因咩原因 HT figure 個價跌到咁慘不忍睹

eb1815

睇返 Endame 系列未派貨既訂單, 個價簡直用大崩壞黎形容, 基本上大部份單你想原價放出都幾難. 上年 Endgame 上畫大批入貨既炒家, 而家應該蝕到入肉.

西環老妖2

Cody仲高水緊喎……其實跌正常，呢兩年派得咁慢，質素同價錢多數成反比，HT係咁加食埋炒家水位，惡性循環多人等現貨，遲啲市場少左人訂價會定返啲，你睇啲星戰過一兩年都唔會點跌……789集就爭啲

玩物大志

對玩家來説是好事！

:58:

sbyk

鬼咩。人氣高多人訂梗係供多於求架啦。炒家多既貨跌價絕對係必然。再加上HT宜家開始玩再版，仲邊有人夠膽收藏升值

buddylee

其實原因都幾多嘅，又唔可以一概而論。首先疫情係主要原因先啦，endgame個時一大班大陸人排隊黨落嚟排隊掃訂單，由20樓排到落地下添，非常跨長，而家封晒關了，派緊貨的單又無辦法落嚟攞，亦有d師兄keep住太多單但無能力贖單，咪鑑平鑑賤有得甩就甩咗手先。跟住ht派貨真係慢過慢甘油，隔咗幾個月都仲派緊頭兩日的單，真係心急玩的玩家，咩熱情都冷卻晒了

老實人

未有咁多人訂個時事實個量真係有需求，當多人留意左，（個個都走去訂假玩家），真玩家係有愛唔會賣，其實訂曬限定版以為有得炒先on居

mushroom

大路野 Mark 85, 美隊， thor未出， 依家出到都係人氣較次的角色，跌唔出奇，當年訂都易

HKCAPTAIN

主要原因係endgame呢批太多炒家瘋狂入貨，所以做成供過於求，另外HT近期亦大量增加了貨量，大家可以見到開始有d現貨係HT鋪頭賣就知，同埋sideshow個訂貨期超長，都係增加供應量的原因。所以總括係供過於求。