傻瓜級影玩具配置, 比下意見啦唔該

nales

最近, 玩玩具之餘, 仲鐘意影下相自娛.
可惜全冇攝影方面ge知識/技術, 效果麻麻~
(其實已經叫有改善, 以前直頭自己睇見都起火)
現在比各位看看我d配置, 希望各位比d意見, 睇下有咩可以改善.



在房門後面放2張"登"就影,
打格仔ge地方係房中雜物...(從來都冇整理過, 唔見得人):x
其實廳有好多地方, 唔知點解鐘意在房...


用ge相機係早2年買ge casio ex-z750(買佐其實冇乜用過)
算冇咩問題, 冇知識冇技術對機器正常都冇咩要求:unhappy:
唯一覺得唔夠用係"微距", 10cm左右就對唔到焦...


支stand係我個國產webcam跟ge, 可以咁用我覺得支stand抵過個webcam......:shy:
冇得調高低, 想影高角度我就用d書疊高, 低角度就由地板疊起:cool:
而且轉唔到90度, 唔可以垂直部相機...

光源固定為我房中光管...
如果開閃光燈出來效果好怪...
防紅眼果種閃燈模式好少少, 不過都係怪...

影果陣冇野驚, 最驚阿媽撞門入來:Q
相信好多人都會驚阿媽無啦啦撞門入房, 不過應該另有隱衷:p

以下係我最近影ge玩具相(賣廣告:DD)
FIX F90
RAH L & 夜神月
魔動王
FFac 公仔

仲有今日影ge Arche(傳說中的靚女:D)...(唔係咁滿意, 冇打算出post)
唔知點解面色比實物黑, 用佐幾種白平衡都係咁.(呢張已經係最滿意ge一張, 效果唔係咁好)


有乜地方可以改善呢? 有咩應該加/換呢?
(以影玩具為前題, 應該唔會有其他用途)
係咪應該買燈同stand先呢? 柔光箱有冇需要買/造?

都有想過換機, 1萬以下都接受到, 不過驚...
1. 唔識買. 最驚個sales一大堆專業名詞, 無言以對:what:
2. 老老實實, 除佐應該會清d同埋解像度高d以外, 真係唔知有咩分別, 咩單鏡反光之類之類...:ar:
3. 最最最驚買部靚機唔識用, 出來效果差過傻瓜機:DD

vincentlow

小弟覺得主要係打燈, 見好多都有個影晌後面。
不如試下熄左天花燈, 過做左右打燈.
(我咩都唔識, 只係見其他大大咁影):shy:

mars

:) 睇返大大出過o既玩具相 posts, 用咁簡單o既配置, 已經係影得好好.

:shy: 至於器材o既改善方案, 我個人認為優先次序係 燈光+攝影棚 > 相機+腳架; 技術就邊影邊改進, 只要有心, 一定會進步.

:shy: 玩具/產品攝影 好著重光線運用同佈局, 可以搵呢類專題參考o下 (近排 d 攝影雜誌都有介紹, e.g. XX雙週, 數碼XX)

:^ 部份大大提供o既設置:

• Pics: Low cost studio setting..........(轉自會員Tin大佬)
  
• 自制左一個攝影箱 - 鴨仔 大大
  
• 攝影箱 - hathaway 大大
  
• Pic:現役攝影棚 - Gundam@EFSF 大大
  

:! 雖然 10k budget 已經踏入 DSLR o既門檻, 不過純粹影玩具就 DC 都可以, 如果係用連續光 (燈膽, 光管) 唔需要顧慮同步問題, 沒必要用上 DSLR;

mars

原文章由 vincentlow 於 26/9/2007 23:03 發表
小弟覺得主要係打燈, 見好多都有個影晌後面。
不如試下熄左天花燈, 過做左右打燈.
(我咩都唔識, 只係見其他大大咁影):shy:

:shy: agree~~ 背景紙可以拉後多些, 給影子有足夠空間淡化/向下移 (對直打閃燈無效)

nales

Thanks mars, vincentlow 2位仁兄意見~

今日放假看看有冇時間去買燈同材料整箱...
買一般台燈類型可以? 功率大約幾多先夠? 白光/黃光好?

見好多仁兄都係上左右3燈, 一路都想問, 三面有燈照住, 咁正面怕唔怕唔夠光?

其實睇書可以話冇乜心機, 買開電腦書d攝影專欄都冇幾多篇明...
d書好似比較偏向專業/半專業, 白痴入門級ge我好難睇得明...

Horus

功率冇話幾多夠....
因為曝光取決於光圈快門感光度
白光黃光都冇所謂....因為有樣野叫白平衡....最緊要色溫統一（玩EFFECT除外）

上左右係最普遍既打燈方法....
頭頂燈打左成件PRODUCT既OUTLINE出黎....兩盞側光營造立體感....
雖然正面直接光源....但唔代表冇光射到佢....唔駛怕....加上....曝光取決於光圈快門感光度

打燈方法不外乎正光側光背光背側光等....用法冇特定法則....冇人話一定要用上左右三枝燈黎玩....
但每種光出黎既效果都有唔同....唔同組合....效果亦都會有所變化....
最緊要多嘗試....同一件物件....用多D新角度....你一定會有新發現....
打燈尼D野....玩得多就熟架喇....

其實書講既都不外乎光圈快門感光度焦距景深....
影相....我覺得如果比太多書本上既知識規限左....有時拎住相機睇到既野會更少....

Licarly

nales兄台部機，和小弟的一樣呢^ ^
我都係用佢來影玩具的
最近影玩具的post
http://www.toysdaily.com/discuz/viewthread.php?tid=39176&highlight=%2BLicarly
http://www.toysdaily.com/discuz/viewthread.php?tid=37554&highlight=%2BLicarly

nales

今日總算搞好佐d燈同箱~
唔知各位有咩意見呢?(廳都係超亂, 唔好見怪)


用佐今日入ge朝比奈做model:p














3支燈@$138,
箱用佐2層牛油紙, 係咪都仲光佐少少呢?

有d野想問...
1. 我個背景咁光ge? 點可以整到黑d/全黑. 係咪紙質問題???
2. 個箱內籠有15寸, 但影果時好易影到2邊牛油紙.
    已經將件玩具貼到好近張背景紙...
    朝比奈咁細都有咁ge問題,  如果影12"咪局限性好大?

另外今日上網睇佐好多DSLR資料,
對cannon eos 400d有d興趣...

Thanks Horus, 有機會我會試多d唔同ge野...

Horus

1.紙質關事....但要唔反光既就真係除非你用絨布....
   一係就block咁d光....等佢唔好射到底紙....
（除非你枝燈個罩真係做得好聚焦....唔係既話d 光點都會好似把扇咁射出去....）
2.所以product 越大studio亦要越大....唔係好唔方便....綁手綁腳....

睇dslr....睇埋邊間廠既鏡岩自己心水喎....

dslr....冇錢買....><:die:

nales

原文章由 Horus 於 28-9-2007 12:33 AM 發表
1.紙質關事....但要唔反光既就真係除非你用絨布....
   一係就block咁d光....等佢唔好射到底紙....
（除非你枝燈個罩真係做得好聚焦....唔係既話d 光點都會好似把扇咁射出去....）
2.所以product 越大studio亦 ...

可惜這幾天都唔會有時間買材料, 要等下個星期...

講到DSLR, 都幾煩...
400D套裝個鏡質素應該麻麻~ 似乎好快要換鏡...
不如淨機再買鏡, 唔知有咩鏡適合影玩具用呢?

另外都睇中佐40D, 可惜連埋鏡就超出國防預算,
支EF-S 17-85mm F/4-5.6 IS USM(唔知適唔適合影玩具用呢?)

warxv

本來想建議你買兩支USB燈平平地又方便玩住先,我到現在都仲係用緊USB燈.不過你已經作出左重大投資了...
另一個唔建議你買的是支EFS-17~85,我剛剛先賣左,因為質素一般,而且買出去都唔太值錢,買支TAMRON 17-50 F2.8會好D.
400D如果等得都係建議你等,因為其他廠出晒新機400D又出左年幾差唔多係時候轉款的了...

mars

:) 大大咁快手, d 相影得唔錯;

1. 我個背景咁光ge? 點可以整到黑d/全黑. 係咪紙質問題???
2. 個箱內籠有15寸, 但影果時好易影到2邊牛油紙.
    已經將件玩具貼到好近張背景紙...
    朝比奈咁細都有咁ge問題,  如果影12"咪局限性好大?

:shy: 所謂全黑, 即係無光 (除非 PS 做退地, 電子野點都有 d 雜訊); 用不反光物料 (如 Horus 大大所講o既絨布) 可以大幅削減反光入鏡; 然而, 令背景曝光不足, 亦可令背景看似好黑; 小弟用o既方法係唔用背景紙, 室內唔開燈, 咁樣主體背後o既室內環境, 因為光暗對比太強而變得好黑; 當然打落主體度o既燈要好光 (拉近 d), 先至可以做到滿意o既效果~~

:shy: 可能微距模式用比較短o既焦距 (wide angle), 可以試o下 zoom tele 睇o下得唔得;

45mm, over exposure; 見到左右燈 & 背景


100mm, satisfactory exposure; 左右燈 & 背景 消失

小櫻

原文章由 nales 於 27-9-2007 08:47 AM 發表
其實睇書可以話冇乜心機, 買開電腦書d攝影專欄都冇幾多篇明...
d書好似比較偏向專業/半專業, 白痴入門級ge我好難睇得明...

亂入！...:DD

其實咩書都唔駛買...跟機&#22021;說明書已經係一本好好&#22021;教材...

因為本說明書...內容就當使用者好似唔識攝影&#22175;教...先細閱說明書...可以學到唔少基本知識...

其他&#22050;&#22021;說明書可以唔睇...但係相機本說明書就一定要Keep起佢...仲要慢慢睇...

查實閣下&#21874;相都OK...唔駛「升級」都得...用SLR有時都無用傻瓜機影得咁好...:DD

小櫻上

mars

原文章由 nales 於 28/9/2007 00:22 發表
今日總算搞好佐d燈同箱~
唔知各位有咩意見呢?(廳都係超亂, 唔好見怪)


用佐今日入ge朝比奈做model:p
http://farm2.static.flickr.com/103 ...

:handshake: 其實大大你呢個攝影棚, 係小弟夢寐以求o既 setup, 係 exactly 果隻; 但係配唔到底果個四方架... :die:

:? 底板係 黑色 foam board ?

nales

今日在公司同人講打算買部相機,
問我"幾錢, 冇相機用咩?"
我答"有, 想換部新, 1萬樓下", 插佐半個鐘:oh:
"有得用使鬼換"
答"相機技術唔同, 層次唔同... 就好似普通車同"跑車/轎車"ge分別"
"咪又係車~! 買來做乜?"
答"影玩具~":!
"咁大個死人仔仲玩玩具, 仲成萬銀買相機來影玩具...........................":ar:
又插多半個鐘:DD

原文章由 warxv 於 28-9-2007 04:47 PM 發表
本來想建議你買兩支USB燈平平地又方便玩住先,我到現在都仲係用緊USB燈.不過你已經作出左重大投資了...
另一個唔建議你買的是支EFS-17~85,我剛剛先賣左,因為質素一般,而且買出去都唔太值錢,買支TAMRON 17-50 F2.8 ...

其實幾舊水都唔算係咩重大投資,
為玩玩具, 為影玩具, 相比各位仁兄, 少事~:he:
當手多買佐套九唔撘八蛋~
九唔撘八之餘又幾過癮喎~:shy:

dslr 真係幾煩~ 尤其係鏡~ 認識又唔多
其實d鏡, 睇參數點知其價值, 主要用途/對象? 一頭霧水:?

原文章由 mars 於 29-9-2007 12:38 AM 發表
:) 大大咁快手, d 相影得唔錯;


:shy: 所謂全黑, 即係無光 (除非 PS 做退地, 電子野點都有 d 雜訊); 用不反光物料 (如 Horus 大大所講o既絨布) 可以大幅削減反光入鏡; 然而, 令背景曝光不足, 亦可令背景看似好 ...

"快! 狠! 準!"係我份工三大必要條件~ :DD
係咪咁ge意思? 好似明明地~ thanks





另外閣下講個方法係咪要在後方預留一定空間?
再問問閣下用果種底板叫咩? 咩店鋪買?
易唔易cut? 難cut就要另外找人幫我cut埋...

原文章由 小櫻 於 29-9-2007 12:50 AM 發表


亂入！...:DD

其實咩書都唔駛買...跟機&#22021;說明書已經係一本好好&#22021;教材...

因為本說明書...內容就當使用者好似唔識攝影&#22175;教...先細閱說明書...可以學到唔少基本知識...

其他&#22050; ...

to 小櫻
:what: 講到說明書:what:
有冇打開過都成問題... 要找都有排 :x

想換機係我覺得用呢部機好似變化好少咁...
可以手動ge已經唔多, 可動ge範圍又少.
好公式化, 唔係1就2... 可能係我根本唔識用:die:
dslr 暫時未決定買唔買, 忍得手都唔多想買.

Nales 回

原文章由 mars 於 29-9-2007 01:12 AM 發表

:handshake: 其實大大你呢個攝影棚, 係小弟夢寐以求o既 setup, 係 exactly 果隻; 但係配唔到底果個四方架... :die:

:? 底板係 黑色 foam board ?

個架在澳門某家居用品店買, 自由百撘式.
見好似合用 買返屋企自己裝. 5面空, 底有網比我放板

塊板在文具店找材料時見到就買, 店員話叫"珍珠板"
底板其實唔多好, 好軟身, 易變型.(初時貪佢易cut)
點知過軟, 同發泡膠差唔多硬度, 暫時用住先.
(某玩具一跌倒就造成"粒"痕)



想換過第2種硬身ge板...