本帖最後由 快快 於 18-4-2021 01:36 PM 編輯
2001年合金魂大空魔龍一出就買咗GX-05, 泰國制,手工差。食之無肉,棄之可惜!
當時2004年出GX-05R冇乜留意,也因為05的陰影,十多年內都冇諗住入返隻05R, 諗住可能會出新版。
怎知最後公怖是將會出DX大系, 大SIZE基地feel實在太正太期待,太震撼太感動了!!!而家玩住隻孖趾先,邊等條三趾龍!
今年新年要自己過,困住口淡淡,DX宇宙飛龍又未公怖幾時出,上星期突然有衝動買番隻細版玩吓,過年躲著玩龍多好意頭!上網睇,全新的實在太貴了,香港版長盒連黑膠金剛又覺得淨係送隻膠公仔唔抵。普通版GX-05R又唔知能買到係泰國制定係最想要的中國製。
揾到盒盒殘但內裡全新的,説明未開過來玩,吸塑盒貼紙都未開嘅。不過千的價錢非常吸引。賣家好人但問他連他自已都不知到底是泰國制定中國製。到速遞收到貨才知是最最想要的中國制(質量最好)。嘩!實物成色更是一流,小金剛上臂大腿電鍍閃閃令,只是有些膠件表面因盒內吸塑裡長期擺放有D霧霜,濕紙巾一祙新嘅一樣,真喺喜出望外!比起05真的不可同日而語。
得9cm咁迷你都咁型仔! 配細頭細角型D!
待機格納庫同基恩做隣居!
絕招-叉頸插眼!今晚火鍋有著落了...
買返兩隻山口,其實兩隻金剛造得幾好,幾抵玩!
到三趾DX出咗,孖趾佢就變咗迷你炎蛇了。
其實1976年create呢個大空魔龍我覺得Design得好前衛好特別。到底是有骷髗頭骨嘅龍? 定係成隻有尾嘅藍色貓蹲喺喥?我成日懷疑個頭其實喺咪牛頭骨?越南牛河敖湯嗰D?
金剛它應該是第一個原祖顔面機械人,天元,魔動王...的始祖。恐龍提材小明友又鐘意,我細過嗰陣覺得牛角加金黃色頭骨初初看有點怪但又好特別,射咗個頭出來又會成隻變成螺型蝦米龍好搞嘢! 最頂癮喺龍尾末端居然有canopy控制室。咁條龍擺尾霍尾時D控制員唔暈架咩?
新版大空魔龍仲搞嘢,出埋天空魔龍同大地魔龍戰艦,射頭又各變Raiking and Balking機械人,斬件歸巢最終變Gaiking the Great
Balking又似鳥頭骨又似馬頭骨都算有特色,但Raiking舊人面骨真喺好肉酸,其實可以設計得型D!金色又有角又可張開口食住啲財氣,牛年放呢隻嘢出嚟開運呀!
再嚟入咗兩隻全新Evolution Toys No.02, 一盒可display是但一個Mode, 左邊Display肥裝金剛power up,右邊Display瘦裝都幾唔錯。 其實論同是膠玩具金剛CMS套三隻可變Gaiking the Great 設計最型,可惜唔知邊位天才設計埋D粉碎關節,用料又差,其實成本慳得幾多?關節自碎都算喇,坊間還有高手可後改替換關節仲頂得住,但最天才是點解要用PVC? 出油立黐黐架嘛!這才是真的浪費了個造形設計!我套CMS忍痛掉鬼咗,唯有以造型差一皮的Evolution Toys No. 15 Gaiking the Great 頂上!但講造型CM隻皺皮手腳金剛真喺冇得頂!其實我覺得Gaiking The Great 冇原祖咁經典簡單,須然The Great 咁都叫做合体到三合一吖!
Evolution No. 2 Gaiking 造形都唔算太差,磁石波要比心機去玩,能擺到小小姿勢平衡到當你贏!
成日想揾返套電鍍金色版...
四大金剛: 粥,粉,麵,飯。配其妻們:梅蘭菊竹!
King Arts金剛是最喜歡的金剛,呢個開蓋內構系列最美的一隻,我喜歡擺到佢輕微戰損模樣。金剛都有放飯時間架。
再嚟是淘寶代工的HG 1/144的帝皇模型,我覺得這隻設計得修長好型!希望笨大出Metal Build!
左邊就是代工,右邊隻係自己嘖油,差天與地!噴油我真喺識條鐵?我都唔喺用模型噴油,我是用噴硬質木同鐡嗰D噴油!中間隻真喺Metal Build來的!
呢個月臨時砌咗呢箱嘢!舊年成年唔喺香港,我都唔知有隻GSC Hagane細版千值款細碼Mazingkaisker舊年八月出咗,我還以為是全膠模型成品只加張櫈,再查先知道是合金,含量也不低,SR size但關節多玩起來完全不一樣,後追全新的好肉痛但冇後悔。隻全新天威淘寶找最平的為返都港魚四叉,但買它用心思的設計,誠意,驚喜都值返哂。剩喺金毛價錢最抵玩但最冇驚喜,純買個獅頭!
臨時棚屋!亞加力膠片已裁呎吋運來自已黐哥羅芳。有D筍位組裝後先滲入哥羅芳都算易搞。頂上LED黃燈暖色光管只是廿雞,平快靚正!玩住兩隻Evoluation Toys的都不錯!
又喺初哥哥同君好,十月初五..多謝收看!
|