尖沙咀國際廣場飲飲食食
尖沙咀彌敦道63號國際廣場
最近尖沙咀開左個新商場,入面有間超貴o既戲院同d 唔平o既飲飲食食
唔知又有幾多人試過呢?
牛陣 7/f
佢好似貴過其他分店,定全線加左價我唔知,但配菜類多左選擇
其實牛陣係打邊爐o既,佢有分唔同價錢,食唔同級數o既牛肉,仲有就係限時架,最多都係1個半鐘任食咁樣
晚市佢最平都要11x 加一,幸好仲有d HARGAN-DAZ食下,仲有澳洲豬呀,帶子咁,但最平呢個set o既牛,滾耐左會"鞋",所以值唔值就真係唔識講,服務就一流!
佢有d set 3舊幾水都係食一個鐘咋,唔知果d 牛係唔係鑲金:34:
Carpaccio 3/f
主打食甜品................tiramisu同心太軟
好小食到咁足料o既tiramisu啦,夠滑夠味,咖啡味不會蓋過芝士味,貴就一定貴架啦,幾十蚊食個甜品,不過食到咁o既質數真係合格啦,下次留肚食下佢其他
Kraze Burger 6/f
大量burger 店衝擊市場,呢度又一間新野
係商場入面同門口都不停派發買包就有免費o既芝士辣椒薯條,本身要28蚊,e+唔洗錢,食落都幾好食,但覺得芝士唔夠,不過都係即叫即炸,要錢呢...就免......!
.B++ burger($65)....黎到大就夠曬大啦......但我舊茄仲厚過塊肉,唔止我一個係咁,人人都係...佢d茄一定係基因突變......洗唔洗咁大塊....,不過講返佢個包先,都唔錯o既,一層包,生菜,茄,洋蔥,酸瓜醬,煙肉,蛋,牛肉,芝士,一層包,食就的確都ok o既...係我唔太鐘意食番茄.....所以要扣佢小小分!同埋牛肉味唔夠~e+到1月31日有7折,要試就快d試啦,又有薯條,又有7折,過左我應該唔會再去食!
浪漫館橫浜 6/f
又一吉烈專門店....叫價一樣咁高....講真咁炸法點解要收咁貴.........我好鐘意食煎炸野,但都好小去呢煩型鋪頭,因為感覺唔值......比大家睇下個餐單好啦....
睇完朋友o既相,感覺好似幾好食....但佢同我講係假架.....d 豬好"鞋",味道同醬汁都係一般貨式...叫我唔洗去=口=.....(心諗,食完就早d 講啦,我去完返黎先講我知)
轉貼專食cheap 野相片
所以d 相有幾靚都好,上網聽人講幾好食都好,係唔同人心目中都有不同見解,千萬唔好人人話好,唔理幾貴都去試下自己d 唔鐘意食o既野.... |
樓主: 真紅
發表於 14-1-2010 12:50:39
