狂仁習作－他的名字叫Accel

Aryan

經過一段長時間的潛伏（應該講是太多人生大事要處理咗先～）終於再次更新拉打類post了；如果再細分至SIC類別，則需要倒回17年！好吧，是時候回歸了～～

廢話少講了，今次分享的是答應朋友好耐但一直拖延至今的Accel Bike Form。還記得幾年前朋友將一盒佢已經砌好的Accel MG版交到我手，指希望可以將之改為可以讓SIC W乘騎的電單車版，因為MG版比例太大；而佢要求好簡單，稍微縮小一下，做做效果就收貨。回家後我將這個MG版A哥變左一下車型態，對比咗一下，覺得如果就咁改細風格上根本唔搭，但礙於當時手上沒合適的車可用，並且又有其它車要改，於是順手一擺就忘記在一角了XD～在等下一年等下又一年之後，一次不經意搵零件時無意搵到一個啱使的車身，於是塵封的計劃得以正式開展。。。而正式介紹我的版本之前，可以睇睇原設的模樣：

Kamen Rider Accel（下簡稱A哥），為W入邊的二騎，按順序為劇中第三名拉打，由照井龍變身。角色設定比較熱血，而且就拉打本身而言，都充滿着機械與速度感。其真正第一變身出現在第19集，并用Accel Driver第一次展示其Bike Form。A哥算是SIC中W系列入邊的遺憾，一直都沒將之實體化，我個人就較為唔中意改SIC的人形，因為自覺一定沒大師好，但電單車就唔同了，官方基本甚少有SIC化的車出產，所以可以自由發揮。接回前文提到的搵到合適車身，一個將A哥車改成SIC化的概念就油然而起了。

由於將原設的設計打散再造，基本上用到MG版的零件可謂少之又少了，因為本身是用Spawn的電單車改，所以車頭部份完全重新整過。最早時，我的諗法是直接沿用MG版的手臂，但後來預組時覺得沒效果，於是把心一橫，將兩隻啱使的Spawn分屍了X～成品請睇下邊的組圖：

  

下接第二篇

Aryan

上接第一篇：
好，順便在細節上介紹一下吧，我的概念是原本A個的頭變為完全的車燈，而非原設的頭部着燈代替。因為既然A哥是用 Gaia Memory 變身而成的，索性就設計成其是和 Dopant 融合而成的產物好了，故此其頭部就轉變成怪人的樣子擺在最前了～～


A哥是通過攞住個Driver而變成車的，當然要保留，自問雕工一般，所以直接沿用原件算了。


原本手部位置則變為怪人化了，而且左右唔同，右邊增加機炮，因為今次的改造沒考慮外掛的Gunner－A，所以就在車身上加火力吧。

劇中曾經有A哥用尾部火炎噴射對手的一幕，但如果是用原設的腳板零件，實在睇唔出效果，於是加碼！依家的效果我個人是滿意的，起碼有一個推進器的即視感。


原設中，A哥的心口會拉出一塊變成引擎，咁既然是生化設計，就加副胸骨落去啦～好，大致介紹完整個設計思路！


在劇中，A哥會變成電單車和W聯手，而今次的車身高度我亦是特別按SIC W的高度去調整，所以人車合一感算是有的。當然，再吐槽多一次，SIC隻W真是好細隻 -_-



後記：拖沓咗好耐先出到貨，不過效果個人都幾滿意了，起碼比原本就咁將MG版改細好吧，哈哈。。。今個月收到兩款新的SIC作品，估計新車的企劃又可以提上日程了，平成拉打人人有車坐，我是唔會食言的^ ^ !
最後因為篇幅所限，好多相沒辦法post出嚟，就請果位移步到我blog內重溫喇： https://st08bryan.blogspot.com/2019/10/accel.html 或 https://st08bryan.blogspot.com/2015/04/blog-post.html:77:

robotkelvin

多謝分享，好靚，師兄心機之作。

diokfic

師兄, 真有料, 好正. :57:

Douglas.M.Saint

Pal...Really long time no see. {:1_235:}

kagaloo

型爆!

"平成拉打人人有車坐" {:1_377:}  期待...

感謝分享.