Pose+ Metal 系列新品 集中區

waiwaiwai326

唯一要求----請出合理少少的貸量...銀河旋風都未見過街貨,之前不預訂是為了等評測才買,不算有問題吧

mj23

根本英俊 發表於 28-9-2020 01:48 PM
同意, 如果佢入手價係係1800-2500, 個人覺得會合理, 如果妳話調低價會減少而家既設計, 其實又問心, 佢而 ...

有燈俾我都唔會著, 最唔值既部份.

mj23

taifat 發表於 28-9-2020 02:44 PM
正正就是其他廠有出，調低價錢先有吸引力去入手

其他廠出都冇用, 冇隻做得靚, 我寧願唔買, 都唔會因為平買隻自己唔鐘意.

mj23

bunnyyau 發表於 29-9-2020 11:35 AM
一般香港打工仔，計佢2萬人工，一隻2000~3000玩具，等於10~15%既收入。
雖未至不能負擔，但也不算平宜。

對某啲人黎講, 2000蚊買玩具都係貴. 咩心理關口都係因人而異, 冇話大唔大眾.  

講起價錢, 合金魂上到2千時都好多人話貴, 到千5又話乜, 到千二又話一千先考慮. 到一千又會話要低過一千, 到見坐艇又話唔值錢, 等R版...

mj23

taifat 發表於 28-9-2020 05:16 PM
有人等1K，呢d係市場及玩家控制，如果黄金俠佢開3K3，你願唔願意買？仲覺唔覺物超所值，因為黃金俠開1K頭 ...

黃金俠既複雜程度又點同天威, 合金魂兩個定價都唔會一樣啦.
我都想POSE+ 2千幾, 但合金魂R當時開訂都捱近2千, 千值更加唔止, POSE+ 好佢咁多, 邊有可能都係2千頭

kolon99999

waiwaiwai326 發表於 2-10-2020 03:30 PM
唯一要求----請出合理少少的貸量...銀河旋風都未見過街貨,之前不預訂是為了等評測才買,不算有問題吧 ...

因為好多人都係咁諗所以唔夠賣吧...
加上出果陣WATAFA推一推講到BEST OF THE YEAR
點會夠賣丫

所以先話唔好習慣性咁將大廠既PATTERN套落其他牌子度....
大家玩慣B記, 一係人為控制地炒, 一係一街都係就劈

無論係等平定等炒, 都唔係太健康既心態
覺得想要既就訂左先
之後就唔駛煩了

根本英俊

mj23 發表於 2-10-2020 10:12 PM
其他廠出都冇用, 冇隻做得靚, 我寧願唔買, 都唔會因為平買隻自己唔鐘意.

係囉, 遲D玩具郁下都5000一盒, 呢個日子應該好快盲到, 平買隻自己唔鐘意, 同性價比正常既要求係兩回事, 今次呢隻無變形都3380, 勇者王應該5000先可以符合師兄既定義罷! 妳話今次佢做得好靚, 我又覺得係正正常常, 唔係話唔靚, 只係其他廠出得差, 所以師兄妳可能月入好多好多, 但我呢D又要養家既, 除非真係好鐘意,, 否則情意結呢D野真係唔係我地呢D年齡講...買左仲要搵地方放....一陣又怕氧化, 一陣又怕白件.....大那那幾千蚊, 只可以話價值感唔同, 同我已經唔係可以任性既年齡罷....或者咁講, 佢既對像唔係我呢D人啦!

mj23

根本英俊 發表於 3-10-2020 01:51 PM
係囉, 遲D玩具郁下都5000一盒, 呢個日子應該好快盲到, 平買隻自己唔鍾意, 同性價比正常既要求係兩回事,  ...

到5000一盒,覺得唔值既就唔好買, 唔係必需品. 3千幾既天威我都覺係貴, 比我想像中貴, 我只係比較現有同類產品.如果你唔覺得靚,又洗咩理佢個價. 勇者王就算一千我都唔會買, 因為唔係我杯茶.

唔好講之後5000, 隻解體高達幾銀? 仲有好多唔變得形, 冇野玩, 齋擺既雕像, 你睇睇個價, 過萬既大把, 亦要好大空間, 一樣有爛既風險.

唔知你係唔係玩開老變,部份人咩都要變形,只要唔變就唔值, 要變形先有資格貴同複雜, 但可以變形幾舊水玩具既大把, 小朋友向兩三舊水既都一樣有. 你覺得要變形先值, 唔代表個個都係咁睇. 天威, 高狄安呢種合體難唔難?  好多人都心中有數, 你睇嚇千值鍊搞到一鑊粥就知.

開得貴一係成本, 一係真係好有信心食硬你地會落搭, 你估話開幾多就有幾多一定有人買? 如果係亂開價, 尤其係呢個環境, 你地唔買坐曬艇, 佢自己都有風險(其實買我地洗咩理, 賺蝕都冇得分).  而正價買既都冇得怨, 願者上釣. 我絕對支持唔好盲目幾多都買.

機甲艦隊就係一例, 起初個個都以為好似百獸, 但而家周街都有貨. 天威隨時都可能係咁仲要坐艇, 仲要佢比機甲冇咁popular.

情意結就更加係個人問題,我對好多野都有情意結. 都冇可能咩都要擁有過, 睇開啲. 玩得天威/老餅玩具既人咩年紀, 要養家既大有人在. 你唔會認為諗間廠要遂個考慮養家, 有冇位放既個人問題呱? 玩到要考慮咁多, 不如用喺屋企上更值得, 玩具玩到咁愁咁悲就無謂  

Vince

上海展示

taifat

Vince 發表於 3-10-2020 10:13 PM
上海展示

請問有冇show旋風出嚟？

根本英俊

mj23 發表於 3-10-2020 06:45 PM
到5000一盒,覺得唔值既就唔好買, 唔係必需品. 3千幾既天威我都覺係貴, 比我想像中貴, 我只係比較現有同類 ...

師兄, 妳想講咩? 妳似教緊我做人, 真係好大既道理, 特別係個龍門周圍放! 我無因為唔買而愁, 唔知點解妳會覺我愁, 我只係有感, 而家咩玩具都幾千蚊一盒, 有D成萬蚊, 覺得自己唔係佢顧客範圍內, 妳特別打篇野出黎回我, 我又捉唔到妳重點, 剩係知妳前文後理一D都唔連貫, 不過最尾話我玩玩具玩到咁愁就唔好玩, 係, 我而家係唔會玩, 因為我無打算買! 我同時地都讚成D廠無需要考慮顧客要否養家, 不過我想指出, 養家同留D錢同家人去玩係兩件事, 只係我覺得而家D玩具郁下幾千蚊真係唔係正常! 唔代表我買左養唔到家, 不過3千幾蚊可以同成家人用得好開心一日! 如果真係有頭家, 自己會自己取捨罷!

ANYWAY, 我玩幾百蚊玩具我確係幾開心, 玩具一直都係兒童向, 唔係以價格去決定佢係唔係玩具囉!

Vince

根本英俊 發表於 4-10-2020 07:40 PM
師兄, 妳想講咩? 妳似教緊我做人, 真係好大既道理, 特別係個龍門周圍放! 我無因為唔買而愁, 唔知點解妳會 ...

玩玩具最緊要自己開心 la ...

fktuen

我都變成大叔了, 近來會咁對待玩具嘅價格....

設計好, 當藝術品
正路價, 當日用品
炒價高, 當拍賣品
破低價, 當慈善品

===

藝術品 - 識欣賞與否則見人見智, 值唔值無黑白對錯
日用品 - 買完唔怕玩爛, 亦唔會因個價令自己唔開心
拍賣品 - 拍埋嘅野, 多是心頭好, 係覺得唔值又俾得唔爽, 但都死死地乖乖入手, 之後珍以重之咁玩.
慈善品 - 當做善事...幫吓店主唔使佢蝕到入肉同責貨, 亦為堆填區暫時省個位

stonekeung01

https://twitter.com/pose_plus/status/1313064399410585600?s=21

taifat

stonekeung01 發表於 5-10-2020 06:56 PM
https://twitter.com/pose_plus/status/1313064399410585600?s=21

正{:1_377:}:no: