一隻電鞭怪 （原諒我仲未知正確既名稱）時搭單買既模型。


雖然係因誤會而結合，不過既然入得我家門，總要做得好好睇睇。
電鑽怪呢款機體對我無乜意義，所以製作時都比較粗暴。
我開始咗更大膽既操作 - 分件、加市售球窩關節、膠板自製關節、改型、全水性油手油上色等。


製件過程中既一張相，我覺得好似PAC MAN 幾可愛。
相入面可以見到鋸開咗既腳板，鮮橙色、淺藍色同白色既發色都好明顯。


發色最大功勞係手掃既水性PRIMER 加埋戰棋專用牌字白色底油。
都算係輕鬆咁手掃三幾層就將原件藍灰色遮蓋晒。


而後續再上既橙色同紅色就變得非常輕易。
以前細個砌模型，最怕就係喺深色既件上面上白、紅、橙、黃等等既淺色。
似乎有解決方案，但係童年陰影始終都係揮之不去，上色對我嚟講都仲係死穴。
[以上係 2021年 3月開始寫的部分，今天2022年 2月 5日補完］
結果都算係有件成品出嚟，老懷安慰。
改造重點係全身LOW 底 （改腰同兩隻腳板），雙腳改球窩關節，雙手電鑽各加一旋轉關節。
用以下幾張相總結今次既分劣作分享。
謝謝。





右傾45度


我對鑽真係掂到地面㗎，個嘴射住死光幫手開路。




攔腰斬開見到製作差劣的關節


最後都不忘賣吓萌～～

ygat2005

四聖獸