《蜘蛛俠: 決戰千里》「神秘客」無人機1:6比例珍藏品套裝

Dick.Po

【重現蜘蛛俠擊毀無人機的對戰 足本建構電影場面】

在《蜘蛛俠: 決戰千里》中，神秘客以全息影像投射技術來掩飾無人機的攻擊，以綠色煙霧大玩虛實視覺效果。為足本呈現電影場面，Hot Toys以Accessories Collection Series 模式，推出《蜘蛛俠: 決戰千里》神秘客的無人機1:6比例珍藏品套裝！

Hot Toys以1:6比例精心設計出約14cm 闊、13cm長、7.5cm 高的「神秘客」無人機1:6比例珍藏品套裝，整個灰藍色的無人機除了精細設計上機身的機械細節外，更細緻塗裝上戰鬥的舊化效果，機體上附設有多組槍管、炮彈與仿燈效設定，機底飾有多組螺旋槳引擎，還配有一個備有活動關節的透明支架。同時更會配置兩部迷你版無人戰機 (約5cm 闊、4.5cm長、3cm 高) 以模擬電影臨場感的景深視覺效果。

由即日起Hot Toys香港專門店 ─ Secret Base接受顧客預訂。預訂價：HK$ 610（另備有會員折扣優惠）

備註： Hot Toys Limited 及 Hot Toys Secret Base Limited 保留更改上述活動之條款及細則的權利，如有任何爭議，本公司將保留最終決定權

heewing

真係冇野可以出嗎？幾時先可以出返d marvel，DC，starwars以外嘅人物角色，我覺得連外國玩家都覺得悶

pHil

HT 真心識玩，見有人開完Homemade suit 大讚架Drone 整得好，就單獨出。

之後發現照出太Dry，再重新開模整埋細版本。反而想知細架版本配唔配到1/12 玩。

話佢冇心? 又唔係。好有心，都唔太算。

buddylee

pHil 發表於 18-8-2020 01:12 PM
HT 真心識玩，見有人開完Homemade suit 大讚架Drone 整得好，就單獨出。

之後發現照出太Dry，再重新開模整 ...

副廠出品有燈先300蚊，HT仲要賣咁貴，真係以為自己係名牌，佢地d價錢唔正常返都好難好似以前咁狂熱，一句講晒hottoys未日來臨

joveinhk

悶咪轉玩第間囉~自己都無買HT好耐. 近期D頭雕唔比以前好幾多 , 但價錢貴50%-100%

副廠300蚊 . 多出黎另外300系版權費?

pHil

buddylee 發表於 18-8-2020 03:37 PM
副廠出品有燈先300蚊，HT仲要賣咁貴，真係以為自己係名牌，佢地d價錢唔正常返都好難好似以前咁狂熱，一句 ...

Hottoys 呢幾年又真係賣緊品牌。你見佢好識做勢，搵人排隊就知。

價錢提高左，但捧場客越黎越多。你見佢Facebook D 反應就知。

可能佢都知Price point 點都唔夠副廠打，所以執意打品牌。Instagram 有幾十萬Follower，係副廠永遠都好難做到既野。

而家開始既定位已經唔係前幾年只係服侍香港西客，反而Target Audience 係全球，歐美。不過佢而家出貨量似乎真係太多，QC 方面有下降既跡象。同埋出D 盒都冇以前咁狂熱。

joe

:help:價錢貴:help:

buddylee

pHil 發表於 18-8-2020 05:06 PM
Hottoys 呢幾年又真係賣緊品牌。你見佢好識做勢，搵人排隊就知。

價錢提高左，但捧場客越黎越多。你見佢 ...

搵人排隊係炒家，於ht無關，不過呢一年hottoys賺到笑，你睇幾多大陸人訂咗貨落唔到嚟攞，殺訂都殺到笑，剩落d貨又掉出嚟賣，全新endgame thanos 1800都有交易，原價入個班都喊晒口