Arcadia無限地帶23 Part II

wwwkcc · 發表於 2-3-2020 12:00:45

呢次雖然心口甩油危機仍有,但經過上次經驗再自己小心啲都算可以預防,又或者將雙手黃圈個位執執佢等佢冇咁易刮到心口都會好小小,今次顏色同細緻度都比上隻好,不過自己手痕所以都係滲咗線同加咗啲水貼上去,除咗手關節感覺有啲鬆外暫時我覺得呢隻係出得最好嘅格拉度:73:當年第一次睇無限地帶我係企喺中旅宇宙船門口睇嘅,之後開咗啲類似依家卡拉ok咁嘅上樓租賃店,上面間咗一間間房俾你租VHS或LD睇,而風之谷、天空之城、ZZ高達、雌威隊同當年好多OVA我都係幫襯呢啲睇,最記得有次冇晒細房佢俾咗間大房我一個人喺度睇吸血鬼獵人D,大房有隔音所以唔駛帶headphone感覺好正!之後多咗自己買返去收藏就冇再上去嘞,唔知有冇師兄經歷過?:DD